Yohanes 15:20 - Allah Wene Hurumbik Keron

²⁰ Eke Anden hit bilin yig hisaruk wilil, ‘Ap misig anggimbu etno suon neken, eke ikni etno doron neken wereg eleg-o,’ ulug yig hisarikikon etno hinindi eberiek-o. Iren An nebe muko wilip nabuog ulug surusa etno hag, hit ariroho at muko wilip hinabuog ulug suhup-o. Eke iren An nawene etno inesanggo holtusa fug etno hag, hit hinawene epmano ariroho-at inesanggo holtuk amuhup fug-o.

Yohanes 15:20 ပူးပေါင်းရင်းမြစ်များ

Matius 10:24

Eke it yig isarukon epmano at yanggul isarukon apma wereg etno hag, it anggim­bu epmano at inowe apma wereg-o.

Markus 10:39

ulug yig isaruk apagma, eke it etanowen yig ituk wilil, “Yu-o, Hat hobam umbukon ari nit ninobam umbuk fano at-o,” ulug uruk apagma, eke At Yesus etnowen yig isaruk wilil, “An nahik honanggo nahukon etno, hit ninim-at nahuk-o. Eke An nobam umbukon ari, hit inim-at hinobam umbuhup oke,

Lukas 2:34

Fog suruk apagma, at Simeon etno ahien inobam umburuk apareg, at isina Maria etno yig ituk wilil, “It Israel aphe epmano nin bule ambeheg, nin minaheg sukag ulug At Allahen udag du minduhupfirisireg fam, it apheyen herako inahla burukon epmano selegma amag ulug At Allahen udag du belabik waharision oke, it aphe ninen ninambit ulug uruk amuhup-o.

Lukas 6:40

Eke it yanggul isarukon ari, At inowe yanggul inaptukon etno apma neken wereg-o, fobik At inowe etnowen arat yanggul isahumu, iniluk atlug, ilitoho welamuhup-o.

Yohanes 10:31

Ariroho yig isaruk apagma, it Yahudi ap epmanowen fobik inim wabuog ulug helep ininggikmu webag.

Yohanes 11:57

Ariroho uruk apagma, it Allah unde inowesi epmano inim, it Farisi ap epmano inimen it aphe obog yig isaruk wilil, “At Yesus ebe hinilanggen hahupseg halug, niren senebuhuken epma wereg ulug yig nisa manu-o,” ulug yig isebag.

Yohanes 13:16

Ari halug, Anden hit wene demat uruk amon etno yig hisamin-o. Ap misig anggimbu etno suon neken, eke ikni etno doron neken wereg eleg-o. Eke ap misihen at misig lawag ulug mondepfurukon etno suon neken, eke at lag ulug yig itukon etno doron neken wereg eleg-o,

Yohanes 5:16

Ariroho yig isaruk apagma, it Yahudi ap epmanowen uruk wilil, “At Yesus o hari Sabat fam ap misig fano sehek du ebe muko wilipful-o,” ulug uruk apag.

Yohanes 7:32

Eke it aphe obog epmanowen At Yesus ari Kristus-at ano, ulug inune fog fog urukmu, it Farisi ap epmanowen inesanggo holtuk apareg, it Allah unde inowesi epmano inimen At Yesus etno senebukag ulug it inosi epmano lahap isebag.

Yohanes 8:51

Ari halug, Anden wene demat uruk amon etno yig hisamin-o. Eke it aphe obog wene Anden uruk ahion etno ilitoho suruk isalug, ari fam waramuhup fug-o,” ulug yig isebag.

Yohanes 8:52

Yig isaruk apagma, it Yahudi ap etnowen yig ituk wilil, “Hat hindimu setan werehon etno kidia demat ulug niniluk aha-o. Eke it nabi ap etno inim, at Abraham etno inim obog-at warapahon oke, haren yig nisaruk wilil, ‘It aphe obog wene Anden uruk ahion etno ilitoho suruk isalug, ari fam waramuhup fug,’ ulug yig nisaruk ahen-o.

Yohanes 8:59

Ariroho yig isaruk apagma, it etnowen wabuog ulug helep ininggikmu webahon oke, At Yesus ebe onggarehen herag atuk apareg, o Allah ibam epmano sohorep isalug lebag.

Kisah Para Rasul 14:22

Laruk apareg, it aphe o epma Allah wene warukon epmano inesanggo watuk wilil, “Hit At Allah weregma kuhuben yi wene di wene dahon epmano hinobam umburuk iseheg, At Yesusen wene ebahon epmano fanoroho eberoko waruk amuk-o,” ulug yanggul isaruk apareg,

1 Korintus 4:12

Eke nininggik fam suruk wilil, yabuk sat anggolo-at suruk ahe-o. Eke iren dahon ulug yig nisarukmu, niren it hag wa ulug yig isaruk ahe-o. Eke iren dahon epmano ninobam ninombisahuog ulug mug nisaruk oke, nit ninindi bugsoho-at welahe-o.

2 Korintus 4:9

Eke it winimug nisarukon ninim healeg welaheon epmano inebe wereg oke, it ninomini sohorep nisaharuk elehon epmano inebe wereg at-o. Eke yikangge waroko yinggip nisaharukon oke, mondog war ninaptuk eleg-o.

1 Tesalonika 2:15

Eke it Yahudi ap ari Ninowe Yesus etno inim, eke it nabi ap iron epmano inim war inabeheg, eke dahon etno nit ninobam embeheg, suruk atusareg fam, At Allah ahien isaruk eleg-o. Eke it aphe obog inim healeg wereg-o.

2 Timotius 3:12

Eke it aphe obog At Kristus inim wilil At awene ilitoho surukon halug, it aphe ninen dahon etno inobam umbuhup-o.