Yohanes 12:50 - Allah Wene Hurumbik Keron

⁵⁰ Eke wene ariroho yig isaruk aruhun ulug yig nitisi etno, wene iniluk inaptukon etno farim-at yig nitisi ari niluk-o. Ariroho niluk wilil, Anden yig isaruk ahi ari, An Niknien yig nitision etno-at yig isaruk ahi-o,” ulug yig isebag.

Yohanes 12:50 ပူးပေါင်းရင်းမြစ်များ

Yohanes 17:3

Eke iniluk welamon etno og isaruk ahi ari, Hat Allah hakeleg-at suon welahenon etno inim, eke At Yesus Kristus lahap nabik waharikinon etno inim obog-at iniluk ari fam, iren iniluk welamon etno holaruk-o.

Yohanes 20:31

Eke yi wene di wene buku du fam holal embebag ari, hiren At Yesus etno Kristus, Allah Amloho at-o, ulug ebeko waruk hisalug, At Yesus inuk fam hiniluk welamon etno holawag ulug holal ari baloko embebag-o.

Yohanes 5:19

Eke fobik At Yesusen yig isaruk wilil, “An wene demat urukon etno yig hisamin-o. At Amloho etno onggareg ahla buluhen-at suruk eleg-o. At Iknien surukon epmano ilanggen halug-at suruk-o. Eke At Iknien suruk etno hag, At Amloho etno ariroho-at suruk-o.

Yohanes 6:63

Ari halug, iniluk inaptuk ari, At Roh Kudusen-at iniluk inaptuk-o. Eke hit ebe nawon etno-at hinahla buruk ahep du, we hai neken-at buruk ahep-o. Eke An wene yig hisihi etno At Roh Kudusen iniluk inaptukon etno farim-at yig hisihi-o.

Yohanes 6:68

Yig isaruk apagma, at Simon Petrus etnowen yig ituk wilil, “Ninowe-o. Nit sa ambeg lul-o? Hat wene niniluk welamon etno unde wilil, yig nisaruk ahen-o.

Yohanes 8:28

Ariroho inahla buruk eleg isaruk apareg, At Yesus etnowen yig isaruk wilil, “Hiren At Allah Amloho etno mindoko imbik laharuk amuhupseg, At ebe etno-at ulug hinahla buhup-o. Hinahla buruk amuhupseg, Anden yig hisaruk wilil, ‘Nonggarehen suruk ahi fug-o. At Nikni etnowen yanggul nitukon etno-at yig hisaruk ahi-o,’ ulug yig hisarikikon etno demat yig nisarisi ulug hinahla buhup-o.

1 Timotius 1:16

Eke an bilin dag mondog suruk atikikon epmano At Kristus Yesusen fano naptisi etno it aphe ninen inilanggen nealug, wi, at Paulus dag suruk atision etno oke, At Allahen abua harisi-o, ulug inahla bulug, At Yesus obam ebetuk wilil, iniluk welamon etno holawag ulug fano naptisi-o.

1 Yohanes 2:25

Eke mondog hinim hiniluk welamon etno At Yesusen hurumbik arat yig nisebag-o.

1 Yohanes 5:20

Eke At Allah Amloho etno waharuk apareg, aren Allah wene du demat yig hisaruk ahi-o ulug yangguloko yig nisebag. Wene ariroho yig nisebag halug, At Allah ninim, Amloho Yesus Kristus etno ninim ninindi hunduhuk welahe-o. Ari At Allah Ninikni-at wereg-o. Aren niniluk wilil ninitog mondog welamon etno-at og nisaruk-o. Ari demat-o, ulug nit niniluk atuk-o.