Yohanes 14:27 - Allah Wene Hurumbik Keron

²⁷ Ariroho ebebuhubon oke, eke kidia hag hinindi hinahlahiroho welamag ulug yig hisaruk ahi-o. Ariroho yig hisaruk wilil, An ninuk fam hinindi hinahlahiroho welamon etno og hisaruk ahi-o. Ariroho og hisaruk ahi ari, it ap kweanmonen inindi inahlahiroho welamag ulug og isaruk etno hag og isaruk ahi fug-o. Ariroho og hisaruk nealug, hit hinindi dag am fug-o. Eke hinakol ha fug-o.

Yohanes 14:27 ပူးပေါင်းရင်းမြစ်များ

Matius 10:26

Eke At Yesusen yig isaruk wilil, “Hit aphe hinakol isa fug-o. Yi angge di angge herahoma werehon epmano fobik selegma aruhu-o. Eke yi angge di angge inindimu herako werehon epmano it aphe obog iniluk amagsoho yig isahup-o.

Lukas 1:79

Eke nit obog aphe warehon wereg ambeg neken o hikmu wereg nisalug, ninonggalem fanowon etno lawag ulug aren o selegma ninombisaharuk-o,” ulug uruk wilil, at Zakharia etnowen di misig ebag.

Lukas 10:5

Eke hit hinebe o misig kuruk amuhupseg, wahinaniog ulug fikfag yig isimuk-o.

Lukas 12:4

Eke fobik At Yesusen yig isaruk wilil, “Nomini-o, it aphe inebe warep isalug fobik sukon inapelehon epmano hinakol isa fug-o.

Lukas 2:14

“Allah boholma werehon fog suruk amuk-o. At Allahen aphe kweanmon hinabua hisaruk halug, hinim dambuksoho welamuhup-o,” ulug ebag.

Yohanes 14:1

Eke fobik At Yesusen yig isaruk wilil, “Hit hinindi dag am fug-o. Hiren At Allah obam ebetuk ahep hag, An nobam ariroho-at ebetuk amuk-o.

Yohanes 16:33

Eke hit hinebe An ninim welamuhuk etno fam, hinindi hinahlahiroho welamag ulug yi wene di wene epmano obog-at yig hisihi-o. Eke hit hinebe aphe kweanmon epmanowen dahon etno-at hinobam umburuk amuhup-o. Ariroho umburuk isalug, hiren hinahlahiroho welamag ulug yig hisihi-o. Eke Anden it aphe o kweanma duma werehon epmano napma seberoho imbisarikik-o,” ulug yig isebag.

Yohanes 20:19

Eke fobik o hari Minggu nit sembahyang uruk ahe etno sambit hup atuk apagma, it At Yesus omini epmano wonggalik waharuk apareg, it Yahudi ap epmano inakolen inibam sok fikfag laroko weregma, At Yesus etno inahla minarik wapag.

Yohanes 20:21

Inahien haruk apagma, At Yesusen fobik inim yig isaruk wilil, “Nomini wahinaniog. At An Niknien An nebe lahap nabik waharisi etno hag, Anden hit lahap hisa wahi-o,” ulug yig isaruk apareg,

Yohanes 20:26

Yig isaruk apagma, fobik sembahyang misig abitoho welapareg, it At Yesus omini epmano at Tomas etno inim, o etno wonggalik wapag. Wonggalik waharuk apareg, inibam sok etno fikfag larepfulug welapag. Larepfulug weregma, At Yesus etno inahla minarik waharuk apareg, yig isaruk wilil, “Nomini, wahinaniog,” ulug yig isebag.

Kisah Para Rasul 10:36

Eke At Yesus Kristus yi aphe di aphe obog Ninowe inuk suon etnowen yig nisarukmu, wene fano wene dambuk ninaptukon etno bilin it Israel aphe yig isa waharisi etno hit hiniluk-o.

Kisah Para Rasul 18:9

Ariroho ikma belap inaptuk atisireg, at Paulus etno nohoruk wilil i og haruk atisimu, At Yesusen yig ituk wilil, “Hat Allah wene hakol elegsoho yig isaruk aruhun-o.

Roma 1:7

Hit Roma aphe obog At Allah udaki amuhuben ulug hinayonggo embebag-o. Ariroho hinayonggo embebag ari fam, an heahi war hinaptuk ahi-o. Eke At Ninikni Allah Ninowe Yesus Kristus inimen hinabua hisaruk wilil hinim welamag ulug wene holal du bal hisihi-o.

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

Roma 5:1

Nit At Allah obam ebetuk nisalug, alem dahon ninobam werehon epmano elehep nisaharisimu, At Ninowe Yesus Kristus inuk fam At Allahen ninim fanoroho welamuog ulug dambuk ninaptisi-o.

Roma 5:10

Eke nit At Allah ninim healeg welahoahon oke, At Amloho warapareg fam Aren nomini ulug dambul ninaptisi-o. Eke ariroho At Allah omini ulug ninim dambuksoho wereg niseheg, At Kristus iluk werehon etnowen ninili wahu-o.

Roma 8:6

Eke hat misig kweanmen sukon etno-at hahla buruk ahen halug, mondog-at wararuhun-o. Eke hat misig At Roh Kudusen yig hitukon etno-at hahla buruk ahen halug, At Allah hinim dambuksoho wilil, mondog-at hiluk welaruhun-o.

1 Korintus 1:3

Eke At Ninikni Allah inim, eke Ninowe Yesus Kristus inuk suon etno inimen hinabua hisaruk wilil, hinim welamag ulug yig hisehe-o.

Galatia 1:3

Eke At Ninikni Allah inim, eke Ninowe Yesus Kristus inimen hinabua hisaruk wilil hinim welamag ulug yig hisehe-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Galatia 6:16

Eke hit an wene holal fam yig hisihion du-at mutlug laruk hisalug, At Allah udaki obog hinim At Allahen dambuk hinaptuk wilil, ahmu hisawag ulug yig hisihi-o.

Filipi 4:7

Eke At Allah ninim dambuk ninabukon wene etno waruk ahe oke, nin ebebuk ninapeleg atukon etno At Allahen og nisarukmu, nit At Kristus Yesus obam ebetuk niseheg, ninindi etno inim, eke ninahla buruk aheon epmano inim At ninim healeg welaheon etnowen dahap suk nowen ulug fanoroho sen ninabuhu-o, nomini.

Kolose 1:2

Eke hit Allah udakion epmano hinibam o Kolose wilil ninomini welahep halug, At Ninikni Allahen hinabua hisaruk wilil hinim welamag ulug yig hisehe-o.

Kolose 1:20

Ari halug, At Allahen yi angge di angge obog epmano nimin dambuluhuken-o, ulug ahla buruk apagma, At Allah Amloho e fam lenggaloko embebagma, warapag etno fam, it apheyen yi dag di dag surukon epmano onggo At Kristusen balfag-o. Eke At Kristusen ariroho sebag etno fam, At Allah yi angge di angge inim, eke yi aphe di aphe inim, eke kweanmon inim, boholmon inim dambulfag-o.

Kolose 3:15

Nin eke hinindi hunduhuk wilil, hinebe misig-at welamuhuben ulug wol hisebag etno fam, wa ulug hinahla buruk amuk-o.

2 Tesalonika 1:2

At Ninikni Allah inim, eke At Ninowe Yesus Kristus inimen hinabua hisaruk wilil, hinim welamag ulug yig hisehe-o.

2 Tesalonika 3:16

Eke At Ninowe dambuk ninaptukon etnowen hit obog dambuksoho welamon etno og hiseheg, eke hinim welaheg suruk amag ulug yig hisehe-o.

2 Timotius 1:7

Ari halug, At Allahen Roh Kudus og nisarisireg fam ninakoltoho welahe fug-o; eke Aren angge Roh Kudus etnowen oag werehon etno inim eke ninindi seberohon etno inim, kelegsoho og nisaruk-o.

Ibrani 13:20

At Allahen Ninowe Yesus etno it aphe warehon wereg ambeg epmanowen iluksoho minduhupfebag-o. Eke At Yesus etno udaki inake warapag ari, it aphe At Allah inim fano dambuksoho welamon etno oag weregsoho embebag-o. Ariroho umburuk apareg, At ebe etno anggom domba inaso wilil, Inowe suon-at wereg-o.

Ibrani 7:2

Ahien obam umburuk apagma, at aharek nomaloen angge weregma, sohoen angge at ombataruk wilil, nomalo etno at Melkisedek og epag. Eke at Melkisedek etno inuk misig Inowe fano inaptukon ulug soaleg wilil o Salem inowe suon welapag etno fam, inuk misig Inowe fohot yaltukon ulug soaleg welapag.

Wahyu 1:4

At Yohanes etnowen it aphe o Asia jemaat sabiren angge etno inaholal umburuk wilil, “Nomini-o, At Allah walhan itog mondog werehon etno inim, eke At Allah olohotma ahurangge inebe sabiren angge werehon etno inimen hit fano welamuhuben ulug inahien hinobam umburuk-o.

Wahyu 2:10

Ari halug, iren yi angge di angge dahon hinobam umbuog ulug suruk isalug, hinakol isa fug-o. Eke hit nin at iblis etnowen hinindi kahaliug ulug aphe dahon imbi­saruk ambeg epmano kolap hisahureg inggik nomaloen angge fam dahon etno hinobam umbuhuon oke, eleg aruhu-o. Eke hit hag, waram ninakol eleg-o, ulug uruk hisalug, hiniluk welamon etno og hisahuk-o.

Wahyu 21:8

It epmano og inaptuk aruhukon oke, eke it inakol werehon inim, it fanoroho ebetuk elehon inim, it dahon inim, it ap watukon inim, it wanggikon inim, it usa surukon inim, it kwanangge senehon inim, it inenggal urukon inim, it epmano obog hondok helep wandal hahon etnowen inahu ambeg epmano welamuhup-o. Birenam waratukon ari mondog-at senebuhup-o,” ulug yig nitukmu nesanggo holtikik-o.