Yohanes 13:23 - Allah Wene Hurumbik Keron

²³ Ariroho suruk apagma, At omin misig Yesusen indi hunduhuk welapahon etno At inggik bikit fil horieg welapag.

Yohanes 13:23 ပူးပေါင်းရင်းမြစ်များ

Lukas 16:22

Naruk iseheg, at Lazarus etno bok welapareg, fobik waratuk apagma, it malaikaren walug, esoho etno nawag ulug At Allah ambeg imbik lahabag-o. Imbik lahabagma, boholma epmano wereg heheg, eke fobik at ap aharek werehon etno warapag-o. Waratuk apagma, ebe kweanma salepfebag-o.

Yohanes 1:18

Eke ap misihen At Allah ebe haruk eleg oke, At Allah Amloho misig-at inim werehon etnowen At Allah ebe duroho wereg ulug selegmaroho yig nisebag-o.

Yohanes 11:3

Uk wareg weregma, it hweap at osi etanowen ap misig Yesus ayonggo lawag ulug mondepfuruk apagma, laruk apareg yig ituk wilil, “Nowe-o, Hat homin hindi hunduhukon etno uk wareg wereg-o,” ulug yig ituk apagma,

Yohanes 11:36

Ioba yatuk apagma, it Yahudi ap epmanowen uruk wilil, “Ap duen at Lazarus indi hunduhuk welatisi hehe-o,” ulug uruk apagma,

Yohanes 11:5

Ariroho uruk apareg, eke At Yesus etnowen at Lazarus, osi Maria Marta etano inim indi hunduhuk welapag.

Yohanes 13:24

Ariroho horieg weregma, at Simon Petrus etnowen ma ulug yanggap haruk apareg, yig ituk wilil, “Haren sa farim ehen ulug ambeg hinog wimin-o,” ulug yig ituk apagma, at omin misig etno Yesus ambeg hikip hikip laruk apareg, yig ituk wilil, “Nowe-o, Hat ariroho yig nisehen ari sa farim ehen-o?” ulug yig ituk apagma,

Yohanes 19:26

Ariroho wereg iseheg, At Yesusen At isina etno inim, eke omin indi hunduhukon etno inim minduhuk weregma isaruk apareg, At isina etno yig ituk wilil, “Hwe du wai, hat hamloho du at-o,”

Yohanes 20:2

Ilanggen haruk apareg, dulum-at dahagsoho iog suhuluk waharuk wilil, at Simon Petrus etno inim, eke At Yesus omin indi hunduhuk welapahon etno inim inambeg waharuk apareg, yig isaruk wilil, “At Ninowe etno o wikelmen walug wilip ahesa ari, epma imbik lahesa ulug nit ninapeleg-o,” ulug yig isebag.

Yohanes 21:20

Yig ituk apagma, at Petrus etno olohore dahagsoho yet haruk apag, At Yesus omin indi hunduhukon etno bilin orom naruk wilil, At Yesus ambeg hikip hikip lebareg yig ituk wilil, “Nowe-o, at sen Hat hebe sen habukag ulug yonggo likon-o?” ulug yig epahon etno weregma ilanggen hebag.

Yohanes 21:24

Ariroho yig ebag ari, At omin etno farim-at ebag-o. Eke Aren yiroho diroho sebahon epmano At omin misig etnowen yig isil laruk apareg, buku du fam wene embebag-o. Eke Aren wene embebahon etno demat ebag ulug nit niniluk-o.

Yohanes 21:7

Hai atuk apagma, At Yesus omin indi hunduhukon etnowen Petrus yig ituk wilil, “At Ninowe etno ebe du at hihi-o,” ulug yig ituk apagma, at Simon Petrus etnowen esanggo holtuk apareg, “Ap du nit Ninowe at-o,” ulug ahla buruk wilil, asum selemon bilin loloko embebahon etno wantaruk apareg, ikma hiksoho ambebag.