Yohanes 16:13 - Allah Wene Hurumbik Keron

¹³ Eke fobik At Roh Kudus wene demat uruk amon yanggul hisahuon etno waharuk aruhureg, wene demat uruk amon etno obog-at bukaloko yig hisaruk aruhu-o. Ariroho yanggul hisaruk aruhu ari, At akeleg indien bulug-at yig hisaruk aruhu fug-o. At bilin esanggo holtision etno-at yig hisaruk wilil, yiroho diroho fobik suhuon epmano yanggul hisaruk aruhu-o.

Yohanes 16:13 ပူးပေါင်းရင်းမြစ်များ

Yohanes 12:49

Eke An wene yig isaruk ahi etno An nakeleg nahla buluhen-at yig isaruk ahi fug-o. At Nikni lahap nabik waharision etnowen-at wene ariroho yig isahun ulug yig nitisimu, yig isaruk ahi-o.

Yohanes 14:17

Eke it aphe kweanmon Allah wene waruk elehon epmanowen At Roh Kudus etno inilanggen haruk wilil, ebe iniluk aheg suruk eleg etno fam, At Roh Kudus etno inindimu kuruk eleg-o. Eke hit hag At ebe hiniluk welamuhup etno fam, At ebe hinindimu wilil, nintul nantul hinim welamuhup-o,” ulug yig isebag.

Yohanes 14:26

Eke fobik hag, At Yalmag hinaptukon Roh Kudus An ninuk fam Niknien lahapfik waruhumu, Aren yi wene di wene epmano obog-at yanggul hisaruk halug, hit At Yesusen wene etno obog-at yig nisarisi ulug hinindi ebebuhup-o.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 15:26

Yig isaruk apareg, eke fobik yig isaruk wilil, ‘Fobik At Roh Kudus Yalmag hinaptukon etno waruhu-o. Waharuk aruhureg, Aren wene demat uruk amon etno yanggul hisahu-o. Eke At Roh Kudus etno At Nikni inim inebe misig-at werehon oke, At Nikni wereg ambeg epmen lahapfik waharuk aruhukmu, Aren An nawene etno-at yig hisaruk aruhu-o.

Yohanes 16:12

Eke Anden kidia yi wene di wene anggolo-at yangguloko yig hiseleon oke, hinindi dag ahareg fam ari, fanoroho ebetlihip fug-o.

Yohanes 3:32

Eke At boholmen ambik waharukon etnowen yi angge di angge ilanggen harukon epmano inim, esanggo holtukon epmano inim obog-at yig isarukon oke, iren At awene etno eberoko waruk eleg-o.

Yohanes 8:38

Eke Anden Niknien yanggul nitision etno-at yig hisaruk ahi etno hag, hit hiniknien yig hisebahon etno-at suruk ahep-o,” ulug yig isebag.

Kisah Para Rasul 11:28

Waharuk apagma, ap iron misig inuk Agabus etno Roh Kudus indimu kebagma, minatuk apareg yig isaruk wilil, “Nit fobik o ahik ya da obog-at orom obok angge suon hahuk-o,” ulug at Agabus etnowen fobik at inowe Klaudius weregma obok angge hebahon etno hurumbik yig isebag.

Kisah Para Rasul 20:23

Eke an o ahik ya da sil nuruk neyeheg, At Roh Kudusen yig nituk wilil dahon hobam hombahalug, o it aphe dahon imbisaruk ambeg epma kolap hahakup ulug hurumbik yig nitisi-o.

Kisah Para Rasul 27:24

yig nituk wilil, ‘Paulus wai, hat hakol ha fug-o. Hat fobik at Kaisar il fam minaruhun-o. Minaruhun ari fam, At Allahen hinabua hisaruk heheg, it obog so du fam hinim laruk ahebon epmano waramuhup fug-o,’ ulug at malaikat etnowen yig nitisi.

2 Tesalonika 2:12

Eke ari fam it aphe awene demat urukon epmano sohorep isalug, dag surukon etno inahiroho suruk ari fam, oag deloko o dagma imbisahu-o.

2 Tesalonika 2:3

Eke it aphe obohen Allah wene ninambit ulug uruk iseheg, at ap dahon etno o dagma umbukon etno awan waharuk eleg heheg, At Ninowe etno dulum waruhu fug-o.

Ibrani 1:1

Eke o amuk At Allahen it awene yig isebahon epmano yig isarukmu, iren nit ninetamuki epmano inil fam nintul nantul sukfugangge seheg, eke yiroho diroho yig iseheg suruk apagma, alem ari fam yi wene di wene obog-at yig isaruk apahon oke,

1 Yohanes 2:20

Hit halug, Roh Kudus hinobam imbirisimu, yi angge di angge epmano obog hiniluk-o.

1 Yohanes 2:27

Eke hit hag, Roh Kudusen hinobam imbirisimu, ap misihen yanggul hisa ari hai. At Roh Kudus yanggul hisarukon halug, yi angge di angge demat werehon etno-at yanggul hisaruk-o, Aren enggal neken uruk eleg-o. Eke At Roh Kudus etnowen yanggul hisarukon etno fikfag hinindimu ebetuk hisalug, At Yesus hinim hunduhuk welamuhup-o.

1 Yohanes 4:6

Nit Allah udakion halug, Allah wene-at yig isaruk ahe-o. Eke it Allah obam ebetukon halug, ninune inesanggo holtuk-o. Eke it Allah obam ebetuk elehon halug, ninune inesanggo holtuk eleg-o. Eke it kweanmonen uruk ari dahan fahan uruk halug, At Roh Kudusen demat uruk-o ulug ninindi ebetlug niniluk atuk-o.

1 Yohanes 5:6

Eke at kweanma wapahon ari, At Yesus Kristus wapag, ik inim, amep inim walug wapag, ari ikma belapfebahon etno inim, amep deloko embebahon etno inim walug wapag. Ik-at walug wapag fug, we biren eta ik inim, amep inim walug wapag. Walug wapag ari, At Roh Kudus etnowen demat walug wapag ulug yig nisaruk-o. Eke yig nisaruk ari At Roh Kudus etnowen demat ulug yig nisaruk-o.

Wahyu 1:1

Wahyu wene du fam At Yesus Kristus etnowen bukaloko yig epahon etno wereg-o. Ariroho embebag ari, fobik suhuon wene etno it Allah anggimbu obog iniluk amag ulug, At Allahen Yesus Kristus yig ituk apagma, At Kristus etnowen anggimbu Yohanes etno yig emag ulug omalaikat misig ambeg belabik wapag-o.

Wahyu 1:19

Eke yi angge di angge kidia werehon epmano inim, eke fobik seg amuhubon epmano inim haren hilanggen haruk ahenon etno holal fam imbimihin-o.