Yohanes 13:18 - Allah Wene Hurumbik Keron

¹⁸ Ariroho hinahien hahup ulug yig hisihi ari, hit obog-at hinawene yig hisihi fug-o. Hit hinebe An nomini welamag ulug heako hinombisaharikikon epmano hag An niluk-o. Eke at Alkitab wene baleg etno fam yig nisaruk wilil, ‘At ap misig An ninim wilil naharom naruk atision etno oke, kidia ninim healeg neken wilil, nowariog ulug nabug baltuk-o,’ ” ulug wene embebahon etno demat sirisi-o, ulug inahla bukag ulug ariroho nabug baltuk-o.

Yohanes 13:18 ပူးပေါင်းရင်းမြစ်များ

Matius 10:36

Ariroho waharikikseg fam, ap misig owe not epmano inim healeg mondog welamuhup-o.

Matius 26:21

Horie uruk apareg, orom naruk iseheg, At Yesusen yig isaruk wilil, “Hit An ninim welaheon du hat misihen An sen nabukag ulug yonggo lahen hiyihi-o,” ulug yig isebag.

Matius 26:23

At etnowen yig isaruk wilil, “Hat ap misig An ninim ambusu walu du fam weregma orom roti ninim kuroko naruk ahen du-at sen nabukag ulug yonggo lahen hiyihi-o,”

Markus 14:17

Esoko imbik kuruk apareg, wereg heheg, o hup atuk apagma, At Yesus omini dua belas epmano inim wapag.

Markus 14:18

Waharuk apareg, it At omini epmano orom naruk iseheg, At Yesus etnowen yig isaruk wilil, “Hit An ninim dambuksoho wilil orom nenggeon du, hat misihen An sen nabukag ulug yonggo lahen hiyihi-o, ulug yig hisihi ari An demat yig hisihi-o,” ulug yig isebag.

Markus 14:20

At etnowen yig isaruk wilil, “Hit An nomini dua belas du hat ap misig An ninim ambusu walu du fam weregma orom roti ninim yuhuloko naruk aheon du-at lahen hiyihi-o,” ulug yig isebag.

Lukas 22:21

Yig isaruk apareg, eke fobik inim yig isaruk wilil, “Hinilanggen himiek-o. Ap misig fobik ninggik senoko og naplug yonggo lahuon etno e daleg du fam ninim horieg welahe-o.

Yohanes 13:21

Yig isaruk apareg, At Yesus etno indi mondog dag apag. Indi dag atuk apareg, bukaloko yig isaruk wilil, “Ap hiron misihen An nebe sen nabukag ulug yonggo likon-o, ulug yig hisihi ari demat yig hisihi-o,” ulug yig isebag.

Yohanes 13:22

Yig isaruk apagma, it At omini epmanowen ariroho yig nisehek ari, ap ebe sa farim yig nisehek-o, ulug irit inolohotma kolap kolap atuk apag.

Yohanes 13:26

At Yesusen yig ituk wilil, “Ariroho yig hisihi etno, Anden ap misig orom roti naruk wilil ambusu yuhuloko og ipminon ari farim yig hisihi-o,” ulug yig epag. Yig ituk apareg, orom roti atog etno ambusu yuhuloko at Yudas, Simon Iskariot amloho etno og epag.

Yohanes 15:16

Eke An nebe hiren imig naptikip fug-o. Hit hag anggen fanowon itog mondog welamon yihikeg, eke o ahik ya da epmano yig isil laheg suruk amag ulug Anden imig hinaptikik-o. Eke hit An ninuk fam At Nikni etno ambeg ariroho simihin ulug kino yig ituk hisalug, Aren suhu at-o.

Yohanes 15:19

Eke hit it aphe kweanmon wene ebetuk elehon epmano ilitoho welatlepmen, iren nit ninomini-at-o, ulug hinobam inindi hunduhuk welatlep-o. Ariroho welatlebon oke, hit hag it aphe kweanmon wene ebetuk elehon epmano hinim dambuksoho welam nowen ulug imig hinaptikik etno fam iren inambit hisaruk-o.

Yohanes 15:25

Ariroho inambit hun ninaptusa ari, Alkitab wene baleg etno fam yig isaruk wilil, ‘Alem eleg heheg inambit hun ninaptusa-o, ulug ebahon etno demat ebag ulug inahla bukag ulug, inambit hun ninaptusa-o,’ ulug yig isebag.

Yohanes 17:12

Eke An nebe bilin it ninim wilil, Haren An nindi oag werehep naharikin etno hag, Anden Hat hinuk fam inindi oag werehep isarikik-o. Eke it inebe Haren og nitikinon epmano An inaso wereg neyeheg, misig eleg atisi fug-o. Eke misig eleg atisi ari, bilin wene baleg fam ariroho eleg aruhu-o, ulug ebahon etno demat ebag ulug inahla bukag ulug eleg atisi-o.

Yohanes 18:32

Ariroho yig epag ari, bilin At Yesusen it ap duen duroho nowabuhup ulug yig isebahon etno hurumbik demat yig nisarisi ulug it aphe obohen inahla bukag ulug, ariroho yig epag.

Yohanes 19:24

it sehen seneg werehon epmanowen irit uruk wilil, “Sum ari delepsul fug-o. At misihen abit-at holawag ulug helep etno esag esag uk-o,” ulug ebag. Ariroho ebag ari, bilin Alkitab wene baleg etno fam hurumbik uruk wilil, “An nasum etno arat sumburoko holarusa-o. Eke nasum selemon etno holuog ulug helep etno esag esag urusa-o,” ulug wene baleg fam ebahon etno demat ebag inahla bukag ulug, ariroho ebag. Uruk apareg, it ap sehen seneg werehon epmanowen ariroho-at sebag.

Yohanes 19:36

Eke it ariroho sebahon epmano bilin Alkitab wene baleg fam hurumbik uruk wilil, “At iog misig yumbuk suhup fug-o,” ulug ebahon etno demat ebag inahla bukag ulug ariroho sebag-o.

Yohanes 21:17

eke fobik henahanam yig ituk wilil, “Simon Yohanes amloho du wai, hat An nobam hindi hunduhuk welahen ano?” ulug yig ituk apagma, at Petrus etno Yesusen henahanam An nobam hindi hunduhuk welahen ano ulug hinog webahon etano fam indi dag atuk apareg, yig ituk wilil, “Nowe-o, Hat yi angge di angge obog hiluk ari, an Hat hobam nindi hunduhuk welahion etno hiluk-o,” ulug yig ituk apagma, At Yesus etnowen yig ituk wilil, “Ari halug, An nanggom domba epmano haren orom nawag ulug og inaplug laheg suruk amuk-o.

Yohanes 6:70

Yig ituk apagma, At Yesus etnowen yig isaruk wilil, “Anden hit hinebe dua belas epmano fuloko minduhup hisaharikikon oke, hat misig etno iblis amloho-at welahen-o,”

Kisah Para Rasul 1:16

“Nomini-o, at Yudas etno nit ninim At Yesus omin ulug heako minduhupfebahon oke, eke At Roh Kudus etnowen Daud yig itukmu ebag etno hag, at Yudasen fobik At Yesus ebe du at-o, ulug irisi famen, it ap Yesus hele watuson epmano inowe neken atisi ari Roh Kudus etnowen Daud yig itukmu iluk apag etno hag seg atisi-o.

Kisah Para Rasul 1:2

At Yesus etno boholma lahiog ulug suruk wilil, Roh Kudus fam At omini heag inapahon epmano, hit ariroho suruk amuk-o, ulug inesanggo wapag. Inesanggo watuk apareg, ahla buruk wilil, An nebe warehon oke niluksoho minduhup naharision etno inilanggen neawag ulug lamin-o, ulug ahla buruk apareg inambeg lebag.

2 Korintus 4:5

Eke nit hag nit ninobam-at ebetuk amuk ulug yig isaruk eleg wilil, At Ninowe Yesus Kristus-at obam ebetuk amuk ulug yig isaruk ahe-o. Eke nit ninebe ari At Yesus inuk fam hit hinanggimbu neken-at welahe-o, ulug yig isaruk ahe-o.

Ibrani 4:13

Ariroho suruk heheg, alem misig At Allah ilanggen ha nowen ulug herahapfuk ari hai-o. Yi angge di angge obog wal hebahon epmano At il fam selegma mondog wereg-o. Ariroho wereg famen, niren suruk aheon epmano At Allah il fam obog-at bukaluhuk-o.

Wahyu 2:23

Ariroho suruk wilil at udaki inim-at war inaptuk aruhukmu, it aphe jemaat obohen At Kristus it aphe inindien inahla bulug surukon epmano iluk at-o, ulug inahla bu­hup-o. Eke hiren suruk atikibon epmano onggo ilitoho-at og hisahuk-o.