Yohanes 15:5 - Allah Wene Hurumbik Keron

⁵ Eke An e anggur alem neken welahi-o. Eke hit e inggik etno ilitoho welahep-o. Eke hit An ninim hunduhuk wereg hisalug, alem ari famen hit anggen anggolo yihikup-o. Eke An ninim hunduhuk eleg hisalug, yi angge di angge fanoroho sukon epmano hai aruhu-o.

Yohanes 15:5 ပူးပေါင်းရင်းမြစ်များ

Matius 13:21

Ariroho waruk wilil oke, fobik inindimu demat ebetuk eleg wilil, ebe seberepfuruk atlug, nit wene waruk aheon du fam ninusuhup ulug inahla beheg, eke narlog harlog suruk wilil, wene ari ninambit-o ulug sohorep iseheg suruk-o.

Yohanes 12:24

Fanggog uruk ari famen Anden wene demat uruk amon etno yig hisamin-o. Wiyagfut i etno misig-at belapfurukmu, filik aruhu fug halug, anggen misig etno-at welaruhu-o. Eke filik aruhu halug, unggum laharuk aruhureg, anggen anggolo yihiku-o.

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 5:19

Eke fobik At Yesusen yig isaruk wilil, “An wene demat urukon etno yig hisamin-o. At Amloho etno onggareg ahla buluhen-at suruk eleg-o. At Iknien surukon epmano ilanggen halug-at suruk-o. Eke At Iknien suruk etno hag, At Amloho etno ariroho-at suruk-o.

Yohanes 9:33

at ap du o Allah wereg ambeg epmen ambik watlep fugmen, ariroho selep fug hihi-o,” ulug yig isebag.

Kisah Para Rasul 4:12

At Yesus-at ninili warukon haruk ahe-o. Eke At Allahen ap kweanmon misig inuk suontepfirisi fug. At Yesus akeleg-at inuk fam hinili wahuk ulug minduhupfirisi-o,” ulug at Petrusen hurumbik etno yig isaruk apagma,

Roma 12:5

Eke ari hag, nit Allah udaki epmano ninebe anggolo welahe oke, At Kristus ninim wilil, nit At ebe misig-at neken welahe-o. Ariroho weregma, nit ninakeleg sik At inggik iog sele neken welaheon epmano ebe etno fam dambuksoho ninombisaharuk-o.

Roma 6:22

Ari halug, eke kidia hag, alem dag surukon epmano sohorep isalug, At Allah anggimbu-at welahep-o. Ariroho welahep etno fam, fanoroho suruk amon etno-at suog ulug wereg hiseheg, fobik hiniluk mondog welamon etno-at og hisahu-o.

Roma 7:4

Eke ariroho suruk etno hag, hit hinebe ari ilitoho welahep-o. Eke wene duroho suruk amuk eke duroho suruk am fug ulug ebahon etno hinim welam sohorep isalug, hweap inahuni waratukmu suhwe wereg etno hag welatikipseg, hit hinebe At Kristus udaki atikip etno fam hinebe kidia Aren angge-at welahep-o. Ari halug, eke e anggen fanowon yihik wereg etno hag, ninebe At Allah il fam fanoroho welamag ulug At Kristus ebe etno aphe warehon wereg ambeg epmanowen iluksoho minduhupfebag-o.

1 Korintus 10:16

Eke ambusu honanggowon nit At Allah wa yig itlug naruk aheon etno ari, At Kristus amep etno ninim hunduhuk welahe ano, eleg ano? Eke orom roti nit kuroko naruk aheon ari At Kristus ebe ninim hunduhuk welahe ano, eleg ano?

1 Korintus 12:12

Ap inebe epmano misig-at oke, ininggik iniog wereg-o. Eke ap inebe ininggik iniog sele anggolo wereg oke, inebe misig-at wereg etno ilitoho, At Kristus ariroho misig-at wereg-o.

1 Korintus 12:27

Eke hit epma hinebe dambuksoho At Kristus ebe misig-at wilil, hinebe hinakeleg sik At Kristus ebe atog atog neken welahep-o.

2 Korintus 13:8

Eke At Allahen demat surukon etno niren olohot baluk ari mondog ninoag eleg-o. Eke Aren demat surukon etno ilitoho seg amag ulug ninim yabuk sukon etno hag ninoag wereg-o.

2 Korintus 9:10

Eke At Allahen at i yatukon etno i angge og ereheg, eke at ebe narukon etno aharom ebe og ereheg suruk-o. Eke hiren i yabukag ulug i angge anggolo og hiseheg, eke hinindien menag isaruk amon etno anggen og hiseheg,

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Efesus 5:9

Eke o seleg ari, At Roh Kudus etnowen yi angge di angge fanoroho surukon inim, eke hinobabut motoho surukon etno inim, eke demat wene urukon etno inim obog-at yanggul hisaruk-o.

Filipi 1:11

Eke ariroho wereg hisalug, yi angge di angge At Yesus Kristusen fanoroho suruk amon etno obogsoho og hisaruk aruhumu, ilitoho-at suruk amuhupseg fam, At Allah inuk-at suontepfuruk amuhup-o.

Filipi 4:13

Ariroho nahla buruk wilil, o ahik ya da epmano sil nuruk neyeheg, At Kristusen oag werehon etno og nitukmu, yi seheg di seheg noag weregsoho-at suruk ahi-o.

Filipi 4:17

Eke an yi angge di angge heahil sil nuruk ahi fuhon oke, eke hiren og nitikip etno fam, it Filipi aphe anggen fanowon yihiruk ari, At Allahen onggo og isahu ari nahla buruk ahi-o.

Kolose 1:10

Eke hiniluk wilil, At Allahen ariroho siuk ulug ebahon etno-at suruk amuhup-o. Eke at ahien hinobam umbuhu-o. Eke hiren yi seheg di seheg suruk wilil, anggen fanowon yihikup-o. Eke kidia At Allah ebe hiniluk welahep ari, fobik mondog hiniluk aruhu-o.

Kolose 1:6

Eke wene fano wene ari o ahik ya da ya laheg da laheg suruk halug, hit weregma-at waharisi-o. Waharukmu, At Allah ahien inobam umburuk halug, hit ariroho-at hinesanggo holtikipseg fam At Allah ahien hinobam umburuk-o.

Yakobus 1:17

Eke yi angge di angge fanowon og nisaruk epmano boholmen-at og nisaruk-o. At Allah boholma mo, bikalem, soholoal embebahon etnowen-at og nisaruk-o. Eke At Allah etno itog mondog wereg-o. At olohore nomog uruk wilil, o hik og nisaruk eleg-o.

1 Petrus 2:4

Hit At Yesus ambeg-at laruk amiek-o. It apheyen At ebe ninambit-o, ulug weregma, At Allahen o wut oag suon neken imbirisi-o.

2 Petrus 3:18

Nomini, ari At Ninowe Yesus Kristus hinim hinindi hunduhuk wilil, At awene warukmu hinindi oag wereg atlug hinindi hunduhuk welamag ulug yig hisihi-o. Eke At dil ninaptukon etno inuk suontepfuruk ahe etno hag, At inuk mondog-at suontepfuruk amuhuk-o. Ulug an demat yig hisihi-o, ulug yig isebag.