Yohanes 16:23 - Allah Wene Hurumbik Keron

²³ Eke hiren o ari sambit An nobam kino yig nituk amuhup fug-o. An ninuk baltuk wilil, Nikni akeleg-at obam kino yig ituk hisalug, Aren og hisahu-o.

Yohanes 16:23 ပူးပေါင်းရင်းမြစ်များ

Matius 21:22

Eke hiren sembahyang kino uruk wilil, hinindi demat ulug ebetuk hisalug, og hisahu at-o,” ulug yig isebag.

Matius 7:7

At Yesusen yig isaruk wilil, “Hit sembahyang kino uruk hisalug, og hisahu-o. Hit heaharuk ahebon etno heag sahup-o. Sok kik haruk hisalug, hut hisahu-o.

Yohanes 14:20

Ariroho hiniluk wilil, An Nikni ninim ninebe misig-at welahe etno hag, hit An ninim ninebe misig-at welaheon epmano o ari sambit hiniluk amuhup-o.

Yohanes 14:22

Yig isaruk apagma, at Yudas Iskariot etno bilin wilip apareg fam, at Yudas misig etnowen yig ituk wilil, “Nowe-o, Hat it aphe kweanmon duma hobam ebetuk elehon epmano hawene bukaloko yig isao sohorep isalug, nit-at yig nisahun ari, keroho ulug suhun-o?” ulug yig ituk apagma,

Yohanes 14:5

Yig isaruk apagma, eke at Tomas etnowen yig ituk wilil, “Nowe-o, o Hat lahun ambeg epma nit ninapelehon oke, nit o epma lawon kwalem ari keroho niniluk aruhu-o?” ulug yig epag. Yig ituk apagma, eke At Yesusen yig ituk wilil, “Hit kwalem lawon etno inim, eke wene demat uruk amon etno inim, eke iniluk inaptukon etno inim, alem An nakeleg-at welahi-o.

Yohanes 15:7

Eke hit hag An ninim hunduhuk wilil, nawene yig hisaruk atikikon epmano fanoroho waruk amuhupseg, hiren yi angge di angge epmano ariroho sin-o, ulug sembahyang uruk hisalug, Aren suhu at-o.

Yohanes 16:19

Ariroho uruk apareg weregma, At Yesus etno nunema wuog ulug suruk-o ulug ahla buruk apareg, yig isaruk wilil, “Anden nebe dot welatlug eleg neahup-o. Eleg nearuk amuhubon oke, fobik dot welaruhukseg neahup-o, ulug yig hisihion ari farim hit hit hinog og og uruk ahep ano?

Yohanes 16:26

Eke hiren o ari sambit An ninuk fam At kino yig ituk amuhup-o. Eke Anden hit hinake At obam kino yig ituk aruhuk yig hisaruk ahi fug-o. At An Nikni etno akelehen-at hinobam indi hunduhuk wereg-o.

Yohanes 16:30

Ariroho hearuk ahereg, Hat hebe etno yi angge di angge alem obog iluk ulug ninahla buruk ahe-o. Eke Haren nit hinog og ninabuk ari hai-o. Eke Hat hag yi angge di angge alem hiluk welahen etno fam, niren ebe At Allah wereg ambehen-at ambik waharisi ulug hobam ebetuk ahe-o,” ulug yig epag.

Efesus 2:18

Eke At Kristusen ariroho yig nisa wapareg fam, nit obog-at it Yahudi inim, eke hit Allah wene hinapeleg welatikibon inim, Roh Kudus misig etno-at ninindimu kurukmu, At Ninikni Allah misig-at obam ebetuk ahe-o.

1 Yohanes 2:1

Eke dag surukon etno sohorep isaruk amuhuben ulug, holal du bal hisihi-o, nudaki. Eke at misihen dag suruk halug, At Yesus Kristus Ikni Allah olohotma ninake urukon wereg-o.