Yohanes 13:27 - Allah Wene Hurumbik Keron

²⁷ Og ituk apagma, at Yudas etnowen orom roti webag. Waruk apagma, at iblis etno indimu kebag. Kuruk apagma, At Yesusen yig ituk wilil, “Haren ariroho sik ulug hahla buruk ahenon etno dulum-at sin-o,” ulug yig epag.

Yohanes 13:27 ပူးပေါင်းရင်းမြစ်များ

Matius 12:45

Ilanggen haruk atlug, at omini setan inebe sabiren angge mondog dahon epmano og inaplug wariog ulug inayonggo laruk-o. Larukmu, it obog watlug ap etno indimu welatuk-o. Eke ap etno bilin setan indimu misig-at werehon oke, fobik anggolo kuruk atlug, mondog dag atuk-o. Eke at ap ari dag atuk etno hag, it kidia dag surukon ari ariroho-at dag amuhup-o,” ulug yig isebag.

Matius 4:10

ulug yig ituk apagma, eke At Yesusen yig ituk wilil, “Hat iblis hebe lag-o. Ninikni Allah-at sembahy­ang obam uruk am fano-o. Nit At akeleg-at andu­ananggeroho welam ari fano-o, ulug wene baleg ari wereg-o,” ulug yig ituk apag­ma,

Markus 6:25

ulug yig ituk apagma, at hole etno iog suhuluk inowe inuk suon etno ambeg kuruk apareg, yig ituk wilil, “An at Yohanes aphe ikma belap inaptukon etno ungguluag baleg wilil, eserangge fam enako kidia og nirik ma-o,” ulug yig epag.

Lukas 22:3

Eke fobik At omini dua belas epmano misig inuk Yudas Iskariot soalfahon etno at setan indimu kuruk apagma,

Yohanes 13:2

Ariroho wilil, eke fobik At Yesus omini epmano inim inaharom hupmu angge nuog ulug horie ebag. Horie uruk apagma, at iblis etnowen at Yudas, Simon Iskariot amloho etno indi kahaltuk wilil, haren At Yesus senebukag ulug yonggo lamihin-o, ulug indi kahalfag.

Yohanes 13:28

Yig epahon oke, it omini inim horieg welapahon epmano inesanggo holeheg eleg welapareg,

Yohanes 6:70

Yig ituk apagma, At Yesus etnowen yig isaruk wilil, “Anden hit hinebe dua belas epmano fuloko minduhup hisaharikikon oke, hat misig etno iblis amloho-at welahen-o,”

Kisah Para Rasul 5:3

Og isa laruk apagma, at Petrus etnowen yig ituk wilil, “Ananias wai, hat keroho ulug iblis hindimu kehekma, At Roh Kudus etno ambolma dahalehen-o? Eke hahuang og hituson etno obog-at og hisaruk ahi, ulug yig nisehenon oke, nin minggiroko herahapatehen-o.