Yohanes 13:8 - Allah Wene Hurumbik Keron

⁸ Yig ituk apagma, eke at Petrus etnowen yig ituk wilil, “Haren an niog ho nabuk ari mondog hai-o,” ulug yig epag. Yig ituk apagma, At Yesusen yig ituk wilil, “Anden hat hiog ho haptuk eleg nealug, hat An nomin neken welaruhun fug-o,” ulug yig epag.

Yohanes 13:8 ပူးပေါင်းရင်းမြစ်များ

Matius 16:22

Yig isaruk apagma, at Petrusen Yesus ma-o ulug yanggap haruk apareg, inakelegma lebag. Inakelegma laruk apareg, winimug yig ituk wilil, “Nowe-o, Hat yig nisehenon seg am nowen ulug Allahen winimug uhu-o,” ulug yig ituk apagma,

Matius 21:29

eke at amloho etnowen yig ituk wilil, ‘An nambit-o,’ ulug yig epareg oke, fobik indi ebetuk apareg, e anggur etno yabuk sik lebag-o.

Matius 26:33

Yig isaruk apagma, eke at Petrus etnowen yig ituk wilil, “Eleg-o, it obog wilip amuhup oke, an hag hombahalug lahuk fug-o,” ulug yig ituk apagma,

Matius 26:35

Yig ituk apagma, eke at Petrus etnowen yig ituk wilil, “Eleg-o, anden ebe napeleg ari uhuk fug-o. Hat howatuk isalug, an ninim-at nowabukag-o,” ulug yig ituk apagma, it omini obohen etnoroho-at yig epag.

Yohanes 13:6

Ho inabiog ulug suruk wilil, it nin arat ho inaptuk apareg, at Simon Petrus etno iog hisiog ulug suruk apagma, aren yig ituk wilil, “Nowe, Haren an niog ho nabiog ulug suruk ahen ano?” ulug yig ituk apagma,

Yohanes 13:9

Yig ituk apagma, at Simon Petrus etnowen yig ituk wilil, “Ari halug, Nowe, niog akeleg-at ho napmihin fug-o. Ninggik inim, nungguluag inim obog-at ho nabin-o,” ulug yig epag.

Yohanes 3:5

eke At Yesus etnowen yig ituk wilil, “Ari halug, An wene demat urukon etno yig hisamin-o. Ap misig ik fam inim, Roh Kudus fam inim endag atuk eleg halug, At Allah weregma kuk ari hai-o.

Kisah Para Rasul 22:16

Ari halug, nit kidia keroho ulug bok welamul-o? Hat hebe kidia minatuk apmihinmu, ikma belap habikon-o. Ari haren At Yesus inuk waruk wilil, dag suruk atikinon epmano sohorep isalug, hindi dahon ho habukag ulug ikma belap habikon-o,’ ulug at Ananias etnowen yig nitisi,” ulug eke at Paulusen yig isarisi.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

Efesus 5:26

it inebe ik etno fam ho inaptuk apareg, At Allah udaki inakeleg-at welamag ulug At awene etno yig isaruk wilil inakeleg-at fuloko imbisebag-o.

Kolose 2:18

Nin eke ap misihen hinune eleg-o. An At Allahen yig nitukmu, noho firin firin neken haruk aheon an at-o. Eke misig du yig hisaruk ahi-o, it malaikat epmano inobam sembahyang uruk amiek-o. Eke an nune-at hinesanggo holtuk amiek-o, ulug ariroho yig hisa waharuk halug, at une holuk fug-o. At ap etno it kweanmonen inahla buruk etno hag ahla buruk wilil yig hisa waharuk ari, at une werlek-at suontepfulug, eke Kristus inuk etno hondorepfuruk-o.

Kolose 2:23

Usa ulug urukon ari, we demat neken uruk oke, eke it urunangge neken uruk-o. Eke iren it malaikat ininuk fam sembahyang iuk-o. Eke misig du na fug-o, eke misig an doron nune du-at hinesanggo holtuk amiek-o, ulug inenggal-at uruk-o. Yi angge di angge na fug-o urukon ari fam inoag eleg atuk-o.

Titus 3:5

Eke nit fano suruk nisalug, ninili warisi fug-o. Aren ahmu nisaruk wilil, Roh Kudus fam ninindi ho ninaptuk atisireg, ninindi werehep nisaharisi-o.

Ibrani 10:22

Ari halug, nit ninindi seberoho wilil, wene du demat ulug ebetuk nisalug, Aren nit dag suruk ahe ulug ninahla buruk aheon epmano ho ninabeheg, eke ninebe ik sabele elehon etno fam kume war ninabeheg suruk ari famen, nit ninindi fanoroho At Allah ambeg waharuk amuk-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 7:14

eke anden yig ituk wilil, “Nowe, an napeleg-o, Hat-at hiluk-o,” ulug yig iti­kik-o. Yig ituk atikikmu, eke Aren yig nituk wilil, “It aphe du dahon inobam umburuson oke, inili holaruk atusareg waharusa-o. Eke it epmano inasum sabele horoho Wam Domba Udag amep etno fam hulu amag ulug are surusa-o.