Yohanes 15:19 - Allah Wene Hurumbik Keron

¹⁹ Eke hit it aphe kweanmon wene ebetuk elehon epmano ilitoho welatlepmen, iren nit ninomini-at-o, ulug hinobam inindi hunduhuk welatlep-o. Ariroho welatlebon oke, hit hag it aphe kweanmon wene ebetuk elehon epmano hinim dambuksoho welam nowen ulug imig hinaptikik etno fam iren inambit hisaruk-o.

Yohanes 15:19 ပူးပေါင်းရင်းမြစ်များ

Matius 10:22

Eke An ninuk waruk hisalug, it obohen inambit hisahup-o. Inambit hisahubon oke, eke hiren hinindi bugsoho welamuhup halug, fobik hinili og hinabu­hu-o.

Matius 24:9

Yi angge di angge epmano suruk heheg, it ninen hit hinebe sen hinaplug yikangge war hinabukag ulug og iseheg, eke waroko hinombisahakeg suruk amuhup-o. Ariroho suruk wilil, hit hag An nawene eberoko wahup etno fam, it aphe kweanmon obohen inambit hisahup-o.

Lukas 6:32

Eke it inindi hit hinobam hunduhuk werehon epmano-at hinindi hunduhuk welahep halug, ari fam At Allah ahien hinobam umbuhu buruk ahep ano? It dag surukon ariroho-at inomini inindi hunduhuk wereg-o.

Yohanes 13:18

Ariroho hinahien hahup ulug yig hisihi ari, hit obog-at hinawene yig hisihi fug-o. Hit hinebe An nomini welamag ulug heako hinombisaharikikon epmano hag An niluk-o. Eke at Alkitab wene baleg etno fam yig nisaruk wilil, ‘At ap misig An ninim wilil naharom naruk atision etno oke, kidia ninim healeg neken wilil, nowariog ulug nabug baltuk-o,’ ” ulug wene embebahon etno demat sirisi-o, ulug inahla bukag ulug ariroho nabug baltuk-o.

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 6:70

Yig ituk apagma, At Yesus etnowen yig isaruk wilil, “Anden hit hinebe dua belas epmano fuloko minduhup hisaharikikon oke, hat misig etno iblis amloho-at welahen-o,”

Yakobus 4:4

Eke hit hinindi fanoroho ebetuk ahep fug-o. It kweanmen dag surukon epmano ninim dambuksoho wereg nisalug, At Allahen sohorep nisaharuk-o. Eke it kweanmen dag surukon epmano nomin ulug inim wereg isalug, ari At Allah inim healeg wereg-o.

1 Petrus 4:3

Eke it Allah wene waruk elehonen dag suruk etno ilitoho hit o amuk anggolo suruk atikip. Ariroho suruk wilil, hit yi dag di dag seheg, ambusu nenek surukon etno nenggeg, wanggik seheg, kwanangge etno amurli hundereheg suruk atikip-o. Ariroho suruk atikibon oke, eke kidia dag suk ninambit atisi-o, ulug uruk ahep-o.

1 Yohanes 3:12

At Kain etnowen sebag etno hag suk fug-o. At Kain iblis amloho etnowen, ot Habel wapag ari, nongge farim wapag-o? Ari at Kain obabut dahon weregma, eke ot Habel obabut fano sebag arien wapag-o.

Wahyu 12:17

Ik etno amburuk atisimu, at walo etnowen hwe etno obam asine haruk wilil, at udaki etno obog war inabiug ulug larisi-o. At hwe etno udaki ari, it Allahen wene duroho suruk amuk eke duroho suruk am fug ulug ebahon etno inesanggo holtuk wilil, Yesusen yig isebahon etno eberoko warukon welatusa-o.

Wahyu 12:9

At walo etno, inuk misig Iblis, eke inuk misig Setan soalehon etnowen it o kweanma aphe epmano enggal-at yig isarisi-o. Ariroho yig isaruk atision etno at omalaikat epmano inim o kweanma belap inabik waharusa-o.