Yohanes 14:20 - Allah Wene Hurumbik Keron

²⁰ Ariroho hiniluk wilil, An Nikni ninim ninebe misig-at welahe etno hag, hit An ninim ninebe misig-at welaheon epmano o ari sambit hiniluk amuhup-o.

Yohanes 14:20 ပူးပေါင်းရင်းမြစ်များ

Yohanes 10:38

Eke An At Niknien suruk etno hag ilitoho suruk nealug, hiren An nobam eberoko wao sohorep isalug, Anden yabuk suruk ahion epmano eberoko waruk amuk-o. Ariroho waruk amuk ulug yig hisihi ari, hiren At Amloho Ikni inim inebe misig-at wereg-o, eke At Ikni Amloho inim inebe misig-at wereg-o, ulug hinahla buruk wilil, hit hinindi demat ebebuhuben ulug waruk amuk yig hisihi-o,” ulug yig isebag.

Yohanes 14:10

Filipus wai, At An Nikni etno ninim ninebe misig-at welahe etno hat eberoko waruk eleg wilil, uruk ahen ano? Eke An wene yig hituk atikik epmano, An nakelehen-at nahla bulug yig hituk atikik fug-o. An Nikni ninim ninebe misig-at wilil, nineyabuk misihon etno-at suruk ahe-o.

Yohanes 14:11

Ari halug, haren An Nikni ninim ninebe misig-at welaheon etno demat ulug eberoko waruk amin. Eke ari eleg halug, nineyabuk misihon-at suruk ahe etno fam nobam ebetuk amin-o.

Yohanes 16:23

Eke hiren o ari sambit An nobam kino yig nituk amuhup fug-o. An ninuk baltuk wilil, Nikni akeleg-at obam kino yig ituk hisalug, Aren og hisahu-o.

Yohanes 16:26

Eke hiren o ari sambit An ninuk fam At kino yig ituk amuhup-o. Eke Anden hit hinake At obam kino yig ituk aruhuk yig hisaruk ahi fug-o. At An Nikni etno akelehen-at hinobam indi hunduhuk wereg-o.

Yohanes 17:11

Eke An nebe etno o kweanma duma sohorep isalug, kidia Hat hambeg wariog ulug suruk ahi-o. Eke it nudaki epmano hag o kweanma duma-at welamuhup-o. It inebe duma welamuhup ari fam, Haren An bilin nindi oag werehep naharikin etno hag, it ariroho-at Hat hinuk fam inindi oag werehep isin-o Nikni. Hat hebe etno suon-at welahen-o. Eke nit Hat ninim ninindi misig-at welahe etno hag, it inindi misig-at welamag ulug og isimin-o.

Yohanes 17:26

Eke iren Hat hebe iniluk amag ulug Hat hawene bukaloko yig isaruk atikik etno ilitoho yig isaruk aruhuk-o. Ariroho yig isaruk aruhuk etno fam, Haren An nebe hindi hunduhuk welahen etno hag, it inebe hindi hunduhuk welamag ulug yig isaruk aruhuk-o. Ariroho yig isaruk wilil, An it ninim ninindi misig-at hunduhuk welamuhuk-o,” ulug yig isebag.

Yohanes 17:7

kidia Haren yi angge di angge og nitikinon epmano, At Allahen-at og ituk ulug iniluk atisi-o.

Yohanes 6:56

Eke it yi aphe di aphe epmanowen namep nenggeg, nebe nenggeg suruk wilil, inebe iniluk-at An nindimu wereg etno hag, An nebe niluk-at it inindimu welahi-o.

Roma 16:7

Eke it ap an nungguluahon ininuk Andronikus Yunias etano, ninim o aphe dahon imbisaruk ambeg hele waroko kolap nisaharuson etano inim-at heahi war inaptuk amuk-o. Eke an At Kristus awene etno awan waruk eleg neyeheg it etanowen bilin warusareg fam, it ap mondep isebahon epmanowen it inebe iniluk-o.

Roma 8:1

Eke ari halug, it At Kristus Yesus inim werehon epmano onggo o dagma imbisahu fug-o.

1 Korintus 1:30

Eke At Allahen hit Kristus Yesus hinim dambuksoho hinombisaharisi-o. Eke At Kristus etno inuk fam ninindi yi angge di angge iniluk atukon epmano-at og nisarisi-o. Eke nit ninebe At Allah ninim dambule nisahakeg, eke nit At Allah udaki welamag ulug heako ninombisahakeg, eke ninebe ninili weheg suruk amag ulug At Allahen Amloho Yesus etno nit ninake belabik wapag-o.

2 Korintus 12:2

Eke at ap Kristus awene warukon misig etno an niluk-o. Eke at ap etno empat belas tahun bilin welahoahon epmano fam ebe o boholma-at walug lahabag-o. Walug lahabag ari demat walug lahabagma yig hisamin ano, we i og hebahon etno farim yig hisamin ano an napeleg-o, At Allah akeleg-at iluk-o.

2 Korintus 13:5

Eke hit hag, nit demat Yesus obam ebetuk ahe ano ulug hinonggarehen hinahla buruk wilil, hinaren bal saruk amuk-o. Eke hit hinobabut dag suruk eleg hisalug, At Kristus Yesus hinindimu wereg etno hit hinapelehen suruk ahep ano?

2 Korintus 5:17

Eke ari halug, ap misig At Kristus inim werehon ari ket wal sehon neken wereg-o, eke amukon etno arat eleg atisireg, ket wal sehon etno-at wereg-o.

2 Korintus 5:19

Ariroho mondep nisaharisireg fam, niren it aphe obog hurumbik yig isaruk ahe-o, At Kristus inuk fam At Allahen it aphe obog inim dambuk inaptisireg fam, iren dag suruson epmano onggo dahon inobam umbukon epmano elehepfirisi-o. Eke At Allahen aphe dambuk inabukon wene etno yig isil lawag ulug mondep naharisi-o.

Galatia 2:20

Eke an nebe At Kristus ninim e fam lenggaloko ninombisahabagma, waratuk soag oke, an niluk welahi ari, an nebe eleg-o, At Kristus etno-at nindimu iluk wereg-o. Eke kidia niluk welahi ari, At Allah Amloho-at obam ebetuk wilil niluk welahi-o. Eke At Allah Amloho nobam indi hunduhuk welapag etno fam, an nake-at warapag-o. Eke At Allah ninabua nisaruk wilil ninili wawon etno ebe werlekon neken imbisaruk ahi fug-o.

Efesus 2:10

Eke At Allahen ninebe wal haruk apareg, fobik At Kristus Yesus ninim dambuk ninapareg fam, niren fanoroho sukag ulug ninebe ninindi inim keron wal harisi-o. Eke nit ariroho ninobabut fano welamag ulug Aren-at fuloko ninombisahabag-o.

Kolose 1:19

Eke At Ikni Allah etno ahla buruk wilil, At Kristus an hahon-at wereg-o, ulug yig nisaruk-o.

Kolose 1:27

Eke wene amuk heraho welapahon etno yi aphe di aphe bukaloko yig isawag ulug suon, fanowon-at wereg-o. Eke wene fanowon yig nisarukon etno ebe du at-o, At Kristus hinindimu wereg halug, At ebe ilitoho Allah hinim suon-at welamuhup-o.

Kolose 2:9

Eke At Allah ninilanggen haruk ahe fuhon etno At Kristus ebe ambik wapag etno famen ebe selegma apag-o.

1 Yohanes 4:12

It apheyen At Allah ebe hebag fug-o, eke nit ninomini ninindi ninim hunduhuk welahe halug, Allah ebe ninindimu-at wereg ari mondog ninindimu hunduhuk wereg-o.