Yohanes 13:13 - Allah Wene Hurumbik Keron

¹³ Horie uruk apareg, yig isaruk wilil, “Anden ho hinabihion etno ebe du farim sehek ulug hinahla buruk ahep ano? Hiren Ninowe yanggul nisarukon ulug yig nituk ahep ari, An nebe Hinowe yanggul hisarukon-at wereg nealug, demat yig nituk ahep-o.

Yohanes 13:13 ပူးပေါင်းရင်းမြစ်များ

Matius 20:28

Eke An Allahen minduhup naharision etno hag, it aphe nanggimbu neken wilil napma seberoho imbisiog ulug waharikik fug-o. An nebe etno it aphe inanggimbu wilil inilioko inake wararuhuken ulug waharikik-o,” ulug yig isebag.

Lukas 10:28

eke At Yesusen yig ituk wilil, “Hat demat ehen-o. Eke hat ehen etno hag suruk healug, iniluk welamon etno-at wahun-o,” ulug yig epag.

Lukas 6:46

Eke fobik At Yesusen yig isaruk wilil, “Hiren Ninowe, Ninowe yig nituk ahebon oke, eke Anden yig hisaruk ahion etno ilitoho suruk ahep fug du, keroho ulug suruk ahep-o?

Lukas 7:43

Hinog waruk apagma, at Simon etnowen yig ituk wilil, “At ap uang anggen anggolo nomat neken holarisimu sohorep isarision etnowen hag ahmuroho wereg buruk ahi-o,” ulug at Simonen yig ituk apagma, eke At Yesus etnowen yig ituk wilil, “Hat demat ehen-o,” ulug yig epag.

Yohanes 11:2

Eke at hwe Maria At Ninowe iog fam ambusu amben fanowon etno delepfuruk apareg, at iruk fam ho sebahon etno owe Lazarus uk wareg welapag.

Yohanes 11:28

Yig ituk apareg, at Marta etno iog suhuluk uma kebag. Kuruk apareg, at ot Maria etno akeleg-at weregma ambeg lebag. Laruk apareg, yig ituk wilil, “At Ninowe yanggul nisarukon wahareg, epma wilil wol hearuk-o,” ulug yig epag.

Yohanes 11:3

Uk wareg weregma, it hweap at osi etanowen ap misig Yesus ayonggo lawag ulug mondepfuruk apagma, laruk apareg yig ituk wilil, “Nowe-o, Hat homin hindi hunduhukon etno uk wareg wereg-o,” ulug yig ituk apagma,

1 Korintus 12:3

Eke ari halug, at ap misig Roh Kudus etno indimu wilil, aren At Yesus ebe homali neken umburuk eleg-o. Eke at ap misihen, “At Yesus an Nowe at-o” ulug urukon ari, At Roh Kudus etnowen-at yig itukmu uruk-o.

1 Korintus 8:6

Eke Ninowe inuk suon At Yesus Kristus misig-at wereg-o. Eke yi angge di angge epmano obog alem At Yesus-at wereg-o; nit ninebe alem etno At Yesus-at wereg-o, ulug ninahla buruk ahe-o.

Efesus 6:9

Eke hit hinanggimbu iniknisi ari hag, it hinanggimbu epmano hinune fanoroho-at yig isaruk amuk-o. Eke inusuog ulug hinune fanggogsoho yig isaruk ahebon etno sohorep isiek-o. Eke hit inim, it hinanggimbu etno inim, At Hinowe boholma misig-at wereg-o. Eke Aren it aphe kweanmon epmano nin dag nin fano ulug uruk eleg-o, obog ilitoho-at yig isaruk-o.

Filipi 2:11

Kunuk uruk amuhupseg, it yi aphe di aphe obohen At Ninikni Allah inuk su amag ulug uruk wilil, “Nit Ninowe At Yesus Kristus-at wereg-o,” ulug selegma-at uruk amuhup-o.

Filipi 3:8

Eke At Ninowe Yesus Kristus ninim wilil At ebe niluk welahion etno ari-at fano ulug nahla buruk ahi-o. Eke yi angge di angge ninon obog doron-at ulug At Kristus inuk fam hik isarikik-o. Eke ariroho hik isaruk atikikseg, At Kristus ninim dambuksoho welamon etno-at huliog ulug nahla buruk ahi-o. Eke wene duroho suruk amuk eke duroho suruk am fug ulug ebahon etno it apheyen inesanggo holtug,

Yakobus 2:19

Eke hit hag, “Ninikni Allah misig-at wereg-o,” ulug hinindimu ebetuk ahep ari fano at-o; eke hiren ebetuk ahep ari hag, it iblis epmanowen inindi ariroho-at ebetuk wilil, mondog inakolen suruk-o.