Yohanes 15:21 - Allah Wene Hurumbik Keron

²¹ Eke hiren An nawene etno waruk hisalug, hit ariroho-at inambit hisahup-o. Eke iren At An lahap nabik waharision etno inapeleg-at wereg-o.

Yohanes 15:21 ပူးပေါင်းရင်းမြစ်များ

Matius 10:18

Eke hiren it Yahudi ap inim, it Yahudi wene inapelehon epmano inim wene fano wene etno yig isaruk hisalug, An ninuk waruk amuhup etno fam og hinaplug it yi ap di ap inowesi suon epmano inambeg hinombisahik lahup-o.

Matius 10:22

Eke An ninuk waruk hisalug, it obohen inambit hisahup-o. Inambit hisahubon oke, eke hiren hinindi bugsoho welamuhup halug, fobik hinili og hinabu­hu-o.

Matius 10:39

Eke ap misig onggarehen ili huliog ulug suhuon oke, hai aruhu-o. Eke ap misihen An nawene etno yig isil laruk wilil, onggarehen ili huliog ulug suruk eleg halug, fobik ilioko umbuhu-o,” ulug At Yesusen yig isebag.

Matius 24:9

Yi angge di angge epmano suruk heheg, it ninen hit hinebe sen hinaplug yikangge war hinabukag ulug og iseheg, eke waroko hinombisahakeg suruk amuhup-o. Ariroho suruk wilil, hit hag An nawene eberoko wahup etno fam, it aphe kweanmon obohen inambit hisahup-o.

Matius 5:11

Eke hiren An ninuk yig isarukmu iren mug hinaplug laruk wilil, hinenggali war hinabeheg, eke hinobam denggeleheg, eke hinabug baleheg suruk isalug, wa.

Markus 13:13

Eke hit hag An nawene eberoko wahup etno fam, it obohen inambit hisahup-o. Inambit hisahubon oke, hit hinahla bugsoho wilil, hit wene etno o atog huli fam arat atuk heheg seneg welamuhup halug, hinili og hinabuhuk-o,” ulug yig isebag.

Lukas 21:12

Eke yi angge di angge epmano awan suruk eleg heheg, hit epmano hele warep hisalug, dahon etno hinobam umbuhup-o. Umburuk amuhupseg, o Allah wene uruk ambeg epmanowen hinunema wawag ulug hinebe og iseheg, eke aphe dahon kolap inaptuk ambeg epmano kolap hinabeheg eke hiren An ninuk eberoko wahup etno fam hinebe epmano it yi ap di ap inowesi ininuk suon epmano inolohotma minduhup hisahakeg suruk amuhup-o.

Lukas 21:17

Eke hit hag An nawene eberoko wahup etno fam, it obohen inambit hisahup-o.

Lukas 6:22

Eke it apheyen inambit hisaruk wilil, horiep hisahakeg, inune dahon hinobam embeheg suhup ari An ninuk wahup etno fam ariroho suruk isalug, Anden wa yig hisaruk ahi-o.

Yohanes 15:24

Eke Anden sukfugangge misig it apheyen inapelehon etno it aphe obog inil fam sele fugmen, nit dag suruk ahe ulug inapeleg-at welatlep-o. Ariroho inapeleg-at welatlebon oke, kidia hag Anden sukfuganggeroho suruk ahion epmano inilanggen haruk atusareg, An nebe inim, eke At An Nikni etno inim, inambit hun ninaptusa-o.

Yohanes 16:3

Ariroho inahla buruk amuhup ari, iren An nebe inim, An Nikni etno inim inapelehen-at suruk wilil, inahla buruk amuhup-o.

Yohanes 17:25

Eke Haren fano mondog suruk ahen-o. Eke it aphe kweanmon Hat hawene waruk elehon epmanowen Hat hebe inapeleg-at wereg oke, An hag Hat hebe niluk etno fam, it nudaki epmanowen At ebe demat Allahen lahabik waharisi ulug iniluk-o.

Yohanes 8:19

Yig isaruk apagma, it etnowen yig ituk wilil, “Hat Hikni ari sa-o?” ulug yig ituk apagma, At Yesusen yig isaruk wilil, “Hit An Nikni inim, eke An nebe inim hinapeleg-at welahep-o. Eke hiren An nebe etno At ulug hiniluk welatlepmen, An Nikni etno inim-at hiniluk welatlep-o,” ulug yig isebag.

Yohanes 8:54

Yig ituk apagma, At Yesusen yig isaruk wilil, “An nonggarehen-at ninuk suontepatelemen, hai neken-at suontepatele oke, An suontep naharuk ari, At Nikni hiren Allah demat-o ulug uruk ahebon etnowen-at suontep naharuk-o.

Yohanes 8:55

Eke At ebe etno hiren hinapeleg-at welahebon oke, An hag ebe niluk-o. Eke Anden At Allah ebe napeleg-o, ulug elemen, hit hinenggal uruk ahep etno hag An nenggal-at uruk atle-o. Ariroho uruk atleon oke, Anden At ebe niluk wilil, At une nesanggo holtug ilitoho suruk ahi-o.

Kisah Para Rasul 17:23

Eke hit hinibam o suon duma laruk wilil, hiren angge usama epmano nilanggen harikikseg, eke o usama misig ninetamu inuk ninapelehon etno og ituk ambeg ulug wene baloko imbirikipmu, nilanggen harikik. Nilanggen harikikseg, hiren inuk hinapeleg heheg ebe warikibon etno kidia inuk inim, awene inim yig hisaruk ahi-o. Wene ari Ninikni Allah awene etno yig hisaruk ahi-o.

Kisah Para Rasul 26:9

Eke an nebe bilin At Yesus Nazareton etno inuk eleg amag ulug o Yerusalem etno sil nuruk atikik-o.

Kisah Para Rasul 3:17

Eke nomini-o, hit hinowesi hinimen Yesus obam dahon imbirikibon etno hinapelegma sirikip ulug an niluk-o.

Kisah Para Rasul 4:17

Ari halug, wene du it aphe ninen waruk isehe ha nowen ulug, At Yesus inuk fam aphe yig isa fug-o,” ulug yig isulen-o,

Kisah Para Rasul 5:41

Sohorep isaruk apagma, it mondep isebahon epmano wilip atuk apareg uruk wilil, At Yesus inuk fam yikangge war ninabehesa-o, ulug uruk wilil, Ninikni Allah wa, ulug inindi inahientoho lebag.

Kisah Para Rasul 9:14

Eke kidia at imam suon etnowen holal og itisimu, o Damsyik duma it Hat hinuk warukon epmano ininggik senoko og inaplug liog ulug waharisi-o,” ulug yig ituk apagma,

Kisah Para Rasul 9:16

Eke at etno An ninuk yig isarukmu it apheyen dahon epmano hobam umburuk amuhup ulug, Anden yig ituk aruhuk-o,” ulug yig epag.

Roma 1:28

Eke it At Allah demat urukon etno ninambit-o ulug, at obam ebetuk eleg famen, At Allahen ariroho suk fug ulug ebahon oke, ariroho-at sil nuruk amag ulug inindi elegsoho imbisebag.

1 Korintus 15:34

Eke dag suruk ahebon epmano sohorep isalug, hinindi wereg amuk-o. Eke hinindi etno fanoroho welamuk-o. Eke it ap hiron ninen Allah inuk inapeleg-o ulug hinahla buruk wilil hit hinenggali hawag ulug yig hisihi-o.

1 Korintus 2:8

Eke wene ari, it o duma inune suon urukon epmanowen iniluk apag fug-o. Wene ari iniluk atlepmen, iren Ninowe inuk suon etno e fam lenggaloko embelep fug-o.

2 Tesalonika 1:8

Ambik wamuhupseg, it inahondok eral ambulpulon etno fam it Allah inapelehon epmano o dagma imbisahup-o. Ariroho imbisahup ari, it At Ninowe Yesus awene fano wene inesanggo holuk inamberakon epmano inim-at nintul nantul o hondok olok inaruk aruhu ambeg epma welamag ulug imbisahup-o.

1 Yohanes 3:1

Wa nomini, ninikni ninim hunduko ninombisaharisi etno eberiek-o. Eke nit ninebe Allah udaki ulug nininuk soal ninaptisi-o. It kweanmen ebetukon Allah inapeleg halug, nit Allah udaki welaheon epmano ariroho-at inapeleg-o.

3 Yohanes 1:7

It epmano luog ulug surukmu, mondep isa lahun-o. It epmano Kristus yabuk sil nurukon halug, it Allah wene waruk elehonen og isarukmu etno holahup fug-o.

Wahyu 2:3

Eke hit hinebe hinindi oag weregsoho wilil, An nawene warikip etno fam dahon hinobam umburuson oke, wene wawon etno sohorep isarikip fug-o.