Yohanes 17:21 - Allah Wene Hurumbik Keron

²¹ Ariroho ihi ari, it obog inindi misig-at welamag ulug yig hituk ahi-o, Nikni. Eke nit Hat ninim ninebe misig-at welahe etno hag, it inebe nit ninim misig-at welamuhuken ulug yig hirihi-o. Eke it aphe kweanmon epmanowen, At Yesus Allahen demat lahapfik waharisi ulug inahla bukagsoho it An nudaki epmano inebe misig-at welamag ulug yig hirihi-o.

Yohanes 17:21 ပူးပေါင်းရင်းမြစ်များ

Markus 3:24

“O ahik misihon it minggiroko wilil umayirluk aptuk isalug, inoag eleg aruhu-o.

Yohanes 10:16

Eke it An nanggom domba nin o werlekma lehet oko werehon epmano inim-at og inaplug waruhuk-o. Og inaplug waharuk aruhukmu, iren An nune inesanggo holtuk amuhupmu, inebe obog misigmu-at dambuksoho imbisalug, At inaso werehon etno misig-at welaruhu-o.

Yohanes 10:30

Eke nit An Nikni ninim ninebe misig-at welahe-o,” ulug yig isebag.

Yohanes 10:38

Eke An At Niknien suruk etno hag ilitoho suruk nealug, hiren An nobam eberoko wao sohorep isalug, Anden yabuk suruk ahion epmano eberoko waruk amuk-o. Ariroho waruk amuk ulug yig hisihi ari, hiren At Amloho Ikni inim inebe misig-at wereg-o, eke At Ikni Amloho inim inebe misig-at wereg-o, ulug hinahla buruk wilil, hit hinindi demat ebebuhuben ulug waruk amuk yig hisihi-o,” ulug yig isebag.

Yohanes 11:42

Hat hesanggo holtuk ahenon etno An niluk oke, it yi aphe di aphe obog wonggalik waheson dumen At Yesus etno Ikni Allahen demat lahabik waharisi ulug inahla buruk wilil eberoko wawag ulug yig hirihi-o,” ulug yig epag.

Yohanes 13:32

Eke Anden sukon etno fam Allah inuk suontepfukon etno arat selegma aruhu halug, At Allah akelehen Amloho inuk suontepfuruk aruhuk ebahon etno kidia inim-at suontepnahikon-o.

Yohanes 13:35

Ariroho wereg hisalug, it aphe obohen it ap du Yesus omini-at isehe-o, ulug yig hisaruk amuhup-o,” ulug yig isebag.

Yohanes 17:11

Eke An nebe etno o kweanma duma sohorep isalug, kidia Hat hambeg wariog ulug suruk ahi-o. Eke it nudaki epmano hag o kweanma duma-at welamuhup-o. It inebe duma welamuhup ari fam, Haren An bilin nindi oag werehep naharikin etno hag, it ariroho-at Hat hinuk fam inindi oag werehep isin-o Nikni. Hat hebe etno suon-at welahen-o. Eke nit Hat ninim ninindi misig-at welahe etno hag, it inindi misig-at welamag ulug og isimin-o.

Yohanes 17:18

Eke Haren An nebe o kweanma duma lahap nabik waharikin etno hag, Anden it inebe o kweanma duma lahap isa waharikik-o.

Yohanes 17:20

Eke An sembahyang uruk ahi ari, it inakeleg-at inake sembahyang uruk ahi fug-o. Eke iren wene yig isil nurukmu it nin An nobam eberoko wahubon inim-at inake sembahyang uruk ahi-o.

Yohanes 17:25

Eke Haren fano mondog suruk ahen-o. Eke it aphe kweanmon Hat hawene waruk elehon epmanowen Hat hebe inapeleg-at wereg oke, An hag Hat hebe niluk etno fam, it nudaki epmanowen At ebe demat Allahen lahabik waharisi ulug iniluk-o.

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Yohanes 17:8

Eke wene Haren og nitikinon etno yig isaruk atikikmu, iren eberoko warusareg, At Yesus etno At Allahen lahabik waharisimu, ebe At Allah wereg ambeg epmen demat waharisi hehe-o, ulug iniluk atisi-o.

Yohanes 3:17

Ariroho og isebag ari, it aphe o kweanma dumon epmano oag deloko o dagma imbisawag ulug At Allahen Amloho etno belabik wapag fug-o. Aren it aphe o kweanma duma werehon epmano inili wawag ulug-at belabik wapag-o.

Yohanes 5:23

it apheyen At Ikni inuk suontepfuruk amuhup etno hag, Amloho inuk ariroho-at suontepfuruk amuhup-o. Eke ari halug, it apheyen At Amloho inuk suontepfuruk eleg ari, At Iknien lahapfik waharision etno inuk suontepfuruk eleg at-o,” ulug yig isebag.

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

Kisah Para Rasul 4:32

Nin eke, it Allah wene webahon epmano inindi misig-at dambulig welapag. Inindi misig-at dambulig wilil, du an naharek uruk apag fug. Nit obog ninaharek-o, ulug uruk apag.

Roma 12:5

Eke ari hag, nit Allah udaki epmano ninebe anggolo welahe oke, At Kristus ninim wilil, nit At ebe misig-at neken welahe-o. Ariroho weregma, nit ninakeleg sik At inggik iog sele neken welaheon epmano ebe etno fam dambuksoho ninombisaharuk-o.

1 Korintus 1:10

Nomini-o, hit hit healeg welahep ha nowen hinune uruk ahebon etno misig-at uruk amuk-o. Eke hinahla buruk ahebon epmano inim, eke hinindimu ebetuk ahebon epmano inim misig-at amag ulug anden At Ninowe Yesus Kristus inuk suon etno fam yig hisaruk ahi-o.

1 Korintus 12:12

Ap inebe epmano misig-at oke, ininggik iniog wereg-o. Eke ap inebe ininggik iniog sele anggolo wereg oke, inebe misig-at wereg etno ilitoho, At Kristus ariroho misig-at wereg-o.

1 Korintus 6:17

Eke At Ninowe inuk suon etno ninim dambultuk aheon ari ninindi misig-at welamuhuk-o.

Galatia 3:28

Eke ari halug, it Yahudi ap inim, eke it bilin Allah wene inapeleg welatuson epmano inim, eke it ap inanggimbu, iniknisi epmano inim, eke ap inim, hweap inim, it dahan fahan wereg eleg-o. Eke hit At Kristus Yesus hinim misig-at welahep etno fam obog ilitoho-at welahep-o.

Filipi 1:27

Eke an nebe, fobik bik hisa waruhuk ano eleg ano ulug napelegma, hit wene alem misig du suruk amag ulug yig hisaruk ahi-o. Eke wene yig hisaruk ahi ari, At Kristusen wene fano wene etno fam ariroho siek ulug yig hisarukon etno hiren ilitoho sukag ulug yig hisaruk ahi-o. Eke hit hinindi misig-at dambuksoho wilil, hinoag weregsoho-at wene fano wene etno demat ulug ebetuk ahe-o ulug urukmu nesanggo holuhuk-o.

1 Yohanes 1:3

Eke ninesanggo holtukukon etno hit-at yig hisaruk ahe-o. Eke hit ninim ninomini atlug, Allah ninim eke Amloho Yesus Kristus ninim dambuksoho welahe-o.

1 Yohanes 5:7

Eke yig nisarukon ari, boholmen it henahanen yig nisaruk-o, ari Ikni etno inim, At Wene etno inim, eke Roh Kudus etno inimen boholmen yig nisaruk ari, wene misig-at yig nisaruk-o.