Yohanes 16:22 - Allah Wene Hurumbik Keron

²² Eke at hwe etno bilin indi dag atukon oke, fobik ahien haruk etno hag, hit ariroho suruk ahep-o. Hit hinebe kidia hinindi dag atuk ahep oke, fobik hinindimu hinahien harukmu nilanggen hisahuk-o. Ariroho hinahien hahubon etno at ap misihen elehep hisahaku fug-o.

Yohanes 16:22 ပူးပေါင်းရင်းမြစ်များ

Matius 28:8

Yig isaruk apagma, it etano o wikelma etno sohorep isalug, dulum-at laruk apareg, inakol heheg, eke inahien anggolo heheg suruk wilil, it ap At omini epmano yig isa lebag.

Lukas 10:42

sohorep isalug ebe misig hindimu ebebuk fano. Eke at Maria etnowen ebe fanowon etno imihikekseg fam, mondog-at holahu-o,” ulug yig epag.

Lukas 16:25

at Abraham etnowen yig ituk wilil, ‘Namloho-o, hat hiluk wilil, yi angge di angge fanowon epmano obog seneg wereg heyeheg, at Lazarus yi angge di angge dahon obam welatisi etno hag, kidia hat o hondok olokma wereg heyeheg, at Lazarus duma wilil, ahientoho ninim welahe ari hindi eberin-o.

Lukas 19:26

‘Eleg-o, ap misig yi angge di angge werehon halug, obam seberoho inim-at og iruhu-o. Eke ap misig yi angge di angge dorat werehon etno obogsoho wahureg, at anggolo werehon etno-at og iruhu-o.

Lukas 24:41

Yig isaruk apagma, it epmanowen wi ulug inahien anggolo haruk wilil, At obam awan inindi ebebuog ulug surukmu isaruk apareg, yig isaruk wilil, “Naruk angge dot wereg halug An naminen og nimiek-o,” ulug yig isaruk apagma,

Yohanes 14:1

Eke fobik At Yesusen yig isaruk wilil, “Hit hinindi dag am fug-o. Hiren At Allah obam ebetuk ahep hag, An nobam ariroho-at ebetuk amuk-o.

Yohanes 14:19

Eke An nebe etno dot welatlug, it aphe kweanmon epmanowen neahup fug oke, hit hag hinilanggen neahup-o. Eke An niluk welaruhuk etno hag, hit ariroho-at hiniluk welamuhup-o.

Yohanes 14:27

Ariroho ebebuhubon oke, eke kidia hag hinindi hinahlahiroho welamag ulug yig hisaruk ahi-o. Ariroho yig hisaruk wilil, An ninuk fam hinindi hinahlahiroho welamon etno og hisaruk ahi-o. Ariroho og hisaruk ahi ari, it ap kweanmonen inindi inahlahiroho welamag ulug og isaruk etno hag og isaruk ahi fug-o. Ariroho og hisaruk nealug, hit hinindi dag am fug-o. Eke hinakol ha fug-o.

Yohanes 16:16

Eke fobik At Yesusen yig isaruk wilil, “An nebe bilin dot welatlug, eleg neahup-o. Eleg nearuk amuhubon oke, fobik dot welaruhukseg neahup-o,” ulug yig isebag.

Yohanes 16:20

Ari halug, Anden wene demat uruk amon etno yig hisamin-o. Hit ioba yareheg, hinel wareheg suruk hiseheg, it aphe kweanmon An nawene waruk elehon epmano inahien hahup-o. Eke hit hinindi dag amuhubon epmano eleg atuk aruhumu, hinahien hahup-o.

Yohanes 16:6

kidia Anden yi wene di wene epmano yig hisaruk ahimu, hit hinindi mondog dag aha-o.

Yohanes 21:7

Hai atuk apagma, At Yesus omin indi hunduhukon etnowen Petrus yig ituk wilil, “At Ninowe etno ebe du at hihi-o,” ulug yig ituk apagma, at Simon Petrus etnowen esanggo holtuk apareg, “Ap du nit Ninowe at-o,” ulug ahla buruk wilil, asum selemon bilin loloko embebahon etno wantaruk apareg, ikma hiksoho ambebag.

Yohanes 4:14

Eke it aphe obog ik Anden og isahukon etno nahup halug, fobik obok hahup fug-o. Ik Anden og isahukon ari, eleruk inindimuen funaloko wilip atuk halug, ik ilukon etno anggolo aruhu-o. Anggolo atuk halug, etno fam iniluk welamon etno holahup-o,” ulug yig epag.

Kisah Para Rasul 13:52

Laruk apagma, it o Antiokhiaon Allah wene webahon epmano Roh Kudus inindimu kurukmu inahientoho welapag.

Kisah Para Rasul 16:25

Kolap isarisimu, eke fobik hubanggo homanoho ilimbul it Paulus Silas etano sembahyang uruk wilil, Allah inuk fam di uruk atusama, it kolap isaruson epmanowen inesanggo holeg welatusa.

Kisah Para Rasul 2:46

Og isaruk wilil, nintul nantul o Allah ibam wonggalik keheg, eke inibamen orom nenggeg suruk wilil, inindi inahientoho welapag.

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

2 Korintus 6:10

Eke ninindi dahap nisaharukon oke, ninahien haruk ahe-o. Eke ninaharek eleg neken welaheon oke, it aphe anggolo inaharek werehap isaruk ahe-o. Eke yi angge di angge elehon neken welaheon oke, yi angge di angge obog-at unde welahe-o.

2 Tesalonika 2:16

Eke At Ninowe Yesus Kristus etno inim, eke At Ninikni Allah indi hunduhuken ninabua nisaruk wilil, niniluk welamon etno inim, eke fano ninabuhu-o, ulug ninindi ebetuk aheon etno inim og nisarision etnowen, hinindi yonggon hinabeheg, eke hinune inim, hineyabuk inim fanoroho suruk amag ulug hinoag werehep hisahakeg sukag ulug yig hisihi-o.

Ibrani 10:34

Eke hinebe hele waroko aphe dahon imbisaruk ambeg epmano-at welatikip-o. Eke hinaharek diloko holaruk isalug, hinahientoho-at wilil, fanowon itog mondog welamon etno-at og nisahu-o ulug hinahla buruk wilil, hinahientoho welatikip-o.

Ibrani 6:18

Ariroho yig isebag etno hag, Aren hurumbik urukon etno inim, eke At inuk fam urukon etno inim yig nisaruk halug, At Allahen enggal-at ulug imbisahu fug-o. Ari halug, nit At Allahen ninili wawag ulug obam ebetuk aheon etno ninindi oag weregsoho wilil, Aren og hisahuk ulug yig nisebahon etno aso welahe-o.

1 Petrus 1:8

Eke At Yesus Kristus etno hinilanggen harikip fug oke, hinindimu hinim hunduhuk welahep-o. Eke At etno hinilanggen haruk ahep fug oke, At obam ebetuk ahep-o. Ariroho welahep ari, hinindi hinahien suon haruk wilil,