Yohanes 17:11 - Allah Wene Hurumbik Keron

¹¹ Eke An nebe etno o kweanma duma sohorep isalug, kidia Hat hambeg wariog ulug suruk ahi-o. Eke it nudaki epmano hag o kweanma duma-at welamuhup-o. It inebe duma welamuhup ari fam, Haren An bilin nindi oag werehep naharikin etno hag, it ariroho-at Hat hinuk fam inindi oag werehep isin-o Nikni. Hat hebe etno suon-at welahen-o. Eke nit Hat ninim ninindi misig-at welahe etno hag, it inindi misig-at welamag ulug og isimin-o.

Yohanes 17:11 ပူးပေါင်းရင်းမြစ်များ

Matius 10:16

At Yesusen yig isaruk wilil, “Hit hinesanggo holtuk amiek­-o. Wam domba epmano it oloyangge hahon inayeg libil inaptukon inambeg lahap isaruk etno hag, lahap hisaruk ahi-o. Eke wam elien orom niog ulug aphe inamben baltuk etno hag, hit hinebe yaharoho wilil, sue yalme indi fano wereg etno hag hit hinindi fanoroho welamuk-o.

Matius 5:48

Ari halug, hit Hinik­ni boholma werehon etnowen fano­won-at suruk etno hag, hiren mondog fano­won-at suruk amuk-o,” ulug yig isebag.

Matius 6:9

At iluk wereg etno fam, hiren sembahyang duroho obam uruk amuhup-o, ‘Allah Ninik­ni boholma welahenon hat hinuk-at suontepfuk-o.

Yohanes 13:1

Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 13:3

Ariroho indi kahaltuk apagma, eke At Yesus etno ahla buruk wilil, “An noag weregsoho welamag ulug At Niknien yi angge di angge obog-at ninggikmu imbirisi-o. Eke An nebe etno At Allah wereg ambehen ambik waharikik halug, fobik At Allah wereg ambeg-at lahuk-o,” ulug ahla buruk apareg,

Yohanes 14:20

Ariroho hiniluk wilil, An Nikni ninim ninebe misig-at welahe etno hag, hit An ninim ninebe misig-at welaheon epmano o ari sambit hiniluk amuhup-o.

Yohanes 16:28

Eke An nebe etno Nikni wereg ambeg epma sohorep isalug, o kweanma duma ambik waharikik-o. Ariroho ambik waharikik etno hag, eke kidia o kweanma duma sohorep isalug, At Nikni wereg ambeg epmano-at lahuk-o,” ulug yig isebag.

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

Yohanes 17:23

Eke Hat An ninim welahe etno hag, An it ninim wereg nealug it obog inebe misig-at welamag ulug yig hirihi-o. Eke ariroho wereg isalug, it aphe kweanmon epmanowen inahla buruk wilil, At Allahen Amloho indi hunduhuk welatisi etno hag, udaki obog indi hunduhuk wereg-o. Eke At Yesus ari Allahen demat lahabik waharisi-o, ulug inahla buruk wilil iniluk amag ulug yig hirihi-o Nikni.

Yohanes 17:25

Eke Haren fano mondog suruk ahen-o. Eke it aphe kweanmon Hat hawene waruk elehon epmanowen Hat hebe inapeleg-at wereg oke, An hag Hat hebe niluk etno fam, it nudaki epmanowen At ebe demat Allahen lahabik waharisi ulug iniluk-o.

Yohanes 17:6

Eke it yi aphe di aphe kweanma duma werehon epmano An nudaki welamag ulug fuloko og nitikon epmano Hat hebe iniluk amag ulug yig isarikik-o. Eke it inebe bilin Haren angge-at welatuson oke, fobik An og nitikin-o. Og nituk atikinmu, iren Hat hawene etno eberoko waruk atusareg,

Yohanes 7:33

Lahap isaruk apagma, At Yesus etnowen yig isaruk wilil, “An ninggik dorat hit ninim welamuhukseg, fobik At lahap nabik waharision etno wereg ambeg epma niog suhuluk lahuk-o.

Kisah Para Rasul 3:21

At belabik waruhuon etno boholma welatlug fobik yi angge di angge inim fano inabukag ulug belabik waruhu-o, ulug it nabi Allah wene yig isarukon epmanowen bilin hurumbik embebahon etno hiniluk-o.

Roma 12:5

Eke ari hag, nit Allah udaki epmano ninebe anggolo welahe oke, At Kristus ninim wilil, nit At ebe misig-at neken welahe-o. Ariroho weregma, nit ninakeleg sik At inggik iog sele neken welaheon epmano ebe etno fam dambuksoho ninombisaharuk-o.

Roma 9:17

Eke at wene holal baleg etnowen at Firaun etno yig ituk wilil, “An noag weregsoho suruk ahion etno hat hebe fam selegma amag ulug hebe minduhup haharikik-o. Eke An ninuk etno o kweanma o ahik ya da iniluk amag ulug hebe endohop haharikik-o,” ulug yig epag-o.

1 Korintus 1:10

Nomini-o, hit hit healeg welahep ha nowen hinune uruk ahebon etno misig-at uruk amuk-o. Eke hinahla buruk ahebon epmano inim, eke hinindimu ebetuk ahebon epmano inim misig-at amag ulug anden At Ninowe Yesus Kristus inuk suon etno fam yig hisaruk ahi-o.

Galatia 3:28

Eke ari halug, it Yahudi ap inim, eke it bilin Allah wene inapeleg welatuson epmano inim, eke it ap inanggimbu, iniknisi epmano inim, eke ap inim, hweap inim, it dahan fahan wereg eleg-o. Eke hit At Kristus Yesus hinim misig-at welahep etno fam obog ilitoho-at welahep-o.

Efesus 4:4

Eke At Roh Kudus ebe misig-at wereg ari hag, it Allah udaki etno inebe misig-at wereg-o. Eke At Allahen fanowon etno og hisahuk ulug abug yig hisarisi halug, misig etno-at huluog ulug welahep-o.

Filipi 2:9

Ariroho dorontepatarisireg fam, At Allahen inuk mondog suontepfuruk wilil, At akeleg-at suon welamag ulug minduhupfirisi-o.

Ibrani 1:3

Ariroho wal hebag ari, At Allah boholma suon wereg etno hag, At Amloho ilitoho-at wereg-o. Eke At Allah indi ebetuk etno hag, At Amloho ariroho-at ebetuk-o. Ariroho ebetuk wilil, At une oag werehon etno fam o kweanma duma aso wereg-o. Eke Aren nit o kweanma dumen suruk atukukon epmano ho ninaptuk apareg, Allah suon boholma werehon etno inggik bikit fil horie ik lahabag-o.

Ibrani 9:24

Eke it aben du Allah ibam ulug ilitoho neken falfahon epmano fam At Kristus kebag fug-o. At ebe etno boholma-at laharuk apareg, kidia At Allah inim wilil, nit ninake dug suruk-o.

Yakobus 4:4

Eke hit hinindi fanoroho ebetuk ahep fug-o. It kweanmen dag surukon epmano ninim dambuksoho wereg nisalug, At Allahen sohorep nisaharuk-o. Eke it kweanmen dag surukon epmano nomin ulug inim wereg isalug, ari At Allah inim healeg wereg-o.

1 Petrus 1:5

Eke hit Allah wene warukmu, hinindi oag weregsoho wahubon etno fobik At udaki fanoma imbisiog ulug weregma, fanowon og hisawon epmano dugsoho hinombisaharuk-o.

1 Yohanes 3:12

At Kain etnowen sebag etno hag suk fug-o. At Kain iblis amloho etnowen, ot Habel wapag ari, nongge farim wapag-o? Ari at Kain obabut dahon weregma, eke ot Habel obabut fano sebag arien wapag-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.

Yudas 1:24

At Ninikni dil ninaptukon etno ahien nisahureg, og ninaplug o fanoma ninombisahaku-o.

Wahyu 15:4

Eke Hat akol hearuk elehon misig wereg ano? Eke Hat hinuk suontepfuruk elehon misig wereg ano? Hat hebe suon hoag werehon-at welahen-o. Eke it yi aphe di aphe inungguluag dombohen Hat fanowon suruk ahenon etno inilanggen hearuk atusareg fam, Hat hambeg waharuk amuhupseg, Hat holohotmen hinuk fam sembahyang uhup-o,” ulug di etno urusa-o.

Wahyu 19:12

Ariroho wilil, At ilanggen hondok ambulpul neken yibatuk atisi-o. Ariroho yibatuk wilil, unggula­sum anggo­lo-at wanteg welatisi-o. Eke At ebe ilahoag fam inuk At ake­leg-at ilukon etno holal baleg welatisi-o.

Wahyu 4:8

Eke it inebe empat iniluk werehon epmano sue ilitoho inaherabul enggalimen angge weregma, femag femag anduhunmu apma inilanggen wereg harikik-o. Eke it epmanowen ilikia hupmu di uruk wilil, “At Ninikni Allah suon alon wereg-o. At ebe etno bilin welapag, kidia wereg, fobik welaruhuon at-o,” ulug di urusa-o.