Yohanes 14:10 - Allah Wene Hurumbik Keron

¹⁰ Filipus wai, At An Nikni etno ninim ninebe misig-at welahe etno hat eberoko waruk eleg wilil, uruk ahen ano? Eke An wene yig hituk atikik epmano, An nakelehen-at nahla bulug yig hituk atikik fug-o. An Nikni ninim ninebe misig-at wilil, nineyabuk misihon etno-at suruk ahe-o.

Yohanes 14:10 ပူးပေါင်းရင်းမြစ်များ

Yohanes 10:30

Eke nit An Nikni ninim ninebe misig-at welahe-o,” ulug yig isebag.

Yohanes 10:38

Eke An At Niknien suruk etno hag ilitoho suruk nealug, hiren An nobam eberoko wao sohorep isalug, Anden yabuk suruk ahion epmano eberoko waruk amuk-o. Ariroho waruk amuk ulug yig hisihi ari, hiren At Amloho Ikni inim inebe misig-at wereg-o, eke At Ikni Amloho inim inebe misig-at wereg-o, ulug hinahla buruk wilil, hit hinindi demat ebebuhuben ulug waruk amuk yig hisihi-o,” ulug yig isebag.

Yohanes 11:26

Eke it yi aphe di aphe iniluk amuhupseg, An nobam ebetuk isalug, waramuhup fug-o, ulug wene yig hirihion ari haren demat ulug eberoko waruk ahen ano?” ulug yig epag.

Yohanes 12:49

Eke An wene yig isaruk ahi etno An nakeleg nahla buluhen-at yig isaruk ahi fug-o. At Nikni lahap nabik waharision etnowen-at wene ariroho yig isahun ulug yig nitisimu, yig isaruk ahi-o.

Yohanes 14:11

Ari halug, haren An Nikni ninim ninebe misig-at welaheon etno demat ulug eberoko waruk amin. Eke ari eleg halug, nineyabuk misihon-at suruk ahe etno fam nobam ebetuk amin-o.

Yohanes 14:20

Ariroho hiniluk wilil, An Nikni ninim ninebe misig-at welahe etno hag, hit An ninim ninebe misig-at welaheon epmano o ari sambit hiniluk amuhup-o.

Yohanes 14:24

Eke it yi aphe di aphe An nobam inindi hunduhuk elehon epmano Anden wene yig isaruk ahion oke, inesanggo holtuk eleg-o. Eke hit wene hinesanggo holtuk ahebon epmano, An nakelehen-at yig hisarukmu holtuk ahep fug-o. At An Nikni lahap nabik waharision etno ninimen-at yig hisarukmu, hinesanggo holtuk ahep-o.

Yohanes 17:8

Eke wene Haren og nitikinon etno yig isaruk atikikmu, iren eberoko warusareg, At Yesus etno At Allahen lahabik waharisimu, ebe At Allah wereg ambeg epmen demat waharisi hehe-o, ulug iniluk atisi-o.

Yohanes 3:2

o misihim hubanggo At Yesus ambeg wapareg, yig ituk wilil, “Ninowe yanggul nisarukon wai, Haren yanggul nisawag ulug At Allahen lahap habik waharisi etno nit niniluk-o. Eke at ap misig Allah inim welatlep fugmen, Haren sukfugangge suruk ahenon epmano suruk atlep fug-o,” ulug yig epag.

Yohanes 5:17

Ariroho uruk apagma, At Yesus etnowen yig isaruk wilil, “An Nikni nintul nantul yabuk suruk etno hag, An ariroho yabuk suruk am ari fano-o,” ulug ariroho yig isaruk apagma,

Yohanes 5:19

Eke fobik At Yesusen yig isaruk wilil, “An wene demat urukon etno yig hisamin-o. At Amloho etno onggareg ahla buluhen-at suruk eleg-o. At Iknien surukon epmano ilanggen halug-at suruk-o. Eke At Iknien suruk etno hag, At Amloho etno ariroho-at suruk-o.

Yohanes 7:16

eke At Yesus etnowen yig isaruk wilil, “Anden wene yanggul hisaruk ahi etno An nahlaen bulug yanggul hisaruk ahi fug-o. An At Allah lahap nabik waharision etnowen-at yanggul nitukmu, hit yig hisaruk ahi-o.

Yohanes 8:28

Ariroho inahla buruk eleg isaruk apareg, At Yesus etnowen yig isaruk wilil, “Hiren At Allah Amloho etno mindoko imbik laharuk amuhupseg, At ebe etno-at ulug hinahla buhup-o. Hinahla buruk amuhupseg, Anden yig hisaruk wilil, ‘Nonggarehen suruk ahi fug-o. At Nikni etnowen yanggul nitukon etno-at yig hisaruk ahi-o,’ ulug yig hisarikikon etno demat yig nisarisi ulug hinahla buhup-o.

Yohanes 8:38

Eke Anden Niknien yanggul nitision etno-at yig hisaruk ahi etno hag, hit hiniknien yig hisebahon etno-at suruk ahep-o,” ulug yig isebag.

Yohanes 8:40

Ariroho selebon oke, Anden wene demat uruk amon At Allahen yig nitision etno-at yig hisaruk nealug, hiren nowabuog ulug suruk ahep-o. Eke at Abraham ari ilitoho sebag fug oke,

Kisah Para Rasul 10:38

Eke fobik At Allahen Yesus Nazaret ap etno At Roh Kudus inim, eke oag weregsoho suruk amon etno inim obog-at og itisi etno hit hiniluk-o. Eke fobik At Yesus etno Allah inim wilil, it uk warehon fano inabeheg, it setan inindimu werehon lisoko wilip iseheg o ahik ya da obog-at sil nuruk atisi-o.

2 Korintus 5:19

Ariroho mondep nisaharisireg fam, niren it aphe obog hurumbik yig isaruk ahe-o, At Kristus inuk fam At Allahen it aphe obog inim dambuk inaptisireg fam, iren dag suruson epmano onggo dahon inobam umbukon epmano elehepfirisi-o. Eke At Allahen aphe dambuk inabukon wene etno yig isil lawag ulug mondep naharisi-o.

Kolose 1:19

Eke At Ikni Allah etno ahla buruk wilil, At Kristus an hahon-at wereg-o, ulug yig nisaruk-o.

Kolose 2:9

Eke At Allah ninilanggen haruk ahe fuhon etno At Kristus ebe ambik wapag etno famen ebe selegma apag-o.

1 Yohanes 5:7

Eke yig nisarukon ari, boholmen it henahanen yig nisaruk-o, ari Ikni etno inim, At Wene etno inim, eke Roh Kudus etno inimen boholmen yig nisaruk ari, wene misig-at yig nisaruk-o.