Yohanes 12:43 - Allah Wene Hurumbik Keron

⁴³ Ariroho selegma eheg eleg-at welapag ari, it apheyen suontep nisahuk ari hag fano oke, At Allahen suontep nisahuk ari we hai neken at-o, ulug inahla buruk wilil ariroho welapag.

Yohanes 12:43 ပူးပေါင်းရင်းမြစ်များ

Matius 6:2

Eke it aphe inaharek elehon epmano dorat og isaruk wilil, hini­nuk suontepfukag ulug binggon une uk fug-o. Eke it inindi demat ulug ebetuk elehon epmano nininuk suontepfukag ulug o Allah wene uruk ambeg epmano inim, kwalema apheyen onggo anggolo hundutuk ambeg epmano inim ariroho suruk-o. It ariroho surukon epmano onggo fanowon etno og isahu fug-o, ulug An demat yig hisaruk ahi-o.

Lukas 16:15

Ahunda yatuk apagma, At Yesusen yig isaruk wilil, “Hiren aphe inil fam nit fano ulug uruk ahebon oke, hinindi fam ebetuk ahebon epma At Allah iluk wereg-o. Eke it apheyen du suon ulug inahla burukon oke, At Allahen du ebe doron-at heheg uruk ulug ahla buruk-o.

Lukas 19:17

Yig ituk apagma, eke at inowe etnowen yig ituk wilil, ‘Hat nanggimbu fano mondog welahen hiyihi-o. Yi angge di angge doron fam oke, hindi enggatoho suruk atikinteg fam, kidia o ahik nomaloen angge inowe welamag ulug minduhup haharuk ahi-o,’ ulug yig epag-o.

Yohanes 12:26

Eke at ap misig An nanggimbu welariog ulug ahla buruk halug, mug naplug waharuk amag-o. Ariroho waharuk halug, An wereg ambeg epma ninim lahuk-o. Eke it yi aphe di aphe obog An nanggimbu wereg isalug, An Niknien suontep isahu-o,” ulug yig isebag.

Yohanes 5:41

Yig isaruk apareg, eke fobik yig isaruk wilil, “An it apheyen suontep nahukag ulug suruk ahi fug-o.

Yohanes 5:44

Eke ari halug, hit hit suontepatawon hinindi haruk ahebon oke, At Allahen suontep hisahukag ulug suruk ahep fug du, hit An nawene etno keroho eberoko welep-o?

Yohanes 7:18

Eke at ap misig onggareg ahla burukon etno-at yig isaruk ari, at ebe-at suontepatiog ulug suruk-o. Eke ap misig at lahap nabik waharision etno inuk-at suontepfukag ulug ahla buruk wilil surukon ari, indi seberoho wereg etno fam, enggal wene yig isaruk eleg-o.

Yohanes 8:54

Yig ituk apagma, At Yesusen yig isaruk wilil, “An nonggarehen-at ninuk suontepatelemen, hai neken-at suontepatele oke, An suontep naharuk ari, At Nikni hiren Allah demat-o ulug uruk ahebon etnowen-at suontep naharuk-o.

Roma 2:29

Eke ap misig ahap selemen-at Yahudi ap ulug wereg eleg-o. Eke wene holal baleg etno uneyen-at wane sulug Yahudi ap atuk eleg-o. We indi undama At Allah Roh Kudusen fano sirision etno hag ari demat Yahudi ap ulug wereg-o. Eke at ap arion hag it apheyen suontepfuruk eleg-o, At Allahen-at suontepfuruk-o.

Roma 2:7

Eke it aphe nin fanowon epmano suruk wilil, At Allah nabelal habelal og nisawag ulug obam inindi ebetukon epmano inim, eke fano surukon epmano inim, At Allahen mondog iniluk welamag ulug og isahuon oke,

1 Korintus 4:5

Eke hit At Ninowe inuk suon awan waharuk eleg heheg, hiren aphe inoag del inabuk fug-o. Eke At Ninowe inuk suon etno o ari sambit waharuk aruhureg, o hubanggo neken werehon etno selegma embeheg, eke it aphe inindimuen herako ebetukon epmano selegmaroho imbiseheg suhu-o. Ariroho suruk aruhureg, At Allahen o ari sambit aphe inakeleg inakeleg ininuk suontep isahu-o.

2 Korintus 10:18

Eke onggarehen suontepatarukon halug, doron neken-at wereg-o.

1 Tesalonika 2:6

Eke hiren inim, it ninen inim nininuk suontep nisahukag ulug surukuk fug-o.

1 Petrus 3:4

Ariroho suk fug ulug yig hisihi ari hinindi fanowon welamuhuben ulug yig hisihi-o. Hinobabut fano wilil, hinindi uwa bal bal uruk elegma, At Allah ahien hisaruk-o.