Yohanes 12:48 - Allah Wene Hurumbik Keron

⁴⁸ Ari halug, it aphe ninen An nobam ebetuk eleg wilil, An nawene ninambit-o, ulug uruk isalug At misihen inoag deloko imbisahu-o. Ariroho imbisahu ari, wene Anden yig isaruk ahion etnowen-at inoag deloko imbisahu-o.

Yohanes 12:48 ပူးပေါင်းရင်းမြစ်များ

Lukas 10:16

eke fobik At omini epmano yig isaruk wilil, “It hit hinune inesanggo holtukon halug, An nune-at holtuk-o. Eke it ninen hit inapmarep hisaharukon halug, An nebe-at inapmarep naharuk-o. Eke it An inapmarep naharukon ari, An lahap nabik wapahon etno-at inapmarepfuruk-o,” ulug yig isebag.

Roma 2:16

Eke ari halug, o ari sambit At Allahen At Yesus Kristus inuk fam it yi aphe di aphe obog inindimu herako ebetukon etno selegmaroho bukaloko umbulug inoag del inabuhu-o, ulug an wene fano wene etno fam yig hisaruk ahi-o.

2 Tesalonika 1:8

Ambik wamuhupseg, it inahondok eral ambulpulon etno fam it Allah inapelehon epmano o dagma imbisahup-o. Ariroho imbisahup ari, it At Ninowe Yesus awene fano wene inesanggo holuk inamberakon epmano inim-at nintul nantul o hondok olok inaruk aruhu ambeg epma welamag ulug imbisahup-o.

Yohanes 11:24

Yig ituk apagma, eke at hwe etnowen yig ituk wilil, “An nowe Lazarus etno o ari fam iluk atlug minaruhu ulug niluk-o,” ulug yig epag. Yig ituk apagma, eke At Yesus etnowen yig ituk wilil, “It yi aphe di aphe waratukon iniluksoho min inaptuk ahion An at-o.

Ibrani 12:25

Ari halug, hit hinobabut fikfag wilil, At wene urukon etno une hinambit ha fug-o. Eke ap misig bilin Allah wene o kweanma dumen yig isarukmu, une inesanggo holtuk wilil, inambit haruk apahon epmano hite wilip amuog ulug sebahon oke, hai apag-o. Ari ilitoho nit At boholmen une yig nisarukon etno ninesanggo holuk sohorep isalug, ninolohore wilip amuhuk halug, nit ariroho-at hite wilip amulen ulug suhukon oke hai aruhu-o.

Ibrani 2:3

Ari halug, nit kidia wene fanowon du ninahap wendatukon etno ebetuk eleg wilil, keroho ninili holalug wilip amuhuk buruk ahep-o? Ari eleg-o. Wene hinili wawon etno du at-o, ulug At Ninoweyen yig isaruk apagma, it nin inindi ebepahonen wene du demat-o ulug nit yig nisebag.

Yohanes 5:45

Eke Anden Nikni yig ituk wilil, iren dag surusa at-o, ulug hinobam denggeluhuk fug-o. Eke hiren Aren ninobam denggeluhu ulug hinahla buk fug-o. Hit hinobam denggeluhu ari, hit at Musaen fano ninabuhu ulug obam ebetuk atikibon etnowen-at hinobam denggeluhu-o.

Matius 21:42

Yig ituk apagma, eke At Yesusen yig isaruk wilil, “Hit Alkitab wene baleg du wane sirikip fureg uruk ahep ano? Alkitab wene baleg etnowen yig nisaruk wilil, ‘It o faltukon etnowen helep du dahon-o, ulug sohorep isebahon etno fobik at misihen o isin neken-at lahapfebag-o. Eke At Ninikni inuk suon etnowen ariroho lahapfebag etno fam, ninilanggen halug fog suruk ahe-o,’ ulug ebahon wene baleg fam wereg etna hiniluk-o.

2 Korintus 4:3

Eke wene fano wene yig isaruk aheon etno wene du herahowon-at yig nisaruk-o, ulug it aphe o dagma lahubon epmanowen-at uruk-o.

Lukas 20:17

eke At Yesus etnowen yet isaruk apareg, yig isaruk wilil, “Eleg ehep ari, eke Alkitab fam werehon etno-at yig hisamin oke, hiren ebe ariroho wereg ulug yig nitlihip-o. Alkitab wene baleg etnowen yig nisaruk wilil, ‘It o faltukon etnowen e du dahon-o ulug sohorep isebahon etno, fobik at misihen o isin neken-at lahapfebag-o,’ ulug Alkitab fam wereg heheg,

Lukas 17:25

Eke ariroho awan waharuk elegma, bilin it aphe kidia werehon epmanowen ninambit-o ulug uruk atlug, dahon angginon etno nobam umburuk amuhupseg, nowabuhup-o.

Lukas 9:26

Eke hit An ninuk inim, An nawene etno inim yig isao hinenggalien sohorep isaruk amuhup halug, fobik An Allahen minduhup naharision etno An Nikni inim, it boholma malaikat epmano inim ininuk suon wereg etno hag ninuk suontep naharuk amuhupmu, Anden hinili wao sohorep hisahakuk-o,” ulug yig isaruk apareg, eke fobik yig isaruk wilil,

Lukas 9:22

yig isaruk wilil, “An Allahen minduhup naharision etno dahon neken nowabuhup-o. It hinowesi epmano inim, eke it Allah unde inowe suon etno inim, it wene baleg unde epmano inimen inambit nearuk amuhupseg, nowabuhupmu, ninggik henahanam welaruhukseg fam, niluksoho minduhup nahaku-o,” ulug yig isebag.

Lukas 7:30

Eke it Farisi ap inim, eke it ap wene holal baleg unde epmano inimen At Allahen inesanggo wapahon etno holtug elegma, at Yohanesen ikma belap ninabuk ninambit-o, ulug uruk apag.

Markus 16:16

Eke iren wene fano wene yangguloko yig isahubon etno inindien demat ulug eberoko waruk isalug, ikma belap inabuhup etno fam inili og inabuhuk-o. Eke wene etno inindimu eberoko waruk eleg isalug, oag deloko o dagma-at imbisahuk-o.

Markus 12:10

Alkitab wene baleg etnowen yig nisaruk wilil, “It o faltukon epmanowen helep du dahon-o ulug sohorep isebahon etno, fobik At misihen o isin neken-at lahapfebag-o.

Matius 25:31

Eke fobik At Yesusen yig isaruk wilil, “An Allahen minduhup naharision etno fobik Inowe suon wilil, nomalaikat obog og inaplug waharuk aruhukseg, An nebe e horie urukon e daleg fanowon etno fam horie uhuk-o.

Kisah Para Rasul 3:23

Eke aren yig hisahuon etno holtuk amuhup fug halug, At Allah udaki inahlen lisoko o dagma hinombisahaku-o,’ ulug at Musaen yig isaruk apagma,

Markus 8:31

Inesanggo watuk apareg, wene yig isaruk wilil, “An Allahen minduhup naharision oke, dahon neken nowabuhup-o. It inowesi suon epmano inim, eke it Allah unde inowe suon etno inim, it wene baleg unde epmano inimen inambit nearuk amuhupseg, nowabuhupmu, ninggik henahan welaruhukseg fam, niluksoho minduhup nahaku-o,” ulug wene etno bukaloko yig isaruk apagma,

Matius 10:15

Eke At Allahen fobik aphe inaren baltuk wilil, o Sodom Gomora dorat ahmu isahuon oke, eke it aphe heahi war hinaptuk elehon epmano mondog inabua isahu fug-o, ulug ariroho suhuon etno hinindi ebetuk amiek-o,” ulug inesanggo watuk apareg, lahap isebag.

Yohanes 6:39

Eke At lahap nabik waharision etnowen duroho sukag ulug ahla burukon etno yig nituk wilil, it aphe Anden og hituk seyahon epmano misig sohorep isahun fug-o. Inebe obog-at o ari fam iniluksoho minduhup isahun-o, ulug yig nituk apareg,

Yohanes 8:47

Eke it yi aphe di aphe obog At Allahen endag inaptukon etno hag At Allah une-at inesanggo holtuk-o. Eke hit hinebe At Allah udaki neken welahep fug ari fam An nune etno hinesanggo holtuk ahep fug-o,” ulug yig isebag.

Kisah Para Rasul 17:31

Eke fobik ap misig aren fuloko og nisebahon etnowen nit kweanmon yi aphe di aphe obog-at fanoroho ninaren baltuk atlug ninombisahaku ulug hurumbik arat yig nisarisi-o. Ariroho yig nisarision etno demat ulug ninindi ebebukag ulug ap etno it warehon wereg ambehen iluksoho minduhupfirisi-o,” ulug yig isarisi.

Ibrani 4:12

Eke At Allahen wene ebahon etnowen niniluk ninaptuk wilil, oag weregsoho-at suruk-o. Eke karog enggat femag femag werehon etno enggat wereg-at oke, eke At Allah wene etno hag, mondog enggat werehon-at wilil, aphe inindi fam inim, inomanggen fam inim, inoag abohe fam inim, kuruk-o. Ariroho kuruk wilil, it apheyen du nindi ulug inahla burukon etno inim, eke inindi ebetukon etno inim obog-at selegmaroho bukaloko oag deltuk-o.

Ibrani 10:25

Eke it nin inebe dambuksoho wonggaluk sohorep isaruk etno hag, nit ariroho suruk am fug-o. Eke At Ninowe wamon etno arat fanggog ik waharuk-o, ulug hinahla buruk ahep etno fam hit hit hinindi oag werehepataruk amuk-o.

1 Petrus 1:5

Eke hit Allah wene warukmu, hinindi oag weregsoho wahubon etno fobik At udaki fanoma imbisiog ulug weregma, fanowon og hisawon epmano dugsoho hinombisaharuk-o.

2 Petrus 3:3

Eke misig du hit hiniluk amag ulug yig hisaruk ahi-o. Fobik it ap inindien bulug inenggal urukon etno yig hisa wamuhup-o. Yig hisa wamuhupseg, hinahunda yabuog ulug yig hisaruk wilil,

2 Petrus 3:7

Eke bohol kwean kidia werehon etno fobik At Allah uneyen hondok fam war inabiog ulug wereg-o. Ariroho wereg ari, it dag surukon epmano obog-at hondok fam war inabiog ulug wereg-o.