Yohanes 15:1 - Allah Wene Hurumbik Keron

¹ Eke fobik At Yesusen yig isaruk wilil, “E anggur alem fanowon etno An at-o. Eke e ebe fikfag yabuk surukon etno An Nikni at-o.

Yohanes 15:1 ပူးပေါင်းရင်းမြစ်များ

Matius 15:13

Yig ituk apagma, At Yesus etnowen yig isaruk wilil, “Eleg-o, yi angge di angge An Nikni boholma werehon etnowen i yatisi fuhon etno hohol angge ulug henoko wahu-o.

Matius 20:1

At Yesusen yig isaruk wilil, “At Allah weregmen sukon etno ap misig e anggur yabuk unde werehon etnowen sirisi etno hag suruk-o. Eke at ap yabuk unde etnowen ilikia hubet wilip atlug, ap nin neyabuk surukim uang anggen og isaminen ulug heag inabil larisi-o.

Matius 21:33

Eke fobik At Yesus etnowen yig isaruk wilil, “An wene ilitoho neken misig yig hisaminon etno hinesanggo holiek-o,” ulug yig isaruk apareg, eke fobik yig isaruk wilil, “Ap kwean unde misihen e anggur etno i yapag-o. I yatuk apareg, lehet falepfeheg, ambusu bisaloko umbukon kwean hulileheg, eke horieg welam ambeg ulug kayo bela seheg suruk apareg, at eyabuk og inaptuk heheg, o yatma epmano lebag-o.

Markus 12:1

Yig isaruk apareg, eke fobik wene ilitoho neken yig isaruk wilil, “Ap misihen e anggur i yatil lebag-o. I yatil laruk apareg, lehet falepfeheg, ambusu bisaloko umburukon kwean hulileheg suruk, eke horieg welam ambeg ulug kayo bela seheg suruk apareg, at eyabuk suruk heheg, o yatma epmano lebag-o.

Lukas 13:6

Eke fobik At Yesusen wene ilitoho neken yig isaruk wilil, “Ap misig e ombomi anggen yihirukon etno i yahowon aso welapag-o. E i yahowon etno aso weregma, nintul nantul anggen yihiruk ano ulug wenaharuk apahon oke, ebe yihikon haruk apag fug-o.

Yohanes 1:17

Eke at Musaen wene duroho suruk amuk eke duroho suruk am fug ulug ebahon etno yig nisawag ulug At Allahen yig epahon oke, At Yesus Kristus etnowen ninabua nisawon wene etno inim, eke demat urukon wene etno inim yanggul nisawag ulug At Allahen yig epag-o.

Yohanes 1:9

Ariroho yig isarukmu, at o seleg ebe etno o kweanma ambik waharuk apareg, it aphe obog inindimu selehap isebag.

Yohanes 15:2

Eke An e alem etno wereg neyeheg, e inggik anggen yihiruk elehon halug, dokoroho wilipfeheg, eke e inggik misig anggen yihirukon etno fobik anggoloroho yihiruk amag ulug engga buhon inim, il inim kisiloko wilip isaruk-o.

Yohanes 6:32

Yig ituk apagma, At Yesus etnowen yig isaruk wilil, “Ari halug, An wene demat uruk amon etno yig hisamin-o. At Musaen og hisebag ari, orom roti boholmon etno og hisebag fug-o. At An Nikni etnowen hag orom roti boholmon etno og hisaruk-o.

Yohanes 6:55

Eke orom roti iluk werehon etno An nebe at-o. Eke ik ilukon etno An namep at-o.

Roma 11:17

Ariroho wereg ari ilitoho, e misig anggen fanowon yihirukon etno inggik nin yumbuksoho amburuk atusareg fam, at ap misihen e inggik werlekon anggen yihiruk elehon etno ubulukmu imbirisi-o. Eke e werlekon etno ilitoho hit bilin Allah wene hinapeleg welatikibon epmano welahep-o. Ari fam, it inubulukmu hit e fanowon etno fam hinombisaharisimu, e fanowon omanggen etnowen hinebe oag werehep hisahakeg, eke yi angge di angge hinahla laharuk wilil hinebe suontep hisahakeg suruk-o.

1 Korintus 3:9

Eke nit hag At Allah eyabuk ninim suruk aheon-at welahe-o. Eke hit Allah eyabuk inim, ifaleg inim hit-at welahep-o.

1 Yohanes 2:8

Eke wene yig hisaminon du akelehon, keron neken-at yig hisaruk ahi-o. Wene ari At Kristus etnowen demat ulug uruk wilil, ilitoho sebag etno hag, hit ariroho wene ari demat-o ulug uruk wilil, ilitoho suruk ahep-o. Ariroho suruk ahep ari, o hikmu etno eleg atuk heheg, o seleg etno arat wereg atuk-o.