Yohanes 14:13 - Allah Wene Hurumbik Keron

¹³ Eke hiren An ninuk fam duroho sin ulug uruk hisalug, suruk aruhuk-o. Ariroho suruk aruhuk ari, An Nikni inuk etno An Amlohoen suontepfiog ulug-at suruk aruhuk-o.

Yohanes 14:13 ပူးပေါင်းရင်းမြစ်များ

Matius 21:22

Eke hiren sembahyang kino uruk wilil, hinindi demat ulug ebetuk hisalug, og hisahu at-o,” ulug yig isebag.

Matius 7:7

At Yesusen yig isaruk wilil, “Hit sembahyang kino uruk hisalug, og hisahu-o. Hit heaharuk ahebon etno heag sahup-o. Sok kik haruk hisalug, hut hisahu-o.

Markus 11:24

Ariroho yig hisihi ari, hit sembahyang uog ulug yi angge di angge kino uruk atlug, fobik hinindien arat wihi-o, ulug demat ebetuk hisalug, og hisahu at-o.

Lukas 11:9

Eke hit sembahyang kino uruk hisalug, og hisahu-o. Hit heaharuk hisalug, heag hisahu-o. Hit sok kik haruk hisalug, hut hisahu-o, ulug An demat yig hisaruk ahi-o.

Yohanes 10:30

Eke nit An Nikni ninim ninebe misig-at welahe-o,” ulug yig isebag.

Yohanes 12:44

Eke fobik At Yesus etno une suon yig isaruk wilil, “It yi aphe di aphe obohen An nobam ebetuk ari, An nakeleg-at nobam ebetuk eleg-o. At lahap nabik waharision etno inim-at obam ebetuk-o.

Yohanes 13:31

At Yudas etno wilip atuk apagma, At Yesusen yig isaruk wilil, “An Allahen minduhup naharision suon welamag ulug minduhup nahukon etno arat fanggog ehek-o. Ariroho fanggog uruk wilil, Anden sukon etno fam At Allah inuk suontepfukon etno inim-at fanggog ehek-o.

Yohanes 14:14

Ariroho suruk wilil, hiren An ninuk fam duroho sin-o, ulug uruk hisalug, suhuk at-o,” ulug yig epag.

Yohanes 14:6

Ariroho wereg neyeheg, it yi aphe di aphe epmano An Nikni ambeg luog ulug suruk isalug, Anden-at og inaplug laruk ahi-o. Ariroho og inaplug laruk neyeheg, iren An sohorep nahalug lao ari hai-o.

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 15:7

Eke hit hag An ninim hunduhuk wilil, nawene yig hisaruk atikikon epmano fanoroho waruk amuhupseg, hiren yi angge di angge epmano ariroho sin-o, ulug sembahyang uruk hisalug, Aren suhu at-o.

Yohanes 16:23

Eke hiren o ari sambit An nobam kino yig nituk amuhup fug-o. An ninuk baltuk wilil, Nikni akeleg-at obam kino yig ituk hisalug, Aren og hisahu-o.

Yohanes 16:26

Eke hiren o ari sambit An ninuk fam At kino yig ituk amuhup-o. Eke Anden hit hinake At obam kino yig ituk aruhuk yig hisaruk ahi fug-o. At An Nikni etno akelehen-at hinobam indi hunduhuk wereg-o.

Yohanes 16:7

Ariroho dag aha ari famen, Anden wene demat uruk amon etno yig hisamin, An nebe lahuk ari, hit hinabuen-at lahuk-o. Eke An nebe laruk eleg nealug, At Yalmag hinaptukon etno hit hinambeg waruhu fug-o. Eke An nebe lahuk halug, At etno hinambeg lahapfik waruhuk-o.

Yohanes 4:10

Yig ituk apagma, At Yesusen yig ituk wilil, “An nebe At Allahen belap nabik waharision etnowen ik naminen honang nimin ulug yig hirihion etno haren An nebe ap du at ulug hiluk welatlenmen, haren An nambeg ariroho kino yig nitlenma, Anden ik ilukon etno og hetle-o,” ulug yig epag.

Yohanes 4:14

Eke it aphe obog ik Anden og isahukon etno nahup halug, fobik obok hahup fug-o. Ik Anden og isahukon ari, eleruk inindimuen funaloko wilip atuk halug, ik ilukon etno anggolo aruhu-o. Anggolo atuk halug, etno fam iniluk welamon etno holahup-o,” ulug yig epag.

Yohanes 5:19

Eke fobik At Yesusen yig isaruk wilil, “An wene demat urukon etno yig hisamin-o. At Amloho etno onggareg ahla buluhen-at suruk eleg-o. At Iknien surukon epmano ilanggen halug-at suruk-o. Eke At Iknien suruk etno hag, At Amloho etno ariroho-at suruk-o.

Yohanes 7:37

Eke fobik esoho ininggik sabiren angge arat esepareg, fobik atog ininggik sirehen angge fam esebukon etno suon-at esebuog ulug surukmu, At Yesus etno minatuk apareg, une suontoho yig isaruk wilil, “It yi aphe di aphe inahik obok werehon halug, An nambeg na waharuk amag-o.

1 Korintus 14:13

Eke ap misig inune akelehon uruk halug, ariroho ihi ulug it aphe dindiloko yig isawon etno og nemag ulug sembahyang ukag-o.

Efesus 2:18

Eke At Kristusen ariroho yig nisa wapareg fam, nit obog-at it Yahudi inim, eke hit Allah wene hinapeleg welatikibon inim, Roh Kudus misig etno-at ninindimu kurukmu, At Ninikni Allah misig-at obam ebetuk ahe-o.

Efesus 3:12

Eke nit At Kristus ninim wilil, At obam ebetuk nisalug, ninakol elegsoho wilil At Allah apma waharuk ahe-o.

Efesus 3:14

Eke ari halug, At Ninowe Yesus Kristus Ikni, nit boholmon inim, kweanmon inim obog ninungguluag inuk soal ninaptukon etno il fam nindibahal yungguksoho wilil, At obam sembahyang uruk ahi-o.

Filipi 4:13

Ariroho nahla buruk wilil, o ahik ya da epmano sil nuruk neyeheg, At Kristusen oag werehon etno og nitukmu, yi seheg di seheg noag weregsoho-at suruk ahi-o.

Kolose 3:17

Eke yi wene eheg, di wene eheg, eke yi angge seheg, di angge seheg suruk wilil, At Ninowe Kristus inuk fam Ninikni Allah wa ulug suruk amuk-o.

Ibrani 13:15

Eke At Yesus etnowen nit ninake suruk apag etno fam, niren At Allah ake di At inuk suontepfukon etno-at uruk amuk-o. Ariroho uruk wilil, ninuneyen nintul nantul At obam wa eheg, inuk suontepfeheg suruk amuk-o.

Ibrani 4:15

Eke At Ninowe Allah unde suon etnowen nit ninoag elegsoho suruk aheon epmano ahmu nisaruk wereg-o. Ariroho wereg ari, nit ninindi kahalik waharuk etno hag, At indi kahalik wapahon oke, At dag sebag fug-o.

Ibrani 7:25

Eke At ebe etno itog mondog wilil, kidia inim, fobik inim, it aphe inili wiog ulug og inaplug At Allah ambeg imbisa laheg, eke inake At Allah obam kino yig ereheg suruk wilil, ebe mondog iluk welaruhu-o.

Yakobus 1:5

Eke at misig indi fanoroho ebetuk elehon hinim wereg hisalug, At Allah obam sembahyang uruk wilil, “Nindi fanoroho ebebukon etno-at og nimin-o,” ulug sembahyang urukmu, At Allah yi angge di angge anggolo og nisarukon etnowen og hiruhu-o.

Yakobus 5:16

Ari halug, hiren dag suruk ahebon epmano hinomini inil fam bukaltuk amuhupmu, hinebe hinindi fano amag ulug hit obohen hinomini inake sembahyang uruk amuhup-o, eke at ap misihen demat ulug indimu ebetuk halug, aren sembahyang urukon etno oag weregsoho-at uruk-o.

1 Petrus 2:5

At etno o wut oag neken weregma, hit o hobat neken hinombisaharisi-o. Ari halug, At Yesus Kristus inuk fam Allah yabuk fanowon etno hinahiroho suruk amiek-o.

1 Yohanes 3:22

Eke At Allahen komo yig nisarukon etno ilitoho suruk nisalug, Aren ahien ninobam umburuk wilil, niren kino uruk aheon epmano og nisaruk-o.

1 Yohanes 5:14

Eke yi angge di angge Aren du fano ulug ebahon epmano niren sembahyang uruk wilil kino uruk nisalug, demat og nisahu-o.