Yohanes 13:5 - Allah Wene Hurumbik Keron

⁵ Delepfuruk apareg, it omini epmano iniog omatuk ho suruk atlug, inobam ho surukon inggik sabitmu werehon etno fam ho inabiog ulug suruk apag.

Yohanes 13:5 ပူးပေါင်းရင်းမြစ်များ

Lukas 7:38

Onggo baloko walug wapareg, ioba yatuk wilil, il ambusu At Yesus iog anggulmu belaptuk apag. Belaptuk apareg, fobik at iruk yaron etno fam horepfulug, iog anggulmu mitig haruk apareg, e anggen ambusu amben fanowon etno delepfebag.

Lukas 7:44

Yig ituk apareg, olohore dahagsoho hwe etno yet haruk apareg, at Simon etno yig ituk wilil, “Hat hwe du hehen ano? An fahe hat hibam kehereg, niog sabele ho sukag ulug haren ik og nerehen fuhon oke, at hwe duen il ambusu niog anggulmu delepfehekseg, iruk fam ho nabehek-o.

Yohanes 13:10

Yig ituk apagma, At Yesusen yig ituk wilil, “Ap misig anggume waroko ebe obog-at hosuk halug, fobik ebe inim ho suruk eleg-o, we iog akeleg-at ho suruk-o. Eke hit obog hinahap kume warehon-at welahep oke, at misig etno hag ahap kume waroko hoseheg eleg-at wereg-o,” ulug ariroho yig isebag ari,

Yohanes 13:6

Ho inabiog ulug suruk wilil, it nin arat ho inaptuk apareg, at Simon Petrus etno iog hisiog ulug suruk apagma, aren yig ituk wilil, “Nowe, Haren an niog ho nabiog ulug suruk ahen ano?” ulug yig ituk apagma,

Yohanes 13:8

Yig ituk apagma, eke at Petrus etnowen yig ituk wilil, “Haren an niog ho nabuk ari mondog hai-o,” ulug yig epag. Yig ituk apagma, At Yesusen yig ituk wilil, “Anden hat hiog ho haptuk eleg nealug, hat An nomin neken welaruhun fug-o,” ulug yig epag.

Yohanes 19:34

Sohorep isebareg oke, at sehen seneg werehon misig etnowen asega fam Yesus ombandu dal haruk apagma, amep ik inim wilik wapag-o.

Kisah Para Rasul 22:16

Ari halug, nit kidia keroho ulug bok welamul-o? Hat hebe kidia minatuk apmihinmu, ikma belap habikon-o. Ari haren At Yesus inuk waruk wilil, dag suruk atikinon epmano sohorep isalug, hindi dahon ho habukag ulug ikma belap habikon-o,’ ulug at Ananias etnowen yig nitisi,” ulug eke at Paulusen yig isarisi.

1 Korintus 6:11

Eke hit nin ariroho dag suruk atikibon oke, eke At Allahen Ninowe Yesus Kristus inuk fam At Roh Kudus etno og hisaruk wilil, hinindimu dag suruk atikibon epmano ho hinabeheg, eke hinebe Aren angge ulug akeleg-at hinombisahakeg, eke alem dahon hinobam werehon epmano hinili oko elehepfeheg suruk atisi-o.

Efesus 5:26

it inebe ik etno fam ho inaptuk apareg, At Allah udaki inakeleg-at welamag ulug At awene etno yig isaruk wilil inakeleg-at fuloko imbisebag-o.

1 Timotius 5:10

eke it apheyen hwe du fano mondog suruk-o, ulug urukon inim, eke udaki fanoroho endag inaptukon etno inim, eke ap huso waharukmu orom fanoroho menag isarukon etno inim, eke it Allah udakion iniog fanoroho ho surukon etno inim, eke it aphe yi angge di angge elehon fanoroho og isarukon etno inim, eke yi seheg di seheg fanoroho surukon etno inim, hweap suhweon etno ariroho wereg isalug ininuk holal fam umburuk amin-o.

Ibrani 10:22

Ari halug, nit ninindi seberoho wilil, wene du demat ulug ebetuk nisalug, Aren nit dag suruk ahe ulug ninahla buruk aheon epmano ho ninabeheg, eke ninebe ik sabele elehon etno fam kume war ninabeheg suruk ari famen, nit ninindi fanoroho At Allah ambeg waharuk amuk-o.

1 Yohanes 1:7

At Allah weregsoho o selegma laruk nisalug, ninomini obog ninim dambuksoho welahe-o. Ariroho weregma, eke ninindi dahon At Yesus Allah Amloho amep fam ho ninaptuk-o.

1 Yohanes 5:6

Eke at kweanma wapahon ari, At Yesus Kristus wapag, ik inim, amep inim walug wapag, ari ikma belapfebahon etno inim, amep deloko embebahon etno inim walug wapag. Ik-at walug wapag fug, we biren eta ik inim, amep inim walug wapag. Walug wapag ari, At Roh Kudus etnowen demat walug wapag ulug yig nisaruk-o. Eke yig nisaruk ari At Roh Kudus etnowen demat ulug yig nisaruk-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.

Wahyu 7:14

eke anden yig ituk wilil, “Nowe, an napeleg-o, Hat-at hiluk-o,” ulug yig iti­kik-o. Yig ituk atikikmu, eke Aren yig nituk wilil, “It aphe du dahon inobam umburuson oke, inili holaruk atusareg waharusa-o. Eke it epmano inasum sabele horoho Wam Domba Udag amep etno fam hulu amag ulug are surusa-o.