Yohanes 16:11 - Allah Wene Hurumbik Keron

¹¹ Eke alem At Allahen inoag deloko imbisawon etno yanggul isahu ari, at iblis o kweanma inikni suon neken welatision etno arat oag deloko imbirisi-o ulug yanggul isahu-o.

Yohanes 16:11 ပူးပေါင်းရင်းမြစ်များ

Matius 12:18

“At Allahen An nanggimbu heako imbirikikon etno ebe du at-o. At An ninim hunduhuk wilil, nahien hihi-o. Eke An nahurangge obam belabik waharuk aruhukmu, it yi aphe di aphe obog At Allahen hinaren baltuk aruhu ulug yig isahu-o.

Matius 12:36

Eke misig du yig hisamin-o; fobik At Allahen hinaren baltuk weregma, hiren yi angge di angge yuhun-at irikibon epmano obog-at alem ari fam irikik uhup-o.

Lukas 10:18

Yig ituk apagma, At Yesusen yig isaruk wilil, “Ari demat ehep-o. At setan ebe sehenyabog neken boholmen bule ambik waharukmu harikikseg fam, hit kidia hinesanggo holtuk amiek-o.

Yohanes 12:31

Eke kidia it aphe kweanmon oag deloko imbisawon etno arat fanggog uruk-o. Ariroho fanggog uruk wilil, at iblis o kweanma duma inikni suon neken welapahon etno oag elehepfukon etno inim arat fanggog uruk-o.

Yohanes 14:30

Eke kidia hag, wene atog inim yig hisamin fug-o. At iblis, o kweanma duma inikni suon neken werehon etno arat waharuk-o. At ebe etno arat waharuk ari, aren An seberep nahaku fug-o.

Yohanes 16:12

Eke Anden kidia yi wene di wene anggolo-at yangguloko yig hiseleon oke, hinindi dag ahareg fam ari, fanoroho ebetlihip fug-o.

Kisah Para Rasul 10:42

Narukukseg weregma, Aren wene fano wene etno aphe obog yig isa lahup ulug yig nisarisi-o. Eke An Yesus etno At Allahen fobik yi aphe di aphe inilukon inim, warehon inim, obog-at oag del inabukag ulug minduhup naharisireg fam, hit aphe obog yig isil alu-o, ulug yig nisarisi-o.

Kisah Para Rasul 24:25

Holtuk atusareg weregma, at Paulusen fano surukon etno inim, eke inindi aso welamon etno inim, eke fobik oag deloko imbisawon etno inim dindiloko yig isarukmu, at Feliks etno akol haruk atisireg yig ituk wilil, “Kidia arat ehenteg fam hibam lamihin-o. Fobik wene nesanggo holuk nindi atuk halug, hayonggo umbuhuk-o,”

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

Roma 16:20

Eke At Allah nit dambuk ninaptukon etnowen at iblis etno hiniog hendan bisalukag ulug dulum-at hinapma umbuhu-o. Eke At Ninowe Yesus etnowen hinabua hisaruk wilil hinim welamag ulug yig hisihi-o.

Roma 2:16

Eke ari halug, o ari sambit At Allahen At Yesus Kristus inuk fam it yi aphe di aphe obog inindimu herako ebetukon etno selegmaroho bukaloko umbulug inoag del inabuhu-o, ulug an wene fano wene etno fam yig hisaruk ahi-o.

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

Efesus 2:2

Eke it kweanmonen suruk etno hag dag suruk wilil, it dag surukon inahurangge une etno hinesanggo holtikip-o. Eke it inowe ari kidia it aphe Allah wene holtuk elehon epmano inowe-at wereg-o.

Kolose 2:15

Ariroho hinombisaharuk apareg, warapag-o. Eke At ebe warapareg fam, it yi angge di angge inoag weregsoho werehon epmano inoag elegsoho imbisaruk apareg, it yi aphe di aphe inilanggen hawag ulug selegma-at apma imbisebag-o.

Ibrani 2:14

Eke At etnowen it du An nudaki at-o, ulug ebag ari, nit aphe kweanmon duma farim-at ebag halug, At Yesus etno nit ilitoho-at endag atuk apareg, it kweanmon ilitoho-at welapag. Ariroho wilil, At ebe warapag etno fam, at iblis bilin it aphe waratukon unde wereg welapahon etno oag elegsoho umburuk apareg,

Ibrani 6:2

Eke ikma belap inaptukon wene etno inim, eke aphe inungguluag ininggik sen inaptukon etno inim, eke fobik it aphe warehon minduhup isahuon epmano inim, eke o epma mondog welamag ulug oag del inabuhuon epmano inim, alem ariroho sukon etno obog-at niniluk-o.

Ibrani 9:27

Eke nit yi aphe di aphe obog epmano misihim-at waratuk nisalug, At Allahen oag deloko ninombisaharuk-o.

2 Petrus 3:7

Eke bohol kwean kidia werehon etno fobik At Allah uneyen hondok fam war inabiog ulug wereg-o. Ariroho wereg ari, it dag surukon epmano obog-at hondok fam war inabiog ulug wereg-o.

1 Yohanes 3:8

Eke at misig nintul nantul dag surukon halug, at iblisen angge-at wereg-o. At iblis halug, dag surukon ari itog-at wereg-o. Eke at iblisen surukon etno eleg amag ulug At Yesus, Allah Amloho kweanma wapag-o.

Wahyu 1:7

Eke fobik At ebe hena famen ambik waharukmu, it aphe obog inim, eke it ebe wapahon etno inim inilanggen haruk amuhupseg, it aphe o kweanma obohen ioba yabuhup-o, ulug ihi ari, an demat yig hisaruk ahi-o. Amin.