Yohanes 14:12 - Allah Wene Hurumbik Keron

¹² Ari halug, Anden wene demat uruk amon etno yig hipmin-o, it yi aphe di aphe obog An nobam ebetukon epmanowen Anden yabuk suruk ahi epmano ilitoho suruk amuhup-o. Eke An nebe Nikni ambeg lahukseg fam, iren fobik sukfugangge anggolo-at suruk amuhup-o.

Yohanes 14:12 ပူးပေါင်းရင်းမြစ်များ

Matius 21:21

At Yesusen yig isaruk wilil, “Hit An yig hisaminon etno-at hinindi ebetuk amuk-o. Hit hinindi biren neken welam sohorep isalug, hiren demat ulug ebetuk amuhup halug, Anden e du yig irihimu bug aha etno hag, hiren ariroho sukon etno hai aruhu fug-o. Eke misig, hit hinindi fanoroho ebetuk wilil, bunu suon du leko lahalug ik yenggeleg epma sebesik ambik ma-o, ulug yig ituk hisalug, ambik waruhu at-o.

Markus 11:13

e misig ombomi anggen neken narukon etno alit sobalfareg weregma o yatmen-at ilanggen yet haruk apareg, e etno anggen yihik ano eleg ano? ulug alma ilanggen bik ha wapag. Bik ha waharuk apag, anggen yihik eleg wilil engga-at sobalegma ilanggen hebag. Ariroho weregma hebag ari, e ombomi anggen neken yihirukon etno ili wapag fureg fam, ariroho weregma ilanggen hebag.

Markus 16:17

Eke it nin An nawene etno inindimu eberoko wahubon halug, it apheyen fog inaptuk amag ulug, sukfuganggeroho suruk wilil, it setan inindimu kurukon epmano An ninuk fam lisoko wilip iseheg, eke inune inapelehon-at eheg suruk amuhup-o.

Yohanes 14:28

Eke Anden bilin yig hisaruk wilil, ‘An nebe lahukseg oke, fobik niog suhuluk hinambeg waruhuk-o,’ ulug yig hisarikikon etno hinesanggo holtikip-o. Eke hit hinebe An nobam mondog hinindi hunduhuk welatlepmen, An Nikni ambeg lahuk ulug yig hisarikik etno fam hinahien neyelep-o. Eke An kidia nebe doron neken wereg neyeheg, At An Nikni etno hag suon-at wereg-o.

Yohanes 16:7

Ariroho dag aha ari famen, Anden wene demat uruk amon etno yig hisamin, An nebe lahuk ari, hit hinabuen-at lahuk-o. Eke An nebe laruk eleg nealug, At Yalmag hinaptukon etno hit hinambeg waruhu fug-o. Eke An nebe lahuk halug, At etno hinambeg lahapfik waruhuk-o.

Yohanes 4:37

Eke hiren at misihen i yareheg, at misihen anggen baleheg suruk ulug uruk ahebon etno demat uruk ahep hisihi-o.

Yohanes 5:20

Eke At Ikni etno Amloho indi hunduhuk wilil, An duruho suruk ahi-o, ulug obog-at yanggul ituk-o. Ari halug, fobik yi angge di angge sukfuganggeroho sukon epmano obog-at yanggul ituk aruhumu, hit obohen wi ulug fog suruk amuhup-o.

Yohanes 7:33

Lahap isaruk apagma, At Yesus etnowen yig isaruk wilil, “An ninggik dorat hit ninim welamuhukseg, fobik At lahap nabik waharision etno wereg ambeg epma niog suhuluk lahuk-o.

Yohanes 7:39

Eke At Yesus etno ebe suon welamag ulug awan minduhupfuruk elegma, Roh Kudus etno og isebag fuhon oke, it At obam ebetuk apahon etno dulum-at og hisahuk ulug abug yig isebag-o.

Kisah Para Rasul 10:46

Fog suruk apareg, it aphe epmanowen inune holuk fugsoho uruk wilil, At Allah inuk suontepfurukmu inesanggo holfag. Inesanggo holtuk apareg, at Petrusen,

Kisah Para Rasul 16:18

ulug at hole etnowen nintul nantul uruk atisimu, at Paulus etno indimuen ambit heheg, olohore dahagsoho yet haruk atisireg, at setan etno yig ituk wilil, “Hat setan hole du ahla welahenon du At Yesus Kristus inuk fam wilip amin-o,” ulug yig ituk atisimu, at setan etno arat wilip atisi.

Kisah Para Rasul 19:12

Ariroho surukmu, at Paulusen ilisag ho surukon etno it apheyen waruk atusareg, it aphe uk warehon epmano inobam umburusa. Umburuk atusama, uk warehon epmano fano aheg, eke setan inindimu werehon wilip aheg suruk atusa.

Kisah Para Rasul 2:33

Eke At ebe etno Allahen walug inggik bikit fil imbik laharisireg, Roh Kudus og hiruhuk ulug yig epahon etno og itisi-o. Og itisimu, eke Aren og hisahuk ulug ebahon etno ninobam belabik waharukmu hinilanggen haruk ahep-o.

Kisah Para Rasul 2:41

Yig isaruk apagma, it obohen wene yig isebahon etno eberoko waruk apagma, it inebe tiga ribu obam seberoho belap inapag.

Kisah Para Rasul 4:16

“Ap dia keroho yig isuk-o? It Yerusalem aphe epmano obog iren sukfugangge suruson etno inesanggo holtusareg, obog iniluk-o. Iniluk weregma, niren surusa fug ulug keroho yig isao-o?

Kisah Para Rasul 4:33

Uruk wilil weregma, eke it mondep isebahon epmano inoag weregsoho wilil, At Ninowe Yesus minduhupfebahon wene etno yig isil nuruk apag. Yig isil nurukmu, At Allahen it obog inobam ahien embebag.

Kisah Para Rasul 4:4

It etano kolap isaruk apagma, eke it aphe Allah wene yig isarukmu webahon epmano, inebe lima ribu-at webag.

Kisah Para Rasul 5:15

Dambulik waharuk apagma, it mondep isebahon epmanowen fano inaptuk apag. Fano inaptukmu, it aphe uk warehon epmano og inaplug at Petrus akumag fam sangguntep isalug fano inabukag ulug e belaroho kwalema imbisa laruk apag.

Kisah Para Rasul 6:7

Minduhup isebareg weregma, Allah wene su atuk haruk apareg, it nin obog o Yerusalem etnowen Allah wene webag. Waruk apagma, it imam ap suon nin inim Allah wene waruk apag.

Kisah Para Rasul 8:7

Eke it epmano inil fam it setan dahon epmano aphe inindimuen inune suon urukmu wilip iseheg, eke aphe inoag elehon inim, eke ininggik iniog dahon inim fano inabeheg surukmu inilanggen hebag.

Kisah Para Rasul 9:34

Ha laruk apareg, at Petrus etnowen yig ituk wilil, “Eneas wai. Hat hebe etno At Yesus Kristusen fano haptuk-o. Fano haptukmu, kidia minatuk apmihinteg, hesabul nohoruk ahenon etno yinggiloko hulimin,” ulug yig ituk apagma, at Eneas etno minapag.

Kisah Para Rasul 9:40

Ariroho suruk apagma, at Petrus etnowen it aphe epmano obog wilip isaruk apareg, ut kunuk ulug sembahyang ebag. Sembahyang uruk apareg, olohore dahagsoho at hwe beya werehon etno kolap haruk wilil, “Tabita wai. Hiluk atlug minamin-o,” ulug yig ituk apagma, ilanggen fenggen atuk apareg, at Petrus etno yet hebag. Yet haruk apareg, minatuk apagma at Petrusen inggik senoko minduhupfebag.

Roma 15:19

eke elalintoho sukfugangge seheg suruk wilil, At Roh Kudus etnowen ninim ninoag weregsoho surukuk-o. Ariroho suruk wilil, o Yerusalemen o Ilirikum kwalema luog ulug larukuk-o. Kwalema laruk wilil, At Kristus awene fanowon etno yig isil larikik-o.