Yohanes 13:22 - Allah Wene Hurumbik Keron

²² Yig isaruk apagma, it At omini epmanowen ariroho yig nisehek ari, ap ebe sa farim yig nisehek-o, ulug irit inolohotma kolap kolap atuk apag.

Yohanes 13:22 ပူးပေါင်းရင်းမြစ်များ

Matius 26:21

Horie uruk apareg, orom naruk iseheg, At Yesusen yig isaruk wilil, “Hit An ninim welaheon du hat misihen An sen nabukag ulug yonggo lahen hiyihi-o,” ulug yig isebag.

Matius 26:22

Yig isaruk apagma, it inindi dag atuk apareg, uruk wilil, “Anden ihimu ehen ano? Sen ehekma ehen-o?” ulug at misig yig ereheg, at misig yig ereheg uruk apagma,

Markus 14:18

Waharuk apareg, it At omini epmano orom naruk iseheg, At Yesus etnowen yig isaruk wilil, “Hit An ninim dambuksoho wilil orom nenggeon du, hat misihen An sen nabukag ulug yonggo lahen hiyihi-o, ulug yig hisihi ari An demat yig hisihi-o,” ulug yig isebag.

Markus 14:19

Yig isaruk apagma, it inindi dag atuk apareg uruk wilil, “Anden ihimu ehen ano? Sen ehekma ehen-o?” ulug at misig yig ereheg, at misig yig ereheg uruk apagma,

Lukas 22:21

Yig isaruk apareg, eke fobik inim yig isaruk wilil, “Hinilanggen himiek-o. Ap misig fobik ninggik senoko og naplug yonggo lahuon etno e daleg du fam ninim horieg welahe-o.

Lukas 22:23

Yig isaruk apagma, it epmanowen sen senoko walug lahumu ehek-o, ulug at misihen eheg, at misihen eheg uruk apag.

Yohanes 13:18

Ariroho hinahien hahup ulug yig hisihi ari, hit obog-at hinawene yig hisihi fug-o. Hit hinebe An nomini welamag ulug heako hinombisaharikikon epmano hag An niluk-o. Eke at Alkitab wene baleg etno fam yig nisaruk wilil, ‘At ap misig An ninim wilil naharom naruk atision etno oke, kidia ninim healeg neken wilil, nowariog ulug nabug baltuk-o,’ ” ulug wene embebahon etno demat sirisi-o, ulug inahla bukag ulug ariroho nabug baltuk-o.

Yohanes 13:21

Yig isaruk apareg, At Yesus etno indi mondog dag apag. Indi dag atuk apareg, bukaloko yig isaruk wilil, “Ap hiron misihen An nebe sen nabukag ulug yonggo likon-o, ulug yig hisihi ari demat yig hisihi-o,” ulug yig isebag.