Yohanes 14:2 - Allah Wene Hurumbik Keron

² An Nikni ibam epma o baharik anggolo weregma, o baharik nin hit welamuhuben ulug fikfag haloko hinombisahik lahuk-o, ulug yig hisihi ari, ebe faleg eleg welatlepmen, ariroho yig hisele fug-o.

Yohanes 14:2 ပူးပေါင်းရင်းမြစ်များ

Lukas 14:22

fobik yig ituk wilil, ‘Nikni-o, Haren yig nerehenon epmano ilitoho arat sihireg oke, atog anggen wao ambeg kolo-at wereg-o,’ ulug yig epag-o.

Yohanes 13:33

Eke An nebe etno kidia dorat ninim welamuhuk-o, nudaki. Ariroho welamuhukseg, hiren fobik nebe heag nabil lahup oke, An lahuk ambeg epma hit lao hai-o, ulug it Yahudi ap bilin yig isarikik etno hag, yig hisaruk ahi-o.

Yohanes 13:36

Yig isaruk apagma, at Simon Petrus etnowen yig ituk wilil, “Hat hebe kema liog ulug ehen-o Nowe?” ulug yig ituk apagma, eke At Yesus etnowen yig ituk wilil, “O An lahuk ambeg epma kidia hat mug naplug lao ari hai oke, fobik-at mug naplug lahun-o,” ulug yig epag.

Yohanes 14:28

Eke Anden bilin yig hisaruk wilil, ‘An nebe lahukseg oke, fobik niog suhuluk hinambeg waruhuk-o,’ ulug yig hisarikikon etno hinesanggo holtikip-o. Eke hit hinebe An nobam mondog hinindi hunduhuk welatlepmen, An Nikni ambeg lahuk ulug yig hisarikik etno fam hinahien neyelep-o. Eke An kidia nebe doron neken wereg neyeheg, At An Nikni etno hag suon-at wereg-o.

Yohanes 16:4

Eke fobik iren ariroho sukon etno arat fanggog uruk halug, hiren At Yesusen ariroho hurumbik yig nisarisi ulug, hinindi ebebuhuben ulug yi wene di wene epmano obog-at yig hisihi-o,’ ” ulug yig isebag.

Yohanes 17:24

Eke Haren it inebe etno og nitikinteg fam, it inebe An wereg ambeg epma ninim welam nindi-o. It inebe epma wilil, Haren suontep naharuk ahenon etno inilanggen hahup-o. Eke Haren o kweanma duma awan wal haruk eleg wilil, An nobam hindi hunduhuk welahenag-o Nikni.

Kisah Para Rasul 9:16

Eke at etno An ninuk yig isarukmu it apheyen dahon epmano hobam umburuk amuhup ulug, Anden yig ituk aruhuk-o,” ulug yig epag.

2 Korintus 5:1

Eke nit ninebe ari ninibam sum fam falehon etno mial atuk halug, At Allahen o boholma ninibam itog mondog welamon fal ninaptukon epmano og nisahu ari niniluk-o.

1 Tesalonika 5:9

Eke At Allahen asine nisiog ulug imig ninapag fug-o. At Ninowe Yesus Kristus inuk fam ninili wawon etno holawag ulug imig ninapag-o.

Titus 1:2

Eke anden wene du demat ulug yanggul isaruk ahion etno fam it apheyen niniluk welamon etno og nisahu-o ulug inindi ebetuk-o. Eke At Allah enggal uruk elehon etnowen o kweanma duma awan wal haruk eleg wilil, hini­luk welamon etno og hisahuk ulug, abug yig nisaruk apareg,

Ibrani 11:10

Eke inibam sum fam falfareg oke, o suon andorli oag weregsoho falegma welamon At Allah akelehen indi kahaloko faluhu ambeg epmano-at welamuhuk-o, ulug ahla buruk wilil, aso welapag.

Ibrani 13:14

Eke o kweanma duma hag nit ninibam mondog neken wereg eleg ari famen, nit o fobik mondog welaruhuon etno-at heahil sil nuruk ahe-o.

Ibrani 6:20

At Yesus etno Ninowe Allah unde suon wilil, o At Allah wereg ambeg boholma laharuk apareg, nit ninake suruk-o. Eke bilin at Melkisedek Allah unde akeleg neken-at welapag etno hag, At Yesus Ninowe Allah unde suon akeleg neken-at nintul nantul welaruhu-o.

Ibrani 9:8

Ariroho umburuk isalug, o baharik selemon etno wereg heheg, o baharik undamon inuk Mondog Usabaharik etno kuruk ambeg kwalem etno heraho-at wereg ulug, At Roh Kudus etnowen selegmaroho yanggul nisaruk-o, ulug yig hisihion ari, nit kidia welaheon epmano keroho welahe ulug hinahla bukag ulug ilitoho neken-at yig hisihi-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 21:2

Nilanggen harikikon etno, o Yerusalem suon keron etno At Allah boholmen belabik waharukmu harikik-o. Ari hwe duhum fanowon etno hag, o Yerusalem keron etno belabik waharuk­mu nilanggen harikik-o.

Wahyu 3:12

Eke it inoag weregsoho anduhunmu neken welamuhubon halug, At Allah weregma o wut oag neken minduhup isahukmu, wilip amuhup fug-o. Eke At Nikni Allah inuk inim, eke o Yerusalem keron At Allahen boholmen belabik waruhu­on etno inuk inim inilahoag fam holal umbuhuk-o. Eke it ininuk keron soal inabuhukon etno inim-at inilahoag fam holal umbu­huk-o.

Wahyu 3:21

Eke it inoag weregsoho anduhunmu welamuhubon epmano An kidia Nikni ombandu bikit fil su­on-at welahi etno hag, it epmano og inaplug An nombandu fil welamag ulug suontoho imbi­sahuk-o.