Yohanes 17:19 - Allah Wene Hurumbik Keron

¹⁹ Eke it inebe epmano Hat hudaki demat welamag ulug An nebe etno it inake nonggarehen fuloko ombataruk ahi-o.

Yohanes 17:19 ပူးပေါင်းရင်းမြစ်များ

Yohanes 10:36

Ari halug, eke At An Nikni etnowen nebe heako minduhup naharuk atisireg, o kweanma duma lahap nahik waharisi-o. Eke Anden An nebe At Allah Amloho-at welahi-o, ulug irikikon oke, hiren Hat At Allah inuk seberepfuruk ahen ulug yig nituk ahep ari, keroho ulug yig nituk ahep-o?

Yohanes 15:13

Eke at ap misig etno omini inake waratuk etno, omini indi hunduhuk wilil waratuk-o.

Yohanes 15:3

Eke engga buhon inim, il inim kisiloko imbisaruk etno hag, Anden wene yig hisaruk atikik etno fam arat hinindi ho hinaptikik-o.

Yohanes 17:17

Ari halug, it epmano Hat hudaki welamag ulug wene demat uruk amon etno yanggul isaruk amin-o. Eke wene demat urukon etno Hat hawene at-o.

Yohanes 17:20

Eke An sembahyang uruk ahi ari, it inakeleg-at inake sembahyang uruk ahi fug-o. Eke iren wene yig isil nurukmu it nin An nobam eberoko wahubon inim-at inake sembahyang uruk ahi-o.

1 Korintus 1:2

Eke hit Allah udaki o Korintus welahebon du At Allahen At Yesus Kristus inuk fam hinakeleg-at hinombisahakeg, eke At Allah udaki wilil hinakeleg welamuhuben ulug wol hiseheg suruk atision etno hit inim, eke it yi aphe di aphe ninim obog-at Ninowe Yesus Kristus inuk suontepfuruk aheon etno inim, wene holal du baloko hinombisaharuk ahe-o.

2 Korintus 4:15

Eke yi wene di wene ihion ari, hit hinake-at ariroho seg atuk-o. Eke ari ilitoho At Allahen ninabua nisarukon wene etno it aphe obohen nin bilin weheg, it aphe nin fobik weheg eberoko waruk amuhupseg, At Allah inuk suontepfuruk wilil, wa ulug uruk amuhup-o.

2 Korintus 7:14

Eke anden at Titus yig ituk wilil suontep hisaharikikon etno hiren an nenggali hawag ulug sirikip fug-o. Eke an hit farim it ariroho suruk ulug nintul nantul hinabug demat yig isaruk ahi-o. Eke fanoroho-at suruk ulug hinabug at Titus yig itikikon etno ilitoho-at suruk atikip-o.

2 Korintus 8:9

At etno aharek anggolo welapahon oke, hit hinake-at aharek elehon neken seg apag-o. Eke At etno ariroho aharek elehon neken seg apag ari, hit hinaharek anggolo werehep hisahiog ulug ariroho seg apag-o.

Kolose 1:6

Eke wene fano wene ari o ahik ya da ya laheg da laheg suruk halug, hit weregma-at waharisi-o. Waharukmu, At Allah ahien inobam umburuk halug, hit ariroho-at hinesanggo holtikipseg fam At Allah ahien hinobam umburuk-o.

1 Tesalonika 4:7

Eke At Allahen yi dag di dag suruk amag ulug wol hinaptisi fug-o. Aren hinobabut fanoroho suruk amag ulug wol hinaptisi-o.

2 Timotius 2:10

Eke ari halug, it aphe At Allahen imig inapahon epmano At Yesus Kristus inuk fam inili wawon etno inim, eke iniluk mondog welamon etno inim holawag ulug it inake yabuk suruk neyeheg, it ninen dahon etno nobam umburukon oke, nahla bugsoho welahi-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 10:29

Ari halug, at ap misihen At Allah Amloho etno ambit heheg, eke At Yesus amep fam aphe inindi dahon horep isalug At Allah inim dambulukon etno hai ulug seberoho embeheg, eke At Roh Kudus ninabua nisarukon etno abug baleheg surukon halug, onggo mondog-at wabukag ulug oag deloko umbukon etno hinindi ebetuk amuk-o.

Ibrani 2:11

Eke Aren nit dag suruk aheon etno ninindimu ho ninaptuk ari famen, At etno inim eke nit dag suruk nisalug ho ninaptision etno inim, obog-at nit Ninikni At ebe misig-at wereg-o. Nit Ninikni misig-at wereg ari famen, At Yesus etnowen it du An nomini at-o, ulug yig nisawon fano enggali elegsoho-at yig nisaruk-o.

Ibrani 9:13

Eke bilin it wam kambing amep inim, eke sapi kulog amep inim, eke sapi udag hondok yalepfebahon ul epmano inim waruk apareg, it aphe nin inobam amben neken werehon epmano ho amag ulug inobam delik laruk apagma, inobam amben eleg atuk apag etno hag, kidia At Kristus amep etno fam ninindi demat ho ninaptuk-o.

Ibrani 9:18

Ari halug, wene hurumbik amukon etno yig isaruk heheg, wam amep fam Allah inim dambultuk apag-o.

Ibrani 9:26

o kweanma duma alem bilin wal hebag etno famen dahon etno obam umburukmu, nintul nantul-at waratlep-o. Ariroho selebon oke, kidia o ebe elehap sukon etno fanggog uruk heheg, At ebe etno misihim-at waharuk apareg, it apheyen dag surukon epmano elehap siog ulug At ebe misihim-at Allah ake ombatebag-o.

1 Yohanes 3:18

Nudaki-o, niren ninomini ninim hunduhuk welahe-o ulug we ninuneyen-at uk ari hai-o. Ninuneyen uruk atlug, nininggiken yalmag isa ari fano.

1 Yohanes 3:3

Eke At Kristus waruhuon obabut fano etno hag, At ebe hag amuhuken ninobabut fanoroho welamuk-o.