Yohanes 12:34 - Allah Wene Hurumbik Keron

³⁴ Yig isaruk apagma, eke it aphe epmanowen yig ituk wilil, “Amuk at Musaen Kristus ahurumbik yig nisebag etno, At ebe waraheg eleg iluk mondog-at welaruhu ulug yig nisebahon oke, Haren At Allah Amloho etno imbik lahakup ehen ari, keroho ulug ehen-o? Eke At Allah Amloho ehen ari, sa farim ehen-o?” ulug yig epag.

Yohanes 12:34 ပူးပေါင်းရင်းမြစ်များ

Matius 16:13

Inahla buruk apagma, At Yesus etno o Kaisarea Filipi aliluke epmano laruk apareg, At omini epmano yig isaruk wilil, “It aphe dumen An Allahen minduhup naharision etno farim sa ulug uruk-o?” ulug yig isaruk apagma,

Matius 21:10

Il laruk apagma, At Yesus etno o Yerusalem kebag. Kuruk apagma, it aphe obog o epma welapahon epmano inindi aplohok suruk apareg, irit uruk wilil, “Hit ap du sa buruk ahep-o?” ulug uruk apagma, eke it ninen uruk wilil,

Matius 8:20

Yig ituk apagma, eke At Yesusen yig ituk wilil, “Bak halug, inibam e elma wereg-o. Eke sue boholma sil nurukon halug, inibam wereg-o. Eke An Allahen minduhup naharision etno kel siog ulug nunggul hopsoho ying am ambeg ari eleg-o,” ulug yig epag.

Yohanes 10:34

Ariroho yig ituk apagma, eke At Yesus etnowen yig isaruk wilil, “Hit wene duroho suruk amuk eke duroho suruk am fug ulug ebahon fam, At Allahen yig hisaruk wilil, ‘Hit hinebe At Allah ilitoho suon welahep-o,’ ulug yig hisebahon Alkitab wene baleg fam wereg-o.

Yohanes 12:32

Eke An nebe etno o kweanma dumen nombahik laharuk iseheg, Anden it yi aphe di aphe obog-at inayonggo umburuk aruhukseg, og inaplug lahuk-o,” ulug yig isebag.

Yohanes 15:25

Ariroho inambit hun ninaptusa ari, Alkitab wene baleg etno fam yig isaruk wilil, ‘Alem eleg heheg inambit hun ninaptusa-o, ulug ebahon etno demat ebag ulug inahla bukag ulug, inambit hun ninaptusa-o,’ ulug yig isebag.

Yohanes 8:28

Ariroho inahla buruk eleg isaruk apareg, At Yesus etnowen yig isaruk wilil, “Hiren At Allah Amloho etno mindoko imbik laharuk amuhupseg, At ebe etno-at ulug hinahla buhup-o. Hinahla buruk amuhupseg, Anden yig hisaruk wilil, ‘Nonggarehen suruk ahi fug-o. At Nikni etnowen yanggul nitukon etno-at yig hisaruk ahi-o,’ ulug yig hisarikikon etno demat yig nisarisi ulug hinahla buhup-o.

Roma 3:19

Eke it wene duroho suruk amuk eke duroho suruk am fug ulug ebahon etno iniluk halug, wene etnowen komo yig isaruk-o. Eke ariroho yig isaruk ari, it aphe kweanmon obog dag surukon epmano At Allahen oag del inaptuk halug, iren nit dag surukuk fug-o, ulug alem dahon inobam werehon etno elehepfuk nowen ulug ariroho yig isaruk-o.

Roma 5:18

Eke ari halug, alem misig dag sebareg fam, alem dahon it yi aphe di aphe obog-at inobam wereg apag etno hag, alem misig fano sebag etno fam, it yi aphe di aphe obog alem dahon inobam werehon epmano elehepfuruk wilil, inilukep isaruk-o.

Ibrani 7:24

Ariroho welapahon oke, At Yesus hag iluk itog mondog welaruhu ari fam, at eyabuk etno at misihen sukag ulug inggikmu umburuk eleg-o.