Yohanes 13:38 - Allah Wene Hurumbik Keron

³⁸ Ariroho yig ituk apagma, eke At Yesusen yig ituk wilil, “Haren ninim-at ninusukag ehen ari, demat ihi ulug hahla buruk ahen ano nomin? Ari halug, Anden wene misig yig hipmin-o. Fobik sue ayam kulog etno awan une uruk eleg heheg, haren henahanam ebe napeleg ulug imihin-o,” ulug yig epag.

Yohanes 13:38 ပူးပေါင်းရင်းမြစ်များ

Matius 26:34

eke At Yesus etnowen yig ituk wilil, “Ariroho ehenon oke, o sono ilikia sue ayam une awan uruk eleg heheg, henahanam An ebe napeleg uhun-o, ulug yig hirihi ari An demat yig hirihi-o,” ulug yig epag.

Markus 14:30

eke At Yesus etnowen yig ituk wilil, “Ariroho ehenon oke, o sono ilikia sue ayam une birenam awan uruk eleg heheg, henahanam An ebe napeleg uhun-o, ulug yig hirihi ari An demat yig hirihi-o,” ulug yig ituk apagma,

Lukas 22:33

Yig ituk apagma, at Petrus etnowen yig ituk wilil, “Eleg-o, Nowe. An Hat ninim hele war ninaplug ninusuk ari fano at-o,” ulug yig epag.

Lukas 22:34

Yig ituk apagma, At Yesusen yig ituk wilil, “Petrus wai. Ariroho ehenon oke, sue ayam kulog etno une awan uruk eleg heheg, haren henahanam An ebe napeleg uhun-o,” ulug At Yesusen yig epag.

Yohanes 16:31

Yig ituk apagma, eke At Yesusen yig isaruk wilil, “Hiren Hat hobam ebetuk ahe yig nerehep ari, demat ehe ulug hinahla buruk ahep ano?

Yohanes 21:17

eke fobik henahanam yig ituk wilil, “Simon Yohanes amloho du wai, hat An nobam hindi hunduhuk welahen ano?” ulug yig ituk apagma, at Petrus etno Yesusen henahanam An nobam hindi hunduhuk welahen ano ulug hinog webahon etano fam indi dag atuk apareg, yig ituk wilil, “Nowe-o, Hat yi angge di angge obog hiluk ari, an Hat hobam nindi hunduhuk welahion etno hiluk-o,” ulug yig ituk apagma, At Yesus etnowen yig ituk wilil, “Ari halug, An nanggom domba epmano haren orom nawag ulug og inaplug laheg suruk amuk-o.

Kisah Para Rasul 11:10

ulug une etno henahanam dahagsoho yig nituk atisireg, fobik sum etno walug boholma laharisi-o.

1 Korintus 10:12

Eke ari halug, ap misihen, an suon minduhuk welahi-o, ulug ahla burukon ari dag surukim indi aso welamag-o.