Yohanes 15:22 - Allah Wene Hurumbik Keron

²² Eke An nebe watle fureg, wene etno yig hisele fugmen, iren nit dag suruk ahe ulug inapeleg-at welatlep-o.

Yohanes 15:22 ပူးပေါင်းရင်းမြစ်များ

Lukas 12:46

Waharuk aruhureg, it ap inobabut dahon oag deloko selema imbisaruk etno hag, anggimbu dahon epmano oag deloko warep isa waruhu-o.

Yohanes 12:48

Ari halug, it aphe ninen An nobam ebetuk eleg wilil, An nawene ninambit-o, ulug uruk isalug At misihen inoag deloko imbisahu-o. Ariroho imbisahu ari, wene Anden yig isaruk ahion etnowen-at inoag deloko imbisahu-o.

Yohanes 15:23

Eke it ap An inambit nearuk etno, At An Nikni etno-at inambit haruk-o.

Yohanes 15:24

Eke Anden sukfugangge misig it apheyen inapelehon etno it aphe obog inil fam sele fugmen, nit dag suruk ahe ulug inapeleg-at welatlep-o. Ariroho inapeleg-at welatlebon oke, kidia hag Anden sukfuganggeroho suruk ahion epmano inilanggen haruk atusareg, An nebe inim, eke At An Nikni etno inim, inambit hun ninaptusa-o.

Yohanes 16:9

Ariroho alem dag surukon etno yanggul isahu ari, it aphe An nobam ebetuk eleg etno fam dag suruk-o, ulug yanggul isahu-o.

Yohanes 19:11

Yig ituk apagma, At Yesusen yig ituk wilil, “Hat ariroho unde welahi ehen ari, At Allahen unde welamag ulug minduhup hahalep fugmen, An nebe ariroho sep nahukon etno unde welatlen fug-o. Ari halug at dahan fahan suruk ahenon oke, it ap An nebe sen nabukag ulug og hituson epmano dag anggolo-at surusa-o,” ulug yig epag.

Yohanes 9:41

eke At Yesusen yig isaruk wilil, “Hit demat hinilanggen bug welatlepmen, dag suon suruk atlep fug oke, hiren ninilanggen fenggeneg-at welahe-o, ulug suruk amuhup-o,” ulug yig isebag.

Kisah Para Rasul 17:30

Eke amuk ninapeleg wilil dag suruk atukukon epmano ninobam ninapelegsoho apma ninombisahabahon oke, kidia At Allahen yi aphe di aphe obog hiren dag suruk ahebon epmano sohorep isalug An nawene etno waruk amiek-o, ulug yig nisaruk-o.

Roma 1:20

Eke At Allah yi angge di angge wal hebahon epmano fam At abug yig isarukmu, iren At Walhan oag weregsoho itog mondog werehon etno enggag haruk apag-o. Eke Aren yi angge di angge wal hebahon epmano inilanggen haruk apareg, At itog mondog werehon etno enggag haruk ahe-o ulug inahla buruk wilil oke, seberoho umburukon etno fam inenggali watuk halug, inune eleg-at bok amuhup-o.

Roma 2:1

Nomin-o, haren it ap nin inaren baltuk wilil, uruk ahen ano? Eke haren it duroho suruk ulug inaren baltuk wilil, ilitoho suruk ahen du hili huliog ulug suruk ahen ano? Eke hat misig honggareg hobam-at denggelsaruk ahen-o.

Yakobus 4:17

Eke ap misig fanoroho sukon etno iluk wilil oke, ilitoho suruk eleg halug ari, dag-at suruk-o, ulug hinahla buruk wilil, hinesanggo fanoroho holtuk amiek-o.

1 Petrus 2:16

Eke hit Allah anggimbu wilil, ap inindi werehonen fanoroho suruk etno hag suruk amiek-o.