Yohanes 13:1 - Allah Wene Hurumbik Keron

¹ Eke fobik it epmanowen o sono esoho Paskah etno esebuhuken ulug inahla buruk iseheg, At Yesus etno hag o kweanma duma sohorep isalug Ninikni ambeg lawon etno arat fanggog ehek-o, ulug iluk welapag. Ariroho iluk wilil, At udaki kweanma werehon epmano indi hunduhuk welapag etno hag, fobik ariroho-at nintul nantul indi hunduhuk welapag-o.

Yohanes 13:1 ပူးပေါင်းရင်းမြစ်များ

Matius 26:45

Uruk apareg, omini inambeg suhuluk wapag. Waharuk apareg, yig isaruk wilil, “Hit kidia hinambol sat kelsaruk wilil nohoruk amiek, ulug arat yig hisihi-o. Eke An Allahen minduhup naharision etno it dag surukon etnowen nebe sen nabukon etno kidia horog fanggog ehek-o.

Matius 28:20

eke wene Anden ariroho siuk ulug yig hisaruk atikikon epmano iren ilitoho suruk amag ulug yanggul iseheg suruk amuhup-o. Ariroho suruk hisalug, An nebe nintul nantul hit ninim sil nuruk amuhukseg, fobik o atog arat halug ninim-at welamuhuk-o,” ulug yig isebag.

Lukas 22:53

Eke An bilin o Allah ibam nintul nantul hit ninim welatukukon epmanowen sen naptikip fuhon oke, kidia hiren senabuog ulug eberehepseg fam, o at setan wereg ambeg hikmu epmanowen sukon etno arat suruk-o,” ulug yig isebag.

Lukas 9:51

Eke fobik At Yesus boholma walug lahukon etno horog fanggog uruk apagma, indi ebetuk apareg, o Yerusalem kwalema liog ulug sebag.

Yohanes 11:55

Epma weregma, it Yahudi aben esoho inuk Paskah etno esebuog ulug suruk wilil, it yi aphe di aphe o aliluke werehon epmano obog-at o Yerusalem wapag. Waharuk apareg, bilin At Allahen hinobam ho suruk amuk ulug yig isebahon etno ilitoho ho sebag.

Yohanes 12:23

Yig irik laruk apagma, At Yesus etnowen yig isaruk wilil, “An Allahen minduhup naharision etno nebe suon welamag ulug minduhup nahukon etno kidia arat fanggog uruk-o.

Yohanes 13:29

inahla buruk wilil, “At wene yig erehek ari, at Yudas nit ninahuang anggen eset seneg etno famen, esoho etno esebulen yi angge di angge hundirik lawag ulug yig erehek ano, eke it ap inaharek elehon epmano uang anggen og isa lawag ulug yig erehek ano,” ulug inahla bebag.

Yohanes 13:3

Ariroho indi kahaltuk apagma, eke At Yesus etno ahla buruk wilil, “An noag weregsoho welamag ulug At Niknien yi angge di angge obog-at ninggikmu imbirisi-o. Eke An nebe etno At Allah wereg ambehen ambik waharikik halug, fobik At Allah wereg ambeg-at lahuk-o,” ulug ahla buruk apareg,

Yohanes 13:34

Ari halug, kidia wene keron neken misig yig hisamin-o. Ariroho yig hisaruk nealug, hit hit hinomini hinim hinindi hunduhuk welamuk-o. Eke Anden hit nindi hunduhuk welahi etno hag, hit hinomini hinim fanoroho hinindi hunduhuk welamuk-o.

Yohanes 14:28

Eke Anden bilin yig hisaruk wilil, ‘An nebe lahukseg oke, fobik niog suhuluk hinambeg waruhuk-o,’ ulug yig hisarikikon etno hinesanggo holtikip-o. Eke hit hinebe An nobam mondog hinindi hunduhuk welatlepmen, An Nikni ambeg lahuk ulug yig hisarikik etno fam hinahien neyelep-o. Eke An kidia nebe doron neken wereg neyeheg, At An Nikni etno hag suon-at wereg-o.

Yohanes 14:31

Eke An nebe nowaruhu ari, it yi aphe di aphe epmanowen, At Yesus etno Ikni indi hunduhuk wereg ulug iniluk amagsoho nebe nowabukag ulug Anden-at imig sarikik-o. Eke An Nikni nindi hunduhuk welahi etno fam Aren duroho siuk ulug yig nitukon etno-at ilitoho suruk ahi-o,” ulug yig isebag. Yig isaruk apareg, eke fobik yig isaruk wilil, “Nit o duma sohorep isalug, lulen minamiek-o,” ulug yig isebag.

Yohanes 16:28

Eke An nebe etno Nikni wereg ambeg epma sohorep isalug, o kweanma duma ambik waharikik-o. Ariroho ambik waharikik etno hag, eke kidia o kweanma duma sohorep isalug, At Nikni wereg ambeg epmano-at lahuk-o,” ulug yig isebag.

Yohanes 17:1

Eke fobik At Yesusen yi wene di wene obog-at yig isalug, At etno ilanggen boholma lahap haruk apareg uruk wilil, “Nikni-o, misig sukon etno arat fanggog ehek-o. An Hamlohoen Hat hinuk suontep hahakuken, Haren An Hamloho etno ninuk suontep nahin-o.

Yohanes 17:16

Eke An nebe o kweanma dumon neken welahi fug etno hag, it inebe o kweanma dumon neken wereg eleg-o.

Yohanes 17:26

Eke iren Hat hebe iniluk amag ulug Hat hawene bukaloko yig isaruk atikik etno ilitoho yig isaruk aruhuk-o. Ariroho yig isaruk aruhuk etno fam, Haren An nebe hindi hunduhuk welahen etno hag, it inebe hindi hunduhuk welamag ulug yig isaruk aruhuk-o. Ariroho yig isaruk wilil, An it ninim ninindi misig-at hunduhuk welamuhuk-o,” ulug yig isebag.

Yohanes 17:5

Eke o kweanma duma awan wal haruk eleg wilil, Hat ninim ilitoho-at suon welahoag etno hag, kidia Hat hilanggen wilil suontep nahin-o.

Yohanes 18:4

Og inaplug waharuk apagma, At Yesus etnowen ariroho sen nabukon ulug iluk wilil, inolohotma laruk apareg, yig isaruk wilil, “Hit sa heahil wahep-o?” ulug yig isaruk apagma,

Yohanes 19:28

Eke fobik At Yesusen ahla buruk wilil, “An yiroho diroho seko nobam umbukon epmano arat sehesa-o,” ulug indi ebetuk apareg, fobik Alkitab wene baleg fam yig nisebahon etno demat ebag inahla bukag ulug uruk wilil, “An ik oboken-o,” ulug ebag.

Yohanes 2:13

Eke fobik it Yahudi ap epmano esoho inuk Paskah etno esebukon fanggog uruk apagma, At Yesus etno o Yerusalem lebag.

Yohanes 6:4

Ariroho horie ebag ari, it Yahudi aben esoho inuk Paskah esebukon etno horog fanggog uruk apagma, horie ebag.

Yohanes 7:30

Yig isaruk apagma, iren At ebe hele wabuog ulug sebahon oke, Aren An o ari sambit nowabuhup ulug ahla burukon etno awan fanggog uruk elehen, ap misig etnowen inggik senepag fug.

Yohanes 7:6

Yig ituk apagma, At Yesus etnowen yig isaruk wilil, “An o epma lawon etno awan fanggog uruk eleg-o. Eke hit o epma nintul nantul lao fano at-o.

Yohanes 8:20

Ariroho yig isebag ari, At Yesus o Allah ibam uang anggen umburuk ambeg epmanowen yangguloko yig isebag. Ariroho yig isebahon oke, At ebe hele war nabuhup ulug ahla burukon etno awan fanggog uruk elehen, ap misihen inggik senebuk sohorep isebag.

Roma 8:37

Eke At nit ninebe indi hunduhuk wereg heheg, alem misihen heal ninabuhu fug ulug demat niniluk welahe-o.

1 Korintus 1:8

Eke At Ninowe Yesus Kristus waruhu ari sambit hit hinobam dag seko umbukon mondog eleg amag ulug, At awan waharuk eleg heheg, hinindi oag weregsoho hinombisaharuk-o.

Ibrani 3:14

Eke nit bilin ninindi oag weregsoho wilil Allah wene warukuk etno hag, nintul nantul-at senebuhuk halug ari, At Kristus omini-at welamuhuk-o.

Ibrani 3:6

Ariroho yig isebahon oke, At Kristus etno hag Allah Amloho atma, At ibam unde wilil fanoroho aso wereg-o. Eke nit ninindi oag weregsoho wilil, Aren fanoroho suhu-o, ulug ninindi ebetuk aheon etno hag, At ibam neken welahe-o.

Ibrani 6:11

Eke hit hinarug fanoroho suruk ahebon etno mondog-at suruk amag ulug ninindi hisaruk wilil yig hisehe-o. Eke hit hinarug fanoroho suruk hisalug, hiren fanowon og nisahu ulug hinahla buruk ahebon etno og hisahu at-o.

1 Petrus 1:13

Ari halug, hit hinindi yaharoho wilil, fobik At Yesus Kristus waruhureg, fanowon etno og nisahu, ulug hinindi ebetuk amiek-o.

1 Yohanes 4:19

Bilin nit ninebe At Allah indi hunduhuk welapareg fam, eke ninim hunduhuk welahe-o.

Wahyu 1:5

Eke At Yesus Kristus wene demat urukon etno yig niseheg, eke it ap o ahik ya da suon epmano Inowe suon welaheg, eke Amloho manggia neken it warehon imbisaruk ambehen iluksoho minduhupfebahon etno ahien hinobam umburuk-o. Eke At Yesus etno nit ninebe indi hunduhuk wilil, ninake waratuk apa­reg, niren dag suruk aheon epmano ninobam ninapelegsoho Aren apma ninombisahabag-o.