Yohanes 15:2 - Allah Wene Hurumbik Keron

² Eke An e alem etno wereg neyeheg, e inggik anggen yihiruk elehon halug, dokoroho wilipfeheg, eke e inggik misig anggen yihirukon etno fobik anggoloroho yihiruk amag ulug engga buhon inim, il inim kisiloko wilip isaruk-o.

Yohanes 15:2 ပူးပေါင်းရင်းမြစ်များ

Matius 13:12

Eke at ap aharek werehon halug, obam seberoho anggolo-at og iruhu-o. Eke at ap aharek elehon halug, aharek dorat werehon etno diloko neken wahu-o.

Matius 13:33

Eke fobik At Yesusen wene ilitoho neken yig isaruk wilil, “At Allah weregmen sukon etno hag, at hwe misihen roti su amag ulug umburukon etno walug, tepung inim dahagsoho umburuk apagma, fobik obog-at su atuk apag-o,” ulug yig isebag.

Matius 15:13

Yig ituk apagma, At Yesus etnowen yig isaruk wilil, “Eleg-o, yi angge di angge An Nikni boholma werehon etnowen i yatisi fuhon etno hohol angge ulug henoko wahu-o.

Matius 21:19

kwalem enggatgat fil e misig ombomi anggen neken narukon etno weregma ilanggen haruk apareg, bik ha wapag. Bik ha waharuk apag, anggen yihik eleg wilil engga-at sobalegma ilanggen hebag. Ilanggen haruk apareg, e ebe etno yig ituk wilil, “Fobik hanggen yihikun fug-o,” ulug yig ituk apagma, at e etno arat bug apag.

Matius 25:29

Eke at ap misig yi angge di angge inggikmu werehon halug, obam seberoho og ituk aruhumu, at mondog aharek anggolo-at welaruhu-o. Eke at ap misig yi angge di angge inggikmu elehon halug, aren angge etano diloko wahup-o.

Matius 3:10

Eke yaha anduhun e alma arat mumet haruk-o. E anggen fanowon yihik eleg halug, muhupfulug hondok olokma hik isahu-o.

Matius 3:12

Eke At etno waruhureg, anggen baltu­kon ing­gikmu walug waruhu-o. Walug waruhureg, asin watuk ambeg epmanowen ho suhu-o. Ebe fanowon halug, Aren ang­gema umbu­hu-o, eke asin ahap halug hondok nangguk atuk eleg ambeg epmano imbisa­hu-o,” ulug yig isaruk apag.

Matius 7:19

E anggen fanowon yihiruk elehon epmano obog-at baloko hondokma yal inaptuk aruhu-o.

Markus 4:20

Eke i kwean sinon fam kililtil lebag etno hag ari, it nin wene inesanggo holtuk wilil, eberoko warukon epmano anggen yihiruk wilil, misig anggen tiga puluh yihiruk-o, eke misig anggen enam puluh yihiruk-o, eke misig anggen seratus yihiruk-o,” ulug yig isebag.

Lukas 8:13

Eke i angge helep dalegma kililtil lebag etno hag ari it apheyen wene etno inesanggo holtug inindi inahientoho waruk oke, eke wene etno inindimu mondog welamag ulug eberoko weheg eleg elamna-at waruk wilil, fobik inindi kahalik waharukmu, sohorep isaruk-o.

Yohanes 15:1

Eke fobik At Yesusen yig isaruk wilil, “E anggur alem fanowon etno An at-o. Eke e ebe fikfag yabuk surukon etno An Nikni at-o.

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 15:3

Eke engga buhon inim, il inim kisiloko imbisaruk etno hag, Anden wene yig hisaruk atikik etno fam arat hinindi ho hinaptikik-o.

Yohanes 15:6

Eke at misig An ninim hunduhuk welamuhuk fug halug, e inggik anggen yihiruk elehon baloko hik isarukmu bug atuk etno hag, baloko hik isahu-o. Hik isaruk aruhureg, e inggik balehon epmano nandoloko balurepfulug, hondok nawag ulug yalepfuruk-o.

Yohanes 15:8

Eke hiren anggen anggolo yihikup epmano fam, An Nikni inuk suontepfuhup-o.

Yohanes 17:12

Eke An nebe bilin it ninim wilil, Haren An nindi oag werehep naharikin etno hag, Anden Hat hinuk fam inindi oag werehep isarikik-o. Eke it inebe Haren og nitikinon epmano An inaso wereg neyeheg, misig eleg atisi fug-o. Eke misig eleg atisi ari, bilin wene baleg fam ariroho eleg aruhu-o, ulug ebahon etno demat ebag ulug inahla bukag ulug eleg atisi-o.

Roma 11:17

Ariroho wereg ari ilitoho, e misig anggen fanowon yihirukon etno inggik nin yumbuksoho amburuk atusareg fam, at ap misihen e inggik werlekon anggen yihiruk elehon etno ubulukmu imbirisi-o. Eke e werlekon etno ilitoho hit bilin Allah wene hinapeleg welatikibon epmano welahep-o. Ari fam, it inubulukmu hit e fanowon etno fam hinombisaharisimu, e fanowon omanggen etnowen hinebe oag werehep hisahakeg, eke yi angge di angge hinahla laharuk wilil hinebe suontep hisahakeg suruk-o.

Roma 11:22

Eke ari halug, At Allahen it nin ahmu iseheg, it nin ambit iseheg surukon epmano hinindi ebetuk amuk-o. Eke it bule amburuson epmano ambit isaruk wilil, hit hag ahmu hisarisi-o. Eke Aren ahmu hisaruk heheg, hiren fanoroho obam ebetuk eleg hisalug, yumbuksoho sohorep hisahaku-o.

Roma 8:28

Eke it At Allah obam inindi hunduhuk werehon epmano it ninen yi angge di angge dahon inobam umburuk-at oke, At Allahen fano inabiog ulug-at suruk-o. Eke it Allah udaki ari, At Allahen ahla buruk apareg-at wol isebag-o.

1 Korintus 13:1

Eke an aphe inune epmano inim, it Allah malaikat inune epmano inim obog-at uruk wilil, aphe nindi hunduhuk eleg welatlemen, an nebe etno ik oag ebe honanggo elehon une keng uruk etno hag nabutse-at welatle-o.

Titus 2:14

Nit yi dag di dag suruk aheon epmano onggo baloko ninili weheg, eke it fano mondog suk ulug inahla ebetukon epmano At udaki obog-at welamag ulug ho ninabeheg sukag ulug ninake og nisebag-o.

Ibrani 12:15

Eke hit obog At Allahen hinabua hisaruk heheg, at misig nambit ulug wilip am nowen hit hit hinesanggo war war uruk amuk-o. Eke hit e bim engga fag halug olok haruk ahep etno hag, at hinomin misig indi minduhukon halug, hit obog hinindi olok am nowen hit hit hinindi ayeg war war uruk amuk-o.

1 Yohanes 2:19

Antikristus inebe anggolo atuson epmano ninim welatukukon oke, eke ninim welahe fug-o. Ninim welatlomen, nit welahe ambeg welatlep-o. Eke it inebe niron elegma, selegma amag ulug wilip atusa-o.

Wahyu 3:19

Eke it aphe obog nindi hunduhukon epmano inonggalem mot amag ulug winimug yig iseheg, inesanggo wareheg suruk ahi-o. Ari halug, hinobabut fano amag ulug hiren dag suruk ahebon epmano sohorep isiek-o.