Yohanes 12:31 - Allah Wene Hurumbik Keron

³¹ Eke kidia it aphe kweanmon oag deloko imbisawon etno arat fanggog uruk-o. Ariroho fanggog uruk wilil, at iblis o kweanma duma inikni suon neken welapahon etno oag elehepfukon etno inim arat fanggog uruk-o.

Yohanes 12:31 ပူးပေါင်းရင်းမြစ်များ

Matius 12:28

Eke An hag, At Allah Roh Kudus etnowen oag werehon etno og nitukmu, setan lisoko wilip isaruk ahi-o. Ariroho wilip inaptuk nealug, hiren At Allah weregmen sukon etno nit weregmen arat suruk-o, ulug hinahla buruk am fano-o.

Yohanes 14:30

Eke kidia hag, wene atog inim yig hisamin fug-o. At iblis, o kweanma duma inikni suon neken werehon etno arat waharuk-o. At ebe etno arat waharuk ari, aren An seberep nahaku fug-o.

Yohanes 3:19

Inebe oag deloko imbisarisi etno, iren duroho suruk isalug imbisarisi-o, At o seleg etno o kweanma duma waharision oke, it aphe epmano dag-at suruk ari fam, o seleg etno sohorep isalug, o hubanggo welamon etno holarusa-o.

Yohanes 9:39

Kunuk uruk apagma, At Yesusen yig ituk wilil, “An nebe etno it yi aphe di aphe obog-at oag deloko imbisiog ulug o kweanma duma ambik waharikik etno, it inilanggen buhon fenggen aheg, eke it inilanggen fenggenehon etno bug aheg suruk amag ulug ambik waharikik-o,” ulug yig epag.

Kisah Para Rasul 26:18

Eke haren it aphe o hikmu neken werehon epmano inebe selegmaroho imbisaruk wilil, iniluk inabukag ulug minduhup hahakireg fam, it inebe at iblis apma werehon epmano sohorep isalug, At Allah apma imbisahun-o. Ariroho suruk aruhunmu, it aphe obohen An ninuk eberoko waruk wilil, iren dag suruk atuson epmano sohorep isalug, At Allahen fuloko imbisebareg fam, At udaki-at welamuhup-o,’ ulug At Yesusen yig nitisi-o,” ulug eke at Paulusen yig isarisi.

1 Korintus 1:20

Ari halug, it ap ninindi wereg ulug inahla burukon epmano inebe kema welamuhup-o? Eke it ap nit wene unde welahe inahla burukon epmano inebe kema welamuhup-o? Eke it o dumen aphe inesanggo watukon ari o kema welamuhup-o? Eke it o kweanmen ninindi wereg ulug inune urukon epmano At Allahen arat urunanggeroho imbisarisi-o.

1 Korintus 1:21

Eke At Allah etno indi iluk mondog wilil, Aren it ap o kweanmen ninindi wereg ulug inahla burukon epmano fam An nebe iniluk am nowen ulug urunanggerep isaruk apareg, niren wene yig isaruk aheon etno bilin wene du hai neken burukukon oke, At Allahen wene ari fam aphe nin demat ebetuk nisalug, inili og inabuhuk ulug ahla bebag-o.

2 Korintus 4:4

Eke it ariroho urukon epmano-at o kweanma duma inowe dahon etnowen o hikmu neken imbisaruk halug, iren wene fano wene du demat ulug inindi ebetuk eleg-o. Eke wene fano wene arien At Kristus Allah olohore ilitoho werehon etno-at suon wereg ulug yig nisaruk ari, o seleg neken wereg-o. Eke o seleg etno it aphe demat ulug ebetuk elehon epmanowen inilanggen ha nowen ulug at setanen o hikmu neken imbisaruk-o.

Efesus 6:12

Eke nit wim aptuk ahe etno aphe ninim aptuk ahe fug-o. Eke at setan etno inim, eke at omini inoag werehon boholmon epmano inim, eke it inowesi dahon o hikmu werehon epmano inim, it obog-at ninim wim aptuk ahe-o.

Kolose 2:15

Ariroho hinombisaharuk apareg, warapag-o. Eke At ebe warapareg fam, it yi angge di angge inoag weregsoho werehon epmano inoag elegsoho imbisaruk apareg, it yi aphe di aphe inilanggen hawag ulug selegma-at apma imbisebag-o.

Ibrani 2:14

Eke At etnowen it du An nudaki at-o, ulug ebag ari, nit aphe kweanmon duma farim-at ebag halug, At Yesus etno nit ilitoho-at endag atuk apareg, it kweanmon ilitoho-at welapag. Ariroho wilil, At ebe warapag etno fam, at iblis bilin it aphe waratukon unde wereg welapahon etno oag elegsoho umburuk apareg,

1 Yohanes 3:8

Eke at misig nintul nantul dag surukon halug, at iblisen angge-at wereg-o. At iblis halug, dag surukon ari itog-at wereg-o. Eke at iblisen surukon etno eleg amag ulug At Yesus, Allah Amloho kweanma wapag-o.

1 Yohanes 4:4

Eke hit hag Allah udaki-at welahep-o. It inenggal urukon epmano hinapmarep isarikip-o. Ari Roh Kudus hinindimu werehon etno oag wereg halug, yi angge di angge kweanmen urukon epmano seberepfirisi-o.

1 Yohanes 5:19

Yi angge di angge kweanmon at setan etnowen sen inaptukon-at oke, eke nit halug, ninebe Allahen angge-at welahe ari, demat ulug niniluk atuk-o.