Yohanes 14:5 - Allah Wene Hurumbik Keron

⁵ Yig isaruk apagma, eke at Tomas etnowen yig ituk wilil, “Nowe-o, o Hat lahun ambeg epma nit ninapelehon oke, nit o epma lawon kwalem ari keroho niniluk aruhu-o?” ulug yig epag. Yig ituk apagma, eke At Yesusen yig ituk wilil, “Hit kwalem lawon etno inim, eke wene demat uruk amon etno inim, eke iniluk inaptukon etno inim, alem An nakeleg-at welahi-o.

Yohanes 14:5 ပူးပေါင်းရင်းမြစ်များ

Matius 10:3

eke it Filipus, Bartolomeus etno inim, eke it Tomas, Matius uang onggo kino urukon etno inim, at Alfeus amloho Yakobus etno inim, eke Tadeus etno inim,

Markus 9:19

Yig ituk apagma, eke At Yesus etnowen yig isaruk wilil, “Nomini-o, hit An ninim welaheon oke, hinindi fikfag ebereheg eleg sil nuruk ahep du, An ninggik maren hit ninim welatlug nibam lahuk-o? Eke An hit ninim welam ari nambit-o. Eke An nebe ninggik maren ninim welatlug lahuk-o?” ulug yig isaruk apareg, eke at ap etno yig ituk wilil, “Hat udag ari walug nambeg ma-o,” ulug yig epag.

Lukas 24:25

Yig ituk apagma, eke At Yesusen yig isaruk wilil, “Hit it nabi ap Allah wene hurumbik ebahon etno hinindimu ebereheg eleg urunangge neken welahep-o.

Yohanes 11:16

Yig isaruk apagma, at Tomas inuk misig nit ninune fam ‘Hulip udag’ soalfahon etnowen it omini epmano yig isaruk wilil, “Nit obog-at Ninowe etno ninim waramuhuken luk-o,” ulug yig isebag.

Yohanes 14:4

Eke An lahuk ambeg epma inim, eke hit o epma lawon kwalem etno inim obog-at hiniluk-o,” ulug yig isebag.

Yohanes 15:12

Eke Anden yig hisihi ari, alem suon neken misig du yig hisamin-o. Anden hit nindi hunduhuk welahi etno hag, hit hit ariroho-at hinindi hunduhuk welamuk-o.

Yohanes 16:5

Eke fobik At Yesusen yig isaruk wilil, “An bilin hit ninim wilil, yi wene di wene epmano yig hisaruk atikik fuhon oke, kidia At lahap nabik waharision etno wereg ambeg laruk ahi-o. Ariroho laruk nealug, hiren kema laruk ahen ulug yig nituk ahep fuhon oke,