Yohanes 16:20 - Allah Wene Hurumbik Keron

²⁰ Ari halug, Anden wene demat uruk amon etno yig hisamin-o. Hit ioba yareheg, hinel wareheg suruk hiseheg, it aphe kweanmon An nawene waruk elehon epmano inahien hahup-o. Eke hit hinindi dag amuhubon epmano eleg atuk aruhumu, hinahien hahup-o.

Yohanes 16:20 ပူးပေါင်းရင်းမြစ်များ

Matius 21:38

Lahabik waharuk apagma, it ap yabuk ohop isebahon etnowen at ebe inilanggen haruk apareg, wene baltuk wilil, ‘At amloho at ubulukmu unde welariog ulug waha du maniek-o. Yi angge di angge at unde werehon ari nit unde amuhuken ulug warepful-o,’ ulug uruk apareg,

Matius 5:4

Eke hit hinindi dag atuk ahebon halug, wa. Hinindi fano hinabuhu-o.

Markus 14:72

sue ayam une birenam uruk apagma, at Petrus etno Yesusen bilin yig epahon etno indi ebetuk wilil, “Sue ayam une birenam iog ulug suruk heheg, hinggik henahanam An ebe napeleg-o ulug uhun-o,” ulug yig epahon etno indi ebetuk apareg, epmanowen wilip apag. Wilip atuk apareg, ioba yatuk apag.

Markus 16:10

at hwe etnowen enggag haruk apareg, it Yesus omini inim welapahon epmano ioba yatukmu, inambeg lebag.

Lukas 22:45

Amburuk heheg, At etno sembahyang arat uruk apareg, minatlug it omini epmano inambeg wapag. Waharuk apareg, it epmano inindi dag atuk apareg, nohorukmu ilanggen isebag.

Lukas 22:62

Wilip atuk apareg, at Petrus etno ioba anggolo yatuk apag.

Lukas 23:27

Yig ituk apareg, it aphe anggolo inim lebag. Laruk wilil, it hweap ninen obok yatil lebag.

Lukas 24:17

Inahla beheg eleg larukmu, At Yesusen yig isaruk wilil, “Hit laruk wilil, wene uruk hisihi etna nongge wene il laruk ahep-o?” ulug yig isaruk apagma, it etano inolohore dag atuk apareg bok apag.

Lukas 24:21

Eke nit hag Aren it Israel aphe ninim ninili wahu ulug ninahla burukukon oke, o hao welatukuk etno fam watusa-o.

Lukas 6:21

Eke hit kidia orom obok haruk ahebon halug, wa. Hinahumsoho nawag ulug og hisahu-o. Eke hit kidia ioba yatuk ahebon halug, wa. Hinahien haruk wilil, unda yatuk amuhup-o.

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

Yohanes 16:6

kidia Anden yi wene di wene epmano yig hisaruk ahimu, hit hinindi mondog dag aha-o.

Yohanes 20:20

Waharuk apareg, yig isaruk wilil, “Nomini wahinaniog,” ulug yig isaruk apareg, inggik ahul inim, ombandu inim unug isebag. Unug isaruk apagma, it omini epmanowen At Ninowe etno inilanggen haruk apareg, inahien anggolo hebag.

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

Roma 5:11

Eke ari fam, alem misig du wereg-o. Ari, At Ninowe Yesus Kristus etnowen At Allah ninim fanoroho dambuk ninaptisireg fam, At Allah ninim mondog-at welamuhuk ulug inuk ahe-o.

2 Korintus 6:10

Eke ninindi dahap nisaharukon oke, ninahien haruk ahe-o. Eke ninaharek eleg neken welaheon oke, it aphe anggolo inaharek werehap isaruk ahe-o. Eke yi angge di angge elehon neken welaheon oke, yi angge di angge obog-at unde welahe-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

1 Tesalonika 1:6

Ariroho welatukukseg fam, hinilanggen nisaruk atikipseg, nit ilitoho seheg, eke At Allahen urukon etno ebereheg, suruk atikip-o. Eke ariroho suruk hiseheg, dahon anggolo hinobam umburuson oke, eke At Roh Kudus etnowen og hisarukmu, hinahientoho wilil, wene etno eberoko warikip-o.

Yakobus 1:2

Nomini, hit dahon hinobam umburuk isalug, hinahientoho welamuk-o.

Yudas 1:24

At Ninikni dil ninaptukon etno ahien nisahureg, og ninaplug o fanoma ninombisahaku-o.

Wahyu 11:10

Sohorep isaruk atusama, eke it aphe o kweanmon obohen, ap biren etano o kweanma aphe war ninaptuk atuson epmano war atusa ari ninahien-o, ulug urusa-o. Ariroho uruk atusareg, esoho naruk wilil, yi angge di angge epmano at misihen omin og ere­heg, at misihen omin og ereheg surusa-o.

Wahyu 18:7

At etno bilin aharek suon welatisi etno, kidia doron wilil, ioba yabukag-o. Eke aren bilin suontepataruk wi­lil, “An hwe suon-at wilil, suhweon neken welaruhuk fug-o. Ioba yatuk aruhuk fug-o, ulug aren bilin suontepatarision oke, eke kidia o misihim-at mial arikon-o.