Yohanes 15:24 - Allah Wene Hurumbik Keron

²⁴ Eke Anden sukfugangge misig it apheyen inapelehon etno it aphe obog inil fam sele fugmen, nit dag suruk ahe ulug inapeleg-at welatlep-o. Ariroho inapeleg-at welatlebon oke, kidia hag Anden sukfuganggeroho suruk ahion epmano inilanggen haruk atusareg, An nebe inim, eke At An Nikni etno inim, inambit hun ninaptusa-o.

Yohanes 15:24 ပူးပေါင်းရင်းမြစ်များ

Matius 11:5

‘Inilanggen buhon fenggen atukon inim, eke ap inoag elehon fano atukon inim, eke it hon­anggore­hon elehap inaptu­kon inim, eke inesanggo dohuon fano inaptukon inim, eke it warehon iniluksoho minduhup isarukon inim, eke it inaharek elehon epmano wene fano wene yig isaru­kon inim obog-at fano suruk hehe-o,’ ulug at Yohanes yig irik lali­hip-o.

Matius 21:32

Eke at Yohanes aphe ikma belap inaptukon etno hinambeg waharuk apareg, kwalem moron etno lawag ulug yig hisebahon oke, hiren demat yig nisehek ulug hinindi ebetikip fug-o. It ap uang onggo kino urukon etno inim, eke it hweap yuhun-at wanggik surukon etno inim hag, demat yig nisaruk ulug inindi ebetusa-o. Ariroho ebetuson etno hit hinilanggen isaruk atikibon oke, hiren fobik demat yig nisaruk ulug hinindi ebebuk sohorep isalug, we yuhun-at welatikip-o,” ulug yig isebag.

Matius 9:33

Imbik waharuk apagma, At Yesusen setan etno lisoko wilipfebag. Wilipfuruk apagma, ap etno une ebag. Une uruk apagma, it aphe epmanowen wi ulug fog suruk wilil, “Ariroho sehekon etno bilin nit ninilanggen harukuk fug-o,” ulug uruk apareg weregma,

Markus 2:12

Yig ituk apagma, minatuk apareg, esabul nohorukon etno yungguksoho holalug it obog inil fam wilip apag. Wilip atukmu, it obog inilanggen haruk apareg, fog suruk wilil, “Nit ariroho surukmu ninilanggen haruk atukuk fuhon oke At fano sehek du, wi,” ulug At Allah inuk-at suontepfebag.

Lukas 24:19

eke At Yesus etnowen yig isaruk wilil, “Keroho surusama ehen-o?” ulug yig isaruk apagma, eke at etnowen yig ituk wilil, “At Yesus Nazaret ap watuson etno farim uruk ahe-o. Eke At ebe etno nabi ap Allah wene yig nisarukon wilil, At Allah il fam inim, eke it aphe inil fam inim sukfugangge suruk wilil, yanggul nisarisi-o.

Yohanes 10:32

Waruk apagma, At Yesusen yig isaruk wilil, “At An Nikni etnowen ariroho sukag ulug yig nepareg fam, yi yabuk di yabuk fanowon epmano obog-at hinil fam suruk atikikon oke, eke alem fanowon misig keroho sirikikmu helep fam nowabuog ulug suruk ahep-o,” ulug yig isebag.

Yohanes 10:37

Eke An At Niknien suruk etno hag suruk eleg nealug, hiren An nobam ebebuk fug-o.

Yohanes 12:10

Ariroho wonggalik waharuk apagma, it Allah unde inowesi suon epmanowen uruk wilil, “Ari halug, niren at Lazarus inim-at wabuhuk-o,” ulug inahla bebag.

Yohanes 12:45

Eke it yi aphe di aphe obohen An inilanggen nearuk etno, At lahap nabik waharision etno inim-at inilanggen haruk-o.

Yohanes 14:9

Yig ituk apagma, At Yesusen yig ituk wilil, “Filipus wai, An ninggik anggolo-at hit ninim welatukukon oke, An nebe etno hapeleg atuken ehen ano? It yi aphe di aphe obog epmano An nebe inilanggen nearuk etno, An Nikni At inilanggen haruk-o. Ariroho harukon oke, eke haren Hat Hikni etno ninilanggen hulen yanggul nisimin ehen ari, keroho ulug ehen-o?

Yohanes 15:21

Eke hiren An nawene etno waruk hisalug, hit ariroho-at inambit hisahup-o. Eke iren At An lahap nabik waharision etno inapeleg-at wereg-o.

Yohanes 15:22

Eke An nebe watle fureg, wene etno yig hisele fugmen, iren nit dag suruk ahe ulug inapeleg-at welatlep-o.

Yohanes 15:23

Eke it ap An inambit nearuk etno, At An Nikni etno-at inambit haruk-o.

Yohanes 16:9

Ariroho alem dag surukon etno yanggul isahu ari, it aphe An nobam ebetuk eleg etno fam dag suruk-o, ulug yanggul isahu-o.

Yohanes 3:2

o misihim hubanggo At Yesus ambeg wapareg, yig ituk wilil, “Ninowe yanggul nisarukon wai, Haren yanggul nisawag ulug At Allahen lahap habik waharisi etno nit niniluk-o. Eke at ap misig Allah inim welatlep fugmen, Haren sukfugangge suruk ahenon epmano suruk atlep fug-o,” ulug yig epag.

Yohanes 5:36

Ariroho hinahien haruk hiseheg, at Yohanes etnowen An nawene-at yig hisaruk atision oke, alem suon An nawene yig hisarukon misig du wereg-o, alem ari, An yi yabuk di yabuk sukag ulug An Niknien nobam imbirisireg fam, suruk ahi ari fam An nawene etno selegmaroho yig hisaruk-o. Ariroho yig hisaruk ari, An nebe etno iknien-at lahabik waharisi-o ulug selegma-at yig hisaruk-o.

Yohanes 6:36

Yig isaruk apareg, eke fobik yig isaruk wilil, “Hit bilin hinilanggen nearikipseg oke, nobam ebetuk ahep fug ulug yig hisarikik-o.

Yohanes 7:31

Senebuk hai atuk apagma, it yi aphe di aphe wonggalik wapahon nin epmanowen At obam ebetuk apareg uruk wilil, “At Kristus fobik waruhureg, sukfuganggeroho suhu ulug yig nisebahon etno ap duen ilitoho-at suruk hehe-o. Ariroho suruk hehereg fam, eke Aren nintoho suhu fug-o,” ulug ebag.

Yohanes 9:32

Eke alem amuk o kweanma duma wal hebag etno famen, ap misig isina ahlen ilanggen buhon endag apahon etno fano sirisi ulug nit wene ari ninesanggo holtuk atukuk fug oke,

Yohanes 9:41

eke At Yesusen yig isaruk wilil, “Hit demat hinilanggen bug welatlepmen, dag suon suruk atlep fug oke, hiren ninilanggen fenggeneg-at welahe-o, ulug suruk amuhup-o,” ulug yig isebag.

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

Kisah Para Rasul 2:22

Hit hinesanggo fanoroho holiek-o. Bilin At Yesus Nazaret ap etno hinim weregma, At Allahen Yesus inggik fam yanggul itukmu, sukfugangge seheg, eke elalintoho seheg, eke inakol hawon seheg surukmu, At Allahen lahabik waharision etno du-at ulug hit obog hiniluk atisi-o. Ari At ebe hinim wilil surukmu, hiniluk atisi-o.

Roma 1:30

Eke ariroho aik dahog uruk wilil, inabug baleheg, eke At Allah abug baleheg suruk-o. Eke inindimu dag-at wilil, an suon at-o, ulug iren-at suontepateheg, eke it nin inahlahirep iseheg suruk-o. Eke iniknisi inisasien inune yig isarukon sahaloko embeheg,

2 Timotius 3:4

eke inenggal-at yig isarukon etno inim, eke nenekon neken sil nurukon etno inim, eke inonggarehen inindi lehepatarukon etno inim, eke At Allah inim inindi hundutuk welam sohorep isalug it inindien-at surukon etno inim,

Yakobus 4:4

Eke hit hinindi fanoroho ebetuk ahep fug-o. It kweanmen dag surukon epmano ninim dambuksoho wereg nisalug, At Allahen sohorep nisaharuk-o. Eke it kweanmen dag surukon epmano nomin ulug inim wereg isalug, ari At Allah inim healeg wereg-o.