Yohanes 13:34 - Allah Wene Hurumbik Keron

³⁴ Ari halug, kidia wene keron neken misig yig hisamin-o. Ariroho yig hisaruk nealug, hit hit hinomini hinim hinindi hunduhuk welamuk-o. Eke Anden hit nindi hunduhuk welahi etno hag, hit hinomini hinim fanoroho hinindi hunduhuk welamuk-o.

Yohanes 13:34 ပူးပေါင်းရင်းမြစ်များ

Matius 5:44

ulug yig isebahon etno hiniluk oke, eke Anden yig hisaruk wilil, ‘Ap selion halug hinim hunduhuk-at wela­muk-o. Eke it ninen waramin ulug yig hituk halug, hat hahien obam umburuk amuk-o. Eke hat hebe ambe­rak neken hearuk halug, fanoroho suhun-o. Eke inasi­ne hinobam umburuk wilil mug hisuog ulug suruk isalug, inake sembahyang iuk-o,’ ulug yig hisaruk ahi-o.

Yohanes 15:17

Eke An ariroho yig hisihi ari, hit hit hinindi hunduhuk welamag ulug yig hisihi-o,” ulug yig isebag.

Yohanes 17:21

Ariroho ihi ari, it obog inindi misig-at welamag ulug yig hituk ahi-o, Nikni. Eke nit Hat ninim ninebe misig-at welahe etno hag, it inebe nit ninim misig-at welamuhuken ulug yig hirihi-o. Eke it aphe kweanmon epmanowen, At Yesus Allahen demat lahapfik waharisi ulug inahla bukagsoho it An nudaki epmano inebe misig-at welamag ulug yig hirihi-o.

Roma 12:10

Eke hit hit hinomini Allah udakion epmano hinim hinindi hunduhuk welamuk-o. Ariroho wilil, it hinomini inobabut fanoroho surukon epmano suontep iseheg suruk amuk-o.

Roma 13:10

Eke inomini inindi hunduhuk wereg halug, dahon epmano inobam umburuk eleg-o. Eke ari halug, it aphe inim hinindi hunduhuk wereg hisalug wene duroho suruk amuk eke duroho suruk am fug ulug ebahon etno ilitoho-at suruk-o.

Roma 13:8

Eke at misihen angge etno hobam nomat neken welam ari hai-o. Eke hit hit hinindi hunduhuk welamuk-o. Eke it epmano inomini inindi hunduhuk wereg halug, wene duroho suruk amuk eke duroho suruk am fug ulug ebahon etno ilitoho-at suruk-o.

Galatia 5:22

Eke At Roh Kudusen surukon ari it aphe inim inindi hunduhuk werehon etno inim, eke inahien harukon etno inim, eke aphe inim dambuksoho werehon etno inim, eke inindi fanoroho welamon etno inim, eke aphe inune fanoroho yig isarukon etno inim, eke inobabut fanoroho surukon etno inim, eke yabuk fanoroho surukon etno inim,

Galatia 5:6

Eke nit At Yesus Kristus ninim hunduhuk wereg nisalug, wene niniyunggul ambilik balukon etno alem eleg neken wereg-o; eke nit At Kristus obam ebetuk wilil, ninim hunduhuk welahe etno fam wene Aren ebahon etno ilitoho sukon ari alem suon neken-at wereg-o.

Galatia 6:10

Eke ari halug, ninebe niniluk wilil, it aphe werlekon hag fanowon etno inobam imbiseheg suruk am oke, it ninomini ninim Allah wene waruk aheon epmano mondog-at fanowon etno inobam imbisaruk amuk-o.

Galatia 6:2

Eke yi angge di angge angginon hinobam werehon epmano hit hit yalmag yalmag suruk amuk-o. Ariroho suruk wilil, bilin At Kristusen yig hisebahon etno ilitoho suruk amuhup-o.

Efesus 5:2

Eke At Kristus nit ninobam indi hunduhuk welapag etno hag, hit hit hinindi hunduhuk welamuk-o. Eke At Kristus ari nit ninake warariog ulug onggarehen imig saruk wilil, At Allah ahien hawag ulug At ebe fanowon etno Allah ake atisi-o.

Kolose 1:4

Ari, hit At Kristus Yesus obam ebetikibon etno inim, eke Allah udakion hinindi hunduhuk welahebon etno inim obog-at ninesanggo holtukuk-o.

1 Tesalonika 3:12

Eke niren hinobam ninindi hunduhuk welahe etno hag, hinomini hinim hunduhuk welamon etno inim, eke it aphe obog hinim hunduhuk welamon etno inim, At Ninowe etnowen anggolo og hisawag ulug sembahyang uruk ahe-o. Ariroho og hisahu halug, hinindi oag werehep hisahaku-o. Eke ariroho og hisaruk aruhumu, hinobabut fano mondog welamuhup-o. Ariroho wereg hisalug, At Ninowe udaki epmano obog inim waharuk amuhupmu, At Ninikni Allah il fam hit hinindi fano mondog welamuhup-o.

2 Tesalonika 1:3

Nomini-o, hit farim nintul nantul Allah wa ulug yig ituk am ari fano-o. Eke hit bilin wene demat ulug ebetuk atikipseg, fobik mondog suon-at ebetuk ahebon etno inim, eke bilin hinomini hinindi hunduhuk welatikipseg fobik mondog hinindi hunduhuk welahebon etno inim, ariroho welahep etno fam nit Allah wa ulug yig ituk am ari fano-o. Eke hit ariroho welahep etno fam, niren At Allah udaki o ahik ya da yig isaruk wilil,

Ibrani 13:1

Eke hit At Kristus hinim hinindi hunduhuk wilil, it hinomini hinim ariroho-at hinindi hunduhuk welamuk-o.

Yakobus 2:8

Ari halug, At Allah weregmen wene duroho suruk amuk eke duroho suruk am fug ulug ebahon etno-at suruk amiek-o. Eke bilin komo yig nisaruk wilil, “Hinonggareg hinindi fano saruk ahep etno hag, it aphe obog inindi fano inabiuk-o,” ulug yig nisarukon oke,

1 Petrus 1:22

Eke hit demat urukon wene etno waruk atikipseg, hinindi ho sarikibon epmanowen it hinomini Allah wene warukon epmano hinim hinindi hunduhuk welahep ari hinindimu mondog-at hunduhuk welamiek-o.

2 Petrus 1:7

ninindi fanowon etno holahukseg, fobik ninomini ninindi hunduhuk welamon etno holahuk-o, ninomini ninindi hunduhuk welamon etno holahukseg, fobik yi aphe di aphe ninindi hunduhuk welamon etno holahuk-o.

1 Yohanes 3:11

Eke ninomini at misihen nindi eheg, at misihen nindi eheg nit sukag ulug, wene etno amuken yig nisebag-o.

1 Yohanes 3:23

Eke komo yig nisarukon etno ebe du at-o, At Amloho Yesus Kristus inuk fam ebebuk-o, eke At Kristusen yig nisebag etno hag, niren ninomini at misig nindi eheg, at misig nindi eheg suruk amuk-o.

1 Yohanes 4:21

Ari halug, At Kristusen komo yig nisarukon etno du at-o, “Allah ninindi hunduhuk welahe halug, ninomini ariroho-at ninindi hunduhuk welamuk-o,” ulug At Kristusen yig nisarukon etno ebetuk amuk-o.

2 Yohanes 1:5

Ari halug nahaloho-o, nit ninindi misig-at welam ari fano-o. Wene du akelehon yig hituk ahi fug-o, amuk ebahon etno-at yig hituk ahi-o.