Yohanes 14:1 - Allah Wene Hurumbik Keron

¹ Eke fobik At Yesusen yig isaruk wilil, “Hit hinindi dag am fug-o. Hiren At Allah obam ebetuk ahep hag, An nobam ariroho-at ebetuk amuk-o.

Yohanes 14:1 ပူးပေါင်းရင်းမြစ်များ

Yohanes 11:33

Yig ituk apareg, at etno it Yahudi ap inim wapahon epmano inim ioba yatukmu At Yesusen ilanggen isaruk apareg, ahmu isaruk wilil, indi mondog dag apag.

Yohanes 12:27

Eke fobik At Yesus etnowen uruk wilil, “Kidia nindi dag aha ari, keroho ik-o? Ari halug, Anden Nikni-o, An nowabukon etno Haren elehapsin-o, ulug ariroho yig irik ano? Ari eleg-o. An nebe etno nowabukag ulug-at o kweanma duma ambik waharikik-o.

Yohanes 12:44

Eke fobik At Yesus etno une suon yig isaruk wilil, “It yi aphe di aphe obohen An nobam ebetuk ari, An nakeleg-at nobam ebetuk eleg-o. At lahap nabik waharision etno inim-at obam ebetuk-o.

Yohanes 13:19

Ariroho suruk ulug yig hisihi ari, awan nabug baltuk eleg heheg yig hisaruk ahi-o. An yig hisaruk ahion ari, arat nabug baltuk halug, hit obohen At ebe Kristus demat-o, ulug uhuben ulug hurumbik arat yig hisihi-o.

Yohanes 16:24

Eke hit bilin An ninuk fam yi angge di angge kino irikip fuhon oke, kidia hag An ninuk fam kino uruk amuk ulug yig hisaruk ahi-o. Ari halug, hiren fobik hinahien anggolo haruk amuog ulug kino yig ituk amuhupmu, Aren og hisahu-o,” ulug yig isebag.

Yohanes 16:3

Ariroho inahla buruk amuhup ari, iren An nebe inim, An Nikni etno inim inapelehen-at suruk wilil, inahla buruk amuhup-o.

Yohanes 16:6

kidia Anden yi wene di wene epmano yig hisaruk ahimu, hit hinindi mondog dag aha-o.

Yohanes 5:23

it apheyen At Ikni inuk suontepfuruk amuhup etno hag, Amloho inuk ariroho-at suontepfuruk amuhup-o. Eke ari halug, it apheyen At Amloho inuk suontepfuruk eleg ari, At Iknien lahapfik waharision etno inuk suontepfuruk eleg at-o,” ulug yig isebag.

Yohanes 6:40

eke fobik ahla bebahon misig yig nituk wilil, it yi aphe di aphe obohen Namloho hat inilanggen heahupseg, hobam ebetuk isalug, Anden iniluk welamon etno og isahuk-o. Ariroho og isaruk aruhukseg, fobik o ari fam obog-at iniluksoho minduhup isahuk-o, ulug yig nepahon etno-at yig hisaruk ahi-o,” ulug yig isebag.

2 Korintus 2:7

Eke ari halug, at dag sirision etno obam apelegsoho hinapma imbiuk-o. Ariroho wilil, at ap etno indi mondog dag am nowen ulug indi wereg amagsoho hinune fanoroho yig ituk amuk-o.

Efesus 1:15

Eke hiren At Ninowe Yesus obam ebetuk ahebon epmano inim, eke hiren it Allah udaki obog inobam hinindi hunduhuk welahebon epmano inim, obog-at an nesanggo holtuk atikikseg, nintul nantul hit farim At Allah wa ulug yig ituk atikik-o.

2 Tesalonika 2:2

Eke At Ninowe etno arat waharisi-o, ulug ariroho hinindi dahan fahan ebebuk nowen ulug yig hisihi-o. Eke At Ninowe arat waharisi-o, ulug ap misihen aren-at irisi ano, eke Allah wene neken yig hisarisi ano, eke at Paulusen ariroho holal imbirisi ulug yig hisarisi ano? Eke at ap misihen enggal-at wene yig hisaruk ahi ulug hinindi kahaluk nowen ulug yig hisihi-o.

1 Petrus 1:21

Belabik wapareg, fobik o aphe warehon wereg ambehen iluksoho ebe suon-at minduhupfebag-o. Hit At minduhupfebahon etno obam ebetuk wilil, At Allahen fobik fanoroho seko ninombisahuku, ulug hinindi ebetuk amuk-o.