Yohanes 15:16 - Allah Wene Hurumbik Keron

¹⁶ Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 15:16 ပူးပေါင်းရင်းမြစ်များ

Matius 21:22

Eke hiren sembahyang kino uruk wilil, hinindi demat ulug ebetuk hisalug, og hisahu at-o,” ulug yig isebag.

Matius 7:7

At Yesusen yig isaruk wilil, “Hit sembahyang kino uruk hisalug, og hisahu-o. Hit heaharuk ahebon etno heag sahup-o. Sok kik haruk hisalug, hut hisahu-o.

Lukas 6:13

O witaruk apagma, Aren omini epmano wol isaruk apareg, inebe dua belas epmano fuloko imbisebag. Fuloko imbisaruk apareg, it inebe ap mondep isebahon ulug minduhup isebag.

Yohanes 13:18

Ariroho hinahien hahup ulug yig hisihi ari, hit obog-at hinawene yig hisihi fug-o. Hit hinebe An nomini welamag ulug heako hinombisaharikikon epmano hag An niluk-o. Eke at Alkitab wene baleg etno fam yig nisaruk wilil, ‘At ap misig An ninim wilil naharom naruk atision etno oke, kidia ninim healeg neken wilil, nowariog ulug nabug baltuk-o,’ ” ulug wene embebahon etno demat sirisi-o, ulug inahla bukag ulug ariroho nabug baltuk-o.

Yohanes 15:19

Eke hit it aphe kweanmon wene ebetuk elehon epmano ilitoho welatlepmen, iren nit ninomini-at-o, ulug hinobam inindi hunduhuk welatlep-o. Ariroho welatlebon oke, hit hag it aphe kweanmon wene ebetuk elehon epmano hinim dambuksoho welam nowen ulug imig hinaptikik etno fam iren inambit hisaruk-o.

Yohanes 15:5

Eke An e anggur alem neken welahi-o. Eke hit e inggik etno ilitoho welahep-o. Eke hit An ninim hunduhuk wereg hisalug, alem ari famen hit anggen anggolo yihikup-o. Eke An ninim hunduhuk eleg hisalug, yi angge di angge fanoroho sukon epmano hai aruhu-o.

Yohanes 6:70

Yig ituk apagma, At Yesus etnowen yig isaruk wilil, “Anden hit hinebe dua belas epmano fuloko minduhup hisaharikikon oke, hat misig etno iblis amloho-at welahen-o,”

Kisah Para Rasul 1:24

Sembahyang uruk wilil, “Ninikni Allah wa. Yi aphe di aphe inindi burukon Hat hiluk halug, ap biren dia at misig du heako imbihi-o ulug yig nisimin-o.

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 10:41

Minduhupfuruk atisimu, ik orom ninim narukuk-o.

Kisah Para Rasul 22:14

at etnowen yig nituk wilil, ‘It ninetamuki Inikni Allahen ahla bebahon etno hat hiluk amag ulug fuloko hombaharisi-o. Hombaharisireg fam, At anggimbu obabut fanowon hilanggen haruk weregma, At une fam yig hitukmu holtikin-o.

Kisah Para Rasul 9:15

At Allah etnowen yig ituk wilil, “Eleg-o, aren An ninuk etno it nawene waruk elehon inim, it ap suon suon inim, eke it Yahudi ap inim yig isaruk amag ulug heako imbirikik-o.

Roma 1:13

Ariroho suhuk ari, hiren wene fano wene wawag ulug nilanggen hahukon etno o ari sambit yig isa lahuk-o, ulug nintul nantul nahla birikikon oke, hai atisi-o ulug hinindi ari ebetuk amuk-o, nomini. Eke hit yig hisahuk ulug nindi ebetikikon ari, it nin bilin Allah wene inapeleg welatuson yig isarikikmu warusa etno hag, hit fanoroho wawag ulug nindi ebetikik-o.

Roma 1:5

Ariroho yig nisebag etno fam, it yi aphe di aphe Allah wene inesanggo holtuk wilil, At inuk suontepfuruk amag ulug, nit At ninim hunduhuk wilil, mondep nisahik wapag-o.

Roma 15:4

Eke it bilin inahlahiroho wilil inindi oag weregsoho welapahon wene epmano holal embebag ari, niren Alkitab wene holal baleg etno wane seheg, ninindi ebereheg suruk wilil demat fano ninabuhu ulug ninahla bukag ulug embebag-o.

Roma 9:21

Eke at ap sohorluk haloko umburukon etno at onggareg ahla buluhen-at haloko umburuk ari hai buruk ahen ano? Ari eleg-o. Eke at ap sohorluk haloko umburukon etnowen kwean kabog yulig etno yuhun-at dambuksoho umbulug sohorluk dahon nin fanowon nin haloko umburuk ari at ap etnowen-at suruk-o.

1 Korintus 10:11

Eke iren suruk apahon epmano it aphe ninen inilanggen isawag ulug ariroho seg apag-o. Eke nit o kweanma eleg amon etno horog fanggog ik wahareg fam suruk aheon etno ninindi ebebukag ulug wene du iren bilin sebahon epmano holal balfag-o.

Galatia 1:15

Eke ariroho suruk atikikon oke, At Allahen nabua nearuk wilil, an nebe awan endoho eleg neyeheg fuloko nombahabareg fam, fobik at anggimbu wilil eyabuk suruk amag ulug wol naptisi-o.

Efesus 2:10

Eke At Allahen ninebe wal haruk apareg, fobik At Kristus Yesus ninim dambuk ninapareg fam, niren fanoroho sukag ulug ninebe ninindi inim keron wal harisi-o. Eke nit ariroho ninobabut fano welamag ulug Aren-at fuloko ninombisahabag-o.

Kolose 1:23

Eke wene fano wene etno waruk wilil, yahuk korlag suruk eleg hisalug, fobik fano hinabuhuon etno og hisahu, ulug hurumbik etno yig hisarusa. Eke an Paulus wene fano wene etno anggimbu neken wilil, yig isil larikik-o. Eke it ninen o ahik ya da yig isil laruk-o.

Kolose 1:6

Eke wene fano wene ari o ahik ya da ya laheg da laheg suruk halug, hit weregma-at waharisi-o. Waharukmu, At Allah ahien inobam umburuk halug, hit ariroho-at hinesanggo holtikipseg fam At Allah ahien hinobam umburuk-o.

1 Timotius 2:7

Eke wene fano wene ari it ap wene inapelehon epmano eberoko wimiek ulug yig isahunen ulug an mondep naharisi-o, ulug an nenggal ihi fug-o, demat yig hirihi-o.

2 Timotius 1:11

Eke wene fano wene yig isil laruk wilil, yanggul isaruk amag ulug At Allahen minduhup naharisireg fam, an kidia hele war naptusa-o.

2 Timotius 2:2

Ariroho wilil anden it aphe anggolo wene yig isarukmu holtikikon etno, it aphe ninen it nin yig iseheg, it nin yig iseheg suruk amag ulug wene ari it aphe inobabut fanowon epmano yig isaruk aruhun-o.

Titus 1:5

Eke haren yi angge di angge sukon etno suruk amag ulug yig hituk wilil, it aphe demat ulug ebetukon epmen it ap heako min inabu­hunen ulug o Kreta epma hombahalug waharikik-o. Eke an bilin ariroho suhun ulug yig hitikikon etno hindi ebetuk amin-o, eke ap Allah wene yig isarukon welamon etno it apheyen inune obam deng­geltuk eleg isalug, eke hwe misig-at ohowon halug,

Ibrani 11:4

Eke at Habel etno indimu demat ulug ebetuk wilil, Allah ake fanowon epmano umburuk apagma, At Allahen Kainen embebahon epmano sohorep isalug, at Habelen embebahon epmano waruk wilil, ap du hag obabut fano wilil embehek-o ulug ahien hebag. Eke at Habel etno ebe amuk warapahon oke, Aren indi demat ulug ebepahon etnowen yig nisaruk-o.

Yakobus 3:18

Eke ap misihen fohot yaltukon i angge etno yaruhu halug, fobik fano mondog welamon etno holahu-o.

1 Petrus 3:15

At Kristus akeleg-at hinindimu hinakol wilil, At akeleg-at Ninowe wereg-o, ulug hinindimu ebetuk amuk-o. O nintul nantul it aphe hinambeg hinog ik waharukmu, Ninowe fano ninaptukon At Yesus at-o, ulug hiren yig isimuk-o.

1 Petrus 3:2

Iren, an nuhwe du an nune holtukmu nahien haruk ahi-o ulug uruk amag ulug, hinune dahon uk fug-o.

1 Yohanes 4:10

Eke bilin nit Allah ninindi hunduhuk welatuk sowag fug. Aren nit indi hunduhuk wilil Amloho belap nisa wapag. Ari niren dag suruk aheon etno apma seberoho umbukag ulug belap nisa wapag.

1 Yohanes 4:19

Bilin nit ninebe At Allah indi hunduhuk welapareg fam, eke ninim hunduhuk welahe-o.