Yohanes 16:17 - Allah Wene Hurumbik Keron

¹⁷ Yig isaruk apagma, eke it omini nin epmanowen it nin yig isaruk wilil, “At Ninowe duen An Nikni ambeg lahuk-o ulug ehek ari, keroho ulug ehek-o?

Yohanes 16:17 ပူးပေါင်းရင်းမြစ်များ

Markus 9:10

Inesanggo watuk apagma, it etanowen aphe werlekon inil fam uk sohorep isalug, irit uruk wilil, “At Ninowe etnowen aphe warehon wereg ambehen niluk atlug waruhuk yig nisehek etno, keroho ulug yig nisehek-o?” ulug uruk apag.

Markus 9:32

ulug yanggul isaruk apagma, it epmanowen uruk wilil, “Wene duroho yig nisehek du, keroho ulug yig nisehek-o?” ulug ebareg oke, hinog wao inakolen sohorep isebag.

Lukas 18:34

Yig isebahon etno it ominien inindi ebetuk apag fug. Ebetuk eleg wilil, At Yesusen uruk ari, ebe nongge yig nisaruk-o, ulug inapeleg atuken ebe undamon yig isebahon etno inahla bebag fug-o.

Lukas 9:45

ulug yig isaruk apagma, it epmanowen uruk wilil, “Wene duroho yig nisehek du, keroho ulug yig nisehek-o?” ulug inahla bebag fug. Inahla beheg eleg weregma, Aren yig isebahon etno herako neken yig isarukmu inahla buruk eleg wilil, alem ebahon etno hinog wao inakolen sohorep isebag.

Yohanes 12:16

ulug ariroho wene embebahon etno At Yesus omini epmanowen o ari sambit inindi ebebag fuhon oke, fobik At Yesus etno suon welamag ulug minduhupfuruk apagma, it At Yesus omini epmano wene baleg etno fam inahla buruk wilil, “Wi, niren At ebe etno wam keledai amboloag fam horiep furukuk,” ulug inindi ebepag.

Yohanes 14:22

Yig isaruk apagma, at Yudas Iskariot etno bilin wilip apareg fam, at Yudas misig etnowen yig ituk wilil, “Nowe-o, Hat it aphe kweanmon duma hobam ebetuk elehon epmano hawene bukaloko yig isao sohorep isalug, nit-at yig nisahun ari, keroho ulug suhun-o?” ulug yig ituk apagma,

Yohanes 14:5

Yig isaruk apagma, eke at Tomas etnowen yig ituk wilil, “Nowe-o, o Hat lahun ambeg epma nit ninapelehon oke, nit o epma lawon kwalem ari keroho niniluk aruhu-o?” ulug yig epag. Yig ituk apagma, eke At Yesusen yig ituk wilil, “Hit kwalem lawon etno inim, eke wene demat uruk amon etno inim, eke iniluk inaptukon etno inim, alem An nakeleg-at welahi-o.

Yohanes 16:1

Eke An yi wene di wene obog-at yig hisihi ari, hit fobik hinindi oag eleg am nowen ulug yig hisihi-o.

Yohanes 16:16

Eke fobik At Yesusen yig isaruk wilil, “An nebe bilin dot welatlug, eleg neahup-o. Eleg nearuk amuhubon oke, fobik dot welaruhukseg neahup-o,” ulug yig isebag.

Yohanes 16:18

Eke Aren An nebe dot welatlug eleg neahup-o. Eleg nearuk amuhubon oke, fobik dot welaruhukseg neahup-o, ulug yig nisehek ari keroho ulug ehek-o? Eke une dot welatlug ehek ari, keroho ulug ehek-o? At ariroho ehekon etno nit ebe du farim ehek ulug ninahla buruk ahe fug-o,” ulug uruk apag.

Yohanes 16:19

Ariroho uruk apareg weregma, At Yesus etno nunema wuog ulug suruk-o ulug ahla buruk apareg, yig isaruk wilil, “Anden nebe dot welatlug eleg neahup-o. Eleg nearuk amuhubon oke, fobik dot welaruhukseg neahup-o, ulug yig hisihion ari farim hit hit hinog og og uruk ahep ano?

Yohanes 16:5

Eke fobik At Yesusen yig isaruk wilil, “An bilin hit ninim wilil, yi wene di wene epmano yig hisaruk atikik fuhon oke, kidia At lahap nabik waharision etno wereg ambeg laruk ahi-o. Ariroho laruk nealug, hiren kema laruk ahen ulug yig nituk ahep fuhon oke,