Yohanes 13:10 - Allah Wene Hurumbik Keron

¹⁰ Yig ituk apagma, At Yesusen yig ituk wilil, “Ap misig anggume waroko ebe obog-at hosuk halug, fobik ebe inim ho suruk eleg-o, we iog akeleg-at ho suruk-o. Eke hit obog hinahap kume warehon-at welahep oke, at misig etno hag ahap kume waroko hoseheg eleg-at wereg-o,” ulug ariroho yig isebag ari,

Yohanes 13:10 ပူးပေါင်းရင်းမြစ်များ

Matius 6:12

It onggo og nisawag ulug werehon etno inobam inape­legsoho ninapma imbisaruk ahe etno hag, Haren nit dag suruk aheon etno ninobam ninapelegsoho hapma ninombisahin-o.

Yohanes 13:18

Ariroho hinahien hahup ulug yig hisihi ari, hit obog-at hinawene yig hisihi fug-o. Hit hinebe An nomini welamag ulug heako hinombisaharikikon epmano hag An niluk-o. Eke at Alkitab wene baleg etno fam yig nisaruk wilil, ‘At ap misig An ninim wilil naharom naruk atision etno oke, kidia ninim healeg neken wilil, nowariog ulug nabug baltuk-o,’ ” ulug wene embebahon etno demat sirisi-o, ulug inahla bukag ulug ariroho nabug baltuk-o.

Yohanes 13:9

Yig ituk apagma, at Simon Petrus etnowen yig ituk wilil, “Ari halug, Nowe, niog akeleg-at ho napmihin fug-o. Ninggik inim, nungguluag inim obog-at ho nabin-o,” ulug yig epag.

Yohanes 15:3

Eke engga buhon inim, il inim kisiloko imbisaruk etno hag, Anden wene yig hisaruk atikik etno fam arat hinindi ho hinaptikik-o.

2 Korintus 5:17

Eke ari halug, ap misig At Kristus inim werehon ari ket wal sehon neken wereg-o, eke amukon etno arat eleg atisireg, ket wal sehon etno-at wereg-o.

2 Korintus 5:21

Eke At Kristus etno dag mondog sebag fuhon oke, niren dag suruk atukukon epmano At obam embebareg fam, alem niren dag suruk atukukon ninobam welatision epmano arat elehepfirisimu At Kristus ninim dambuksoho At Allah il fam welahe-o.

2 Korintus 7:1

Eke ari fam, nit ninebe inim, ninindi inim sabele neken denggelepatehe ha nowen ulug ninonggarehen ho saruk amuk-o. Eke ariroho suruk wilil, At Allah ninakoltoho ninobabut fano mondog welamuhuken ulug suruk amuk-o.

1 Tesalonika 5:23

Eke At Allah fanoroho dambuk ninaptukon etnowen hinobabut fanorep hisahaku-o. Eke At Ninowe Yesus Kristus waruhu ari sambit fanoroho welamuhuben ulug At Allahen hinebe inim, hinindi inim, hinahurangge inim fanorep hisahaku-o.

Ibrani 9:10

Eke ik orom du nao usa ano, eleg ano, ulug urukon etno inim, eke yi angge di angge obog usaroho suruk wilil ho suruk amuk urukon etno inim, ari ahap selemon ahut neken-at yig nisaruk-o. Eke At Allahen wene hurumbik keron etno awan yig isaruk eleg heheg, hurumbik bilinon etno ahut neken-at yig nisebag-o.

Yakobus 3:2

Eke at ap misig nintul nantul dahan fahan uruk elehon halug ari, fano mondog motoho suruk-o.