Yohanes 15:25 - Allah Wene Hurumbik Keron

²⁵ Ariroho inambit hun ninaptusa ari, Alkitab wene baleg etno fam yig isaruk wilil, ‘Alem eleg heheg inambit hun ninaptusa-o, ulug ebahon etno demat ebag ulug inahla bukag ulug, inambit hun ninaptusa-o,’ ulug yig isebag.

Yohanes 15:25 ပူးပေါင်းရင်းမြစ်များ

Matius 10:8

Yig isaruk wilil, eke it uk warehon fano inabe­heg, it warehon minduhup iseheg, eke it honanggorohon fano in­abeheg, eke it setan inindimu werehon wilip iseheg sil nuruk amuk-o. Eke hit Anden onggo eleg yuhun-at og hisarikikon etno fam, hiren uang anggen onggo dot og nisimiek-o ulug kino eheg eleg-at sil nuruk amuk-o.

Lukas 24:44

Naruk apareg, it epmano yig isaruk wilil, “Kidia hinilanggen neyehebon ari, bilin hit ninim wilil yig hisaruk atikikon epmano ilitoho-at hehep-o. Eke at Musaen wene ebahon etno inim, eke it nabi aben wene embebahon inim, eke buku Mazmur fam werehon epmano inim obog An nahurumbik wereg etno ilitoho seg atisi-o,” ulug yig isebag.

Yohanes 10:34

Ariroho yig ituk apagma, eke At Yesus etnowen yig isaruk wilil, “Hit wene duroho suruk amuk eke duroho suruk am fug ulug ebahon fam, At Allahen yig hisaruk wilil, ‘Hit hinebe At Allah ilitoho suon welahep-o,’ ulug yig hisebahon Alkitab wene baleg fam wereg-o.

Yohanes 13:18

Ariroho hinahien hahup ulug yig hisihi ari, hit obog-at hinawene yig hisihi fug-o. Hit hinebe An nomini welamag ulug heako hinombisaharikikon epmano hag An niluk-o. Eke at Alkitab wene baleg etno fam yig nisaruk wilil, ‘At ap misig An ninim wilil naharom naruk atision etno oke, kidia ninim healeg neken wilil, nowariog ulug nabug baltuk-o,’ ” ulug wene embebahon etno demat sirisi-o, ulug inahla bukag ulug ariroho nabug baltuk-o.

Yohanes 19:36

Eke it ariroho sebahon epmano bilin Alkitab wene baleg fam hurumbik uruk wilil, “At iog misig yumbuk suhup fug-o,” ulug ebahon etno demat ebag inahla bukag ulug ariroho sebag-o.

Roma 3:19

Eke it wene duroho suruk amuk eke duroho suruk am fug ulug ebahon etno iniluk halug, wene etnowen komo yig isaruk-o. Eke ariroho yig isaruk ari, it aphe kweanmon obog dag surukon epmano At Allahen oag del inaptuk halug, iren nit dag surukuk fug-o, ulug alem dahon inobam werehon etno elehepfuk nowen ulug ariroho yig isaruk-o.

Roma 3:24

Eke ariroho wereg iseheg, At Allahen inabua isaruk wilil, iren onggo umbulug eleg-at At Kristus Yesus etnowen inili webareg fam, At Allahen alem dahon inobam werehon epmano elehepfuruk-o.

2 Korintus 11:7

Eke anden At Allah awene fanowon etno yig hisaruk wilil, onggo og nemag ulug yig hisarikik fug-o. Hit hinebe etno-at suon amag ulug an hag seberepatarikik ari dag neken sirisi ulug buruk ahep ano?

Galatia 2:21

Eke ap misig it Yahudi aben wene duroho suruk amuk eke duroho suruk am fug ulug ebahon etno ilitoho suruk halug, etno fam At Allahen alem dahon obam werehon epmano elehepfelepmen, At Kristus etno werlek-at waratlep ari haruk ahep?

2 Tesalonika 3:8

Eke at ap misihen yi angge di angge og nisarukmu, niren onggo eleg yuhun-at holarukuk fug-o. Eke ariroho holarukuk fureg, yabuk sat anggolo suruk atukuk-o. Eke ilikia hupmu yabuk suruk atukuk ari, hat misihen nit ninabuen yi angge di angge og nisa nowen ulug suruk atukuk-o.

Wahyu 21:6

eke fobik At etnowen yig nituk wilil, “Arat seg aha-o. Eke huruf Alfa dan Omega ari, alem enggabuk inim An at welahi-o. Eke it ik obok werehon halug, ik ilukon elerukmuen funaltukon etno werlek-at og isa­huk-o.

Wahyu 22:17

Uruk atisimu, At Roh Kudus etno inim, eke At Allah udaki epmano inimen, “Hat Yesus dulum manu-o,” ulug urusa-o. Iren urusa etno hag, hit hinesanggo holtuk ahebon halug hinim-at, “Dulum manu-o,” ulug uruk amuk-o. Eke hit ik ilukon etno obok haruk ahebon halug, manu-o. Hinindi ebetlug ik ilukon etno werlek-at holao fano at-o.