Yohanes 14:26 - Allah Wene Hurumbik Keron

²⁶ Eke fobik hag, At Yalmag hinaptukon Roh Kudus An ninuk fam Niknien lahapfik waruhumu, Aren yi wene di wene epmano obog-at yanggul hisaruk halug, hit At Yesusen wene etno obog-at yig nisarisi ulug hinindi ebebuhup-o.

Yohanes 14:26 ပူးပေါင်းရင်းမြစ်များ

Matius 1:18

At Yesus Kristus endag apag etno ariroho endag apag. At isina Maria Yusuf wene watukon etno inim dambuksoho awan heheg, Roh Kudus etno fam ahumla apag.

Matius 1:20

Ahla buruk apareg weregma, eke hubanggo nohorukmu i og haruk wilil, Allah malaikat etno at ambeg waharuk apareg, yig ituk wilil, “Yusuf Daud etamu wai. Huhwe Maria holao hambit ha fug-o. Udag ahumlareg ari, Roh Kudus fam ahumla atisi-o.

Matius 28:19

Ariroho minduhup naharisireg fam, hit hag it yi aphe di aphe o ahik ya da epmano wene yanggul isil laruk amuhupseg, hiren An Nikni inuk fam, eke An At Amloho ninuk fam, eke At Roh Kudus etno inuk fam inebe ikma belap iseheg,

Matius 3:11

Eke anden hinindi wereg amag ulug ikma belap hinaptuk ahion oke, eke At an nombolim waruhuon etno, At suon an doron ulug iog eset Aren angge walug lao ari an nakol-o. At etno­wen Roh Kudus og hisaruk wilil, hondok ambulpul neken hinobam belabik waruhu-o.

Markus 12:36

“Eleg-o, At Roh Kudus etno at Daud indimu kuruk apagma, aren yig isaruk wilil, ‘At Ninikni Allah etnowen At Ninowe etno yig ituk wilil, ‘It aphe Hat hinim healeg welahebon ari, Anden Hat hiog apma imbisahukon epmano inaso welaruhunen ninggik bikit fil horie ik ma-o,’ ulug At Allahen An Nowe etno yig erehek,’ ulug at Daud etnowen At Kristus farim Nowe ebahon oke,

Markus 13:11

Eke hit ininggik sen hinaplug laruk amuhupseg, hinunema waruk isalug, hiren keroho yig isuk ulug hinindi seneni ebebuk fug-o. Fobik o etno sambit yig hisahuon etno-at yig isuk ulug hinindi ebetukmu, At Roh Kudus etnowen hat ariroho in-o, ulug yig hisaruk halug, etno-at yig isaruk amuhup-o.

Lukas 1:15

Eke at ebe Allah il fam ap suon-at welaruhu-o. Ariroho wilil, e anggen ambusu nenek surukon etno nenggeg eleg-at welaruhu-o. Ari at endohoma, At Roh Kudus at indimu-at welaruhu-o.

Lukas 1:35

at malaikat etnowen yig ituk wilil, “At Roh Kudus hobam belabik waharuk aruhureg, At Allah boholmen haso wereg heheg, udag hahumla aruhun-o. Hahumla atuk aruhunteg, fobik endetuk aruhunmu, it apheyen udag du At Allah Amloho-at, ulug yig ituk amuhup-o.

Lukas 1:41

Heahi watuk apagma, at Elisabet ahudag ahla werehon etno aplohok sebag. Aplohok suruk apagma, At Roh Kudus etno Elisabet indimu kuruk apagma,

Lukas 1:67

Eke fobik at ikni Zakharia etno At Roh Kudus indimu kuruk apagma, di misig uruk wilil,

Lukas 11:13

Eleg-o. Ari halug, hit dahon etnowen-at hinudaki yi angge di angge fanowon-at og isaruk ahep ari, At Hinikni boholma werehon etnowen hiren uruk wilil Haren Roh Kudus etno og nisimin ulug obam kino uruk hisalug, demat og hisahu-o,” ulug yig isebag.

Lukas 2:25

Nin eke ap misig inuk Simeon etno o Yerusalem welapag. At ap etno indi fano mondog wilil, Allahen yig epahon etno-at suruk apag. Eke At Roh Kudus indimu wilil, at it Israel aphe inindi fano inaptukon etno aso welapag.

Lukas 24:49

Eke An Niknien og hisawon abug yig hisarision etno fobik belap hisa waruhuk-o. Eke hit hag, boholmen oag werehon etno ninobam belabik waruhu ulug aso wilil, o duma welamuhup-o,” ulug yig isebag.

Lukas 3:22

sue yalme etno ilitoho Roh Kudus At obam ambik wapag. Ambik waharuk apagma, boholmen une yig ituk wilil, “Hat An Namloho nindi hunduhuk atma, nindi nahien hihi-o,” ulug yig epag.

Yohanes 1:33

Nilanggen hihireg oke, At ebe du-o ulug napeleg heheg, At Allahen aphe ikma belap inabuhunen ulug lahap nabik waharision etnowen yig nituk wilil, ‘At fobik Roh Kudus inobam belabik waruhuon etno ungguluagma Roh Kudus etno ambik waharukmu hilanggen hamihin-o,’ ulug At Allahen yig nerehekma, nilanggen hihi-o.

Yohanes 12:16

ulug ariroho wene embebahon etno At Yesus omini epmanowen o ari sambit inindi ebebag fuhon oke, fobik At Yesus etno suon welamag ulug minduhupfuruk apagma, it At Yesus omini epmano wene baleg etno fam inahla buruk wilil, “Wi, niren At ebe etno wam keledai amboloag fam horiep furukuk,” ulug inindi ebepag.

Yohanes 14:16

Ariroho suruk hisalug, At Roh Kudus etno At An Niknien og hisawag ulug obam sembahyang uruk aruhukmu og hisahu-o. Og hisaruk halug, At Roh Kudus Yalmag hinaptukon etno nintul nantul hinim wilil, Aren wene demat uruk amon etno yig hisaruk aruhu-o.

Yohanes 14:25

Eke Anden yi wene di wene etno obog-at yig hisihi, awan liog ulug hit ninim wilil yig hisihi-o.

Yohanes 15:26

Yig isaruk apareg, eke fobik yig isaruk wilil, ‘Fobik At Roh Kudus Yalmag hinaptukon etno waruhu-o. Waharuk aruhureg, Aren wene demat uruk amon etno yanggul hisahu-o. Eke At Roh Kudus etno At Nikni inim inebe misig-at werehon oke, At Nikni wereg ambeg epmen lahapfik waharuk aruhukmu, Aren An nawene etno-at yig hisaruk aruhu-o.

Yohanes 16:7

Ariroho dag aha ari famen, Anden wene demat uruk amon etno yig hisamin, An nebe lahuk ari, hit hinabuen-at lahuk-o. Eke An nebe laruk eleg nealug, At Yalmag hinaptukon etno hit hinambeg waruhu fug-o. Eke An nebe lahuk halug, At etno hinambeg lahapfik waruhuk-o.

Yohanes 2:22

Ariroho ebahon etno fobik At ebe it aphe warehon wereg ambehen iluksoho minatuk apagma, it omini epmanowen Aren ebahon etno-at inindi ebetuk wilil, wene baleg embebahon etno inim, eke At Yesusen yig isebahon etno inim demat ulug inahla bebag.

Yohanes 20:22

ele ahahe inobam fu haruk wilil, “Hit Roh Kudus etno hulimiek-o. Holaruk atlihipseg, it aphe alem dahon inobam werehon epmano hiren inobam inapelegsoho elehep isaruk hisalug, At Allahen-at elehep isaruk-o.

Yohanes 6:45

Eke it nabi ap epmanowen wene hurumbik ebahon epmano wene umburuk wilil, ‘At Allahen it yi aphe di aphe obog-at yanggul isaruk aruhu-o,’ ulug embebag etno hag, it yi aphe di aphe obog An Nikni une etno inesanggo holtuk isalug, yanggul isaruk etno fam nambeg waharuk-o.

Yohanes 7:39

Eke At Yesus etno ebe suon welamag ulug awan minduhupfuruk elegma, Roh Kudus etno og isebag fuhon oke, it At obam ebetuk apahon etno dulum-at og hisahuk ulug abug yig isebag-o.

Kisah Para Rasul 1:2

At Yesus etno boholma lahiog ulug suruk wilil, Roh Kudus fam At omini heag inapahon epmano, hit ariroho suruk amuk-o, ulug inesanggo wapag. Inesanggo watuk apareg, ahla buruk wilil, An nebe warehon oke niluksoho minduhup naharision etno inilanggen neawag ulug lamin-o, ulug ahla buruk apareg inambeg lebag.

Kisah Para Rasul 1:4

Yig isaruk apareg, inim wilil Aren yig isaruk apag, “Hit o Yerusalem epma sohorep isalug la fug-o. Hit An Niknien og hisawon abug yig hisarikikon etno aso welamuk-o,” ulug yig isebag.

Kisah Para Rasul 1:8

Hinapelegsoho weregma, Roh Kudus oag werehon etno hinobam belabik waruhumu, hit An nawene-at yig isil nuruk amuhup-o. O Yerusalem, Yudea, Samaria inim, o kweanma obog yig isil nuruk amuhup-o,” ulug yig isebag.

Kisah Para Rasul 11:16

Belabik waharuk atisimu, At Ninowe Yesusen yig nisarision epmano nindi ebetuk wilil, ‘At Yohanesen ikma belap inaptision oke, eke hit hag Roh Kudus hinobam belabik waruhu-o,’ ulug yig nisarision etno nindi ebetikik-o.

Kisah Para Rasul 13:2

It obog dambuksoho wilil, orom nenggeg eleg Allah yabuk-at surukmu, At Roh Kudus etnowen yig isaruk wilil, “It Barnabas, Saulus yabuk Anden yanggul isarikikon epmano sukag ulug fuloko minduhup isiek-o,” ulug yig isaruk apagma,

Kisah Para Rasul 13:4

It Barnabas Saulus etano At Roh Kudusen lahap isaruk apagma, o Seleukia etno ambik waharuk apareg, epmanowen so fam o ik anggenma misig inuk Siprus etno kebag.

Kisah Para Rasul 15:28

Eke At Roh Kudus etno ninim ninahla bulug, wene alem empat anggin elehon eta hiren wawag ulug yig hisaruk ahe.

Kisah Para Rasul 15:8

Eke At Allahen yi aphe di aphe inindi ebetukon epmano iluk wilil, bilin nit Roh Kudus og nisarisi etno hag, it Allah wene waruk elehon inindi fano inabukag ulug Roh Kudus og isarisi-o.

Kisah Para Rasul 16:6

Eke fobik it etano o Frigia Galatia inim yig isil nurukmu, At Roh Kudusen yig isaruk wilil, “Hit o Asia wene yig isa fug-o,” ulug yig isaruk apagma,

Kisah Para Rasul 2:33

Eke At ebe etno Allahen walug inggik bikit fil imbik laharisireg, Roh Kudus og hiruhuk ulug yig epahon etno og itisi-o. Og itisimu, eke Aren og hisahuk ulug ebahon etno ninobam belabik waharukmu hinilanggen haruk ahep-o.

Kisah Para Rasul 2:4

Inilanggen hebareg weregma, eke fobik it Roh Kudus inindimu kebahon epmanowen yig isarukmu, it o ahik ya da inune iniluk wilil, inune yion dion obog-at uruk apag.

Kisah Para Rasul 20:28

Eke hinonggarehen hinindi aso welahep etno hag, At Roh Kudusen aphe inaso welamag ulug minduhup hisaharision etno aphe inaso fanoroho welamuk-o. At Allah Amloho waratisi etno fam At udaki heako imbisarision epmano inaso fanoroho welamuk-o.

Kisah Para Rasul 20:35

Ariroho ninggiken yabuk surukmu, it inaharek elehon epmano yi angge di angge og isaruk amuhuken ulug yig hisarikik-o. Eke ariroho yanggul hisaruk atikikseg, At Ninowe Yesusen ebahon etno nindimu ebetuk wilil, aphe inaharek holawon etno ninapma seberoho umbulug, yi angge di angge niren og isaruk wilil, ninahien haruk amuhuk-o, ulug At Yesusen ebahon epmano nindi ebetuk wilil, an nebe hit hinanggelegma welatikik-o,” ulug at Paulusen it Efesus ap inaso werehon epmano yig isarisi.

Kisah Para Rasul 28:25

Ariroho suruk atusareg, wilip amuog ulug, at misihen eheg, at misihen eheg surukmu, at Paulusen yig isaruk wilil, “At Yesayaen Roh Kudus fam it ninetamuki yig isebahon etno yig hisamin-o. Ari bilin at Yesayaen yig isaruk wilil,

Kisah Para Rasul 5:3

Og isa laruk apagma, at Petrus etnowen yig ituk wilil, “Ananias wai, hat keroho ulug iblis hindimu kehekma, At Roh Kudus etno ambolma dahalehen-o? Eke hahuang og hituson etno obog-at og hisaruk ahi, ulug yig nisehenon oke, nin minggiroko herahapatehen-o.

Kisah Para Rasul 7:51

Hiniluk heheg oke, urunanggeroho suruk ahep-o. Eke hit ariroho suruk ahep ari, it Allah wene waruk elehonen suruk epmano hag suruk ahep-o. Ariroho suruk wilil, Allah wene etno hinindimu ebetuk eleg wilil, it hinetamukien bilin Roh Kudus sebe suruk apag etno hag, suruk ahep hisihi-o.

Kisah Para Rasul 7:55

Inambit haruk iseheg, eke at Stefanus etno Roh Kudus indimu kuruk apagma, ilanggen boholma lahaboho wilil, At Yesus etno Allah inggik bikit fil inim weregma isebag.

Roma 14:17

Eke At Allah weregma welamon etno alem ik orom naruk aheon epmano fam welamuhuk fug-o. Eke At Roh Kudusen alem dahon ninobam werehon epmano elehep nisahakeg, eke At Allah inim fanoroho welamag ulug dambulip nisahakeg, eke nit ninahien hawag ulug yig niseheg suruk halug, nit At Allah weregma welamon etno holahuk-o.

Roma 15:13

Eke ari fam, At Allahen fano ninabuhu ulug ninahla buruk aheon etnowen hit hinahien hawag ulug yig hiseheg, eke hiren At obam ebetuk ahebon epmano fam dambulip hisahakeg suruk amag ulug yig hisihi-o. Eke ariroho dambulip hisaharuk aruhumu, Aren fano ninabuhu-o ulug hinahla buruk ahebon etno At Roh Kudusen oag werehon etno og hisaruk halug, su aruhu-o.

Roma 15:16

it aphe bilin Allah wene inapeleg welatuson epmano yig isawag ulug At Yesus Kristus anggimbu neken minduhup naharisi-o. Ariroho minduhup naharisireg fam it aphe bilin wene inapeleg welatuson epmano anden Allah wene fanowon etno yig isaruk wilil, it epmano At Roh Kudusen inindi yabuk suruk halug, At Allah il fam inobabut fano amag ulug neyabuk suruk ahi ari, it ap Allah unde epmanowen bilin Allah ake fanoroho umburuk apag epmano hag suruk ahi-o.

Roma 5:5

Eke demat fanoroho ninombisahaku ulug ninahla buruk wilil, ninindi dag atuk eleg-o. Eke nit ninindimu At Allahen bilin Roh Kudus kelegsoho og nisarision etnowen yig nisaruk wilil, “At Allahen hit hinebe indi hunduhuk wereg-o,” ulug yig nisaruk-o.

1 Korintus 12:3

Eke ari halug, at ap misig Roh Kudus etno indimu wilil, aren At Yesus ebe homali neken umburuk eleg-o. Eke at ap misihen, “At Yesus an Nowe at-o” ulug urukon ari, At Roh Kudus etnowen-at yig itukmu uruk-o.

1 Korintus 6:19

Eke At Allahen Roh Kudus etno og hisarisireg fam Roh Kudus etno hinindimu weregma, hit hinebe Roh Kudus etno ifaleg neken welahep ari, hit hinapeleg ano?

2 Korintus 6:6

Eke hweap inim sukon etno sohorep iseheg, eke yi angge di angge alem epmano niniluk welaheg, eke ninobabut fanoroho welaheg, eke ninune fanoroho yig iseheg suruk nisalug, iren du Allah anggimbu at-o ulug inahla bukag ulug ariroho suruk ahe-o.

Efesus 1:13

Eke hit ariroho-at wene fano wene demat urukon hinili wawon etno hinesanggo holtuk atikipseg At Kristus obam ebetuk atikip-o. Ebetuk atikipmu, eke At Allahen Roh Kudus og hisahuk ulug abug yig hisarision etno arat og hisarisireg fam, aphe inebe duma An nudaki at-o, ulug yig hisarisi etno hiren demat bukag ulug yig hisarisi-o.

Efesus 1:17

Eke Aren selegmaroho bukaloko yig hisarukon etno hit hinilanggen fenggeneg neken wilil, fanoroho ebebukag ulug sembahyang uruk ahi-o.

Efesus 4:30

Eke At Roh Kudus hinindimu werehon etno olohore dahapfuk fug-o. Eke At Allahen hinili wahuon etno hinindimuen demat ulug hiniluk amag ulug At Roh Kudusen hinindimu yig hisaruk-o.

1 Tesalonika 4:8

Eke ap misihen wene ebe yig hiseheon etno seberoho umburuk halug, ap inune seberoho umburuk eleg-o. At ap ari At Roh Kudus og nisarukon etno une-at seberoho umburuk-o.

2 Timotius 1:14

Eke oag werehon etno og nisaruk halug, yi angge di angge fanowon og hitision etno fanoroho seneg welaruhun-o.

Titus 3:5

Eke nit fano suruk nisalug, ninili warisi fug-o. Aren ahmu nisaruk wilil, Roh Kudus fam ninindi ho ninaptuk atisireg, ninindi werehep nisaharisi-o.

Ibrani 10:15

Ariroho imbisebahon etno At Roh Kudus inimen yig isaruk wilil, “Fobik it aphe etno ninim wene ariroho baltuk amuhukseg, ninim dambuluhuk-o.

Ibrani 2:4

Ariroho yig nisarukmu, niren wene du demat ninahla bukag ulug At Allahen oag weregsoho surukon etno inim, eke elalintoho sukon etno inim, eke sukfugangge sukon inim obog-at suruk apag-o. Eke At ahla buruk apareg, At Roh Kudusen og isebahon etno sumburoko og nisebag-o.

Ibrani 3:7

Eke At Roh Kudus etnowen yig nisaruk wilil, “O yoho At Allah une hinesanggo holtuk ahep halug,

Ibrani 9:8

Ariroho umburuk isalug, o baharik selemon etno wereg heheg, o baharik undamon inuk Mondog Usabaharik etno kuruk ambeg kwalem etno heraho-at wereg ulug, At Roh Kudus etnowen selegmaroho yanggul nisaruk-o, ulug yig hisihion ari, nit kidia welaheon epmano keroho welahe ulug hinahla bukag ulug ilitoho neken-at yig hisihi-o.

1 Petrus 1:12

Hurumbik At Allahen yanggul isebahon etno it nabi aben, “Nit-at og nisahu,” ulug uruk apag fug oke, eke hit hag fano wene etno hinesanggo holtuk amuhupmu og hisahu, ulug hurumbik yig hisebag. Hurumbik yig hisaruk apagma, fobik it wene fano wene yig isil nuruk amag ulug mondep isebahon epmano hinambeg watlug, it At Allah Roh Kudus boholmen inambeg ambik waharisireg yig isarukmu, fano wene etno yig hisarusa-o. Yig hisaruson etno it malaikat nit ninesanggo holto burukon oke, hit-at yig hisarusa-o.

2 Petrus 1:21

It bilin hurumbik ebag etno iren ebag fug-o, At Roh Kudusen Allah une yig isarukmu, hurumbik etno ebag-o.

1 Yohanes 2:20

Hit halug, Roh Kudus hinobam imbirisimu, yi angge di angge epmano obog hiniluk-o.

1 Yohanes 2:27

Eke hit hag, Roh Kudusen hinobam imbirisimu, ap misihen yanggul hisa ari hai. At Roh Kudus yanggul hisarukon halug, yi angge di angge demat werehon etno-at yanggul hisaruk-o, Aren enggal neken uruk eleg-o. Eke At Roh Kudus etnowen yanggul hisarukon etno fikfag hinindimu ebetuk hisalug, At Yesus hinim hunduhuk welamuhup-o.

1 Yohanes 5:7

Eke yig nisarukon ari, boholmen it henahanen yig nisaruk-o, ari Ikni etno inim, At Wene etno inim, eke Roh Kudus etno inimen boholmen yig nisaruk ari, wene misig-at yig nisaruk-o.

Yudas 1:20

Eke hit nomini nindi hunduhuk welahion etno Allah wene fanowon etno waruk wilil, At Roh Kudus oag werehon etno inuk fam sembahyang uruk amuhup-o.

Wahyu 2:11

Eke hinesanggo wereg halug, At Roh Kudusen it jemaat yig isarukon epmano hinesanggo fanoroho holtuk amiek-o. Eke it inoag weregsoho welamuhubon halug, birenam waramon etno inobam umbuhu fug-o,” ulug yig nitisi-o.