Yohanes 12:3 - Allah Wene Hurumbik Keron

³ Horieg weregma, at hwe Maria etnowen ambusu amben fanowon sohorluk fam honanggo weregma onggo anggolo fam hundutukon etno waruk apareg, At Yesus iog fam delepfebag. Delepfuruk apareg, at iruk fam ho sebag. Ho suruk apareg weregma, ambusu amben fanowon etno o epmano obog keleg apag.

Yohanes 12:3 ပူးပေါင်းရင်းမြစ်များ

Lukas 10:42

sohorep isalug ebe misig hindimu ebebuk fano. Eke at Maria etnowen ebe fanowon etno imihikekseg fam, mondog-at holahu-o,” ulug yig epag.

Lukas 7:46

Eke haren ambusu amben fanowon etno niruk fam wabukag ulug og nerehen fuhon oke, eke at hwe duen ambusu amben fanowon etno niog anggulmu delepfehek-o.

Yohanes 11:2

Eke at hwe Maria At Ninowe iog fam ambusu amben fanowon etno delepfuruk apareg, at iruk fam ho sebahon etno owe Lazarus uk wareg welapag.

Yohanes 11:28

Yig ituk apareg, at Marta etno iog suhuluk uma kebag. Kuruk apareg, at ot Maria etno akeleg-at weregma ambeg lebag. Laruk apareg, yig ituk wilil, “At Ninowe yanggul nisarukon wahareg, epma wilil wol hearuk-o,” ulug yig epag.

Yohanes 11:32

Ariroho inahla buruk apareg weregma, at Maria etno Yesus ambeg laruk apareg, ebe ilanggen halug, apma kunuk ebag. Kunuk uruk apareg, yig ituk wilil, “Nowe-o, Hat hebe duma welatlenmen, an nowe etno waratlep fug-o,” ulug yig epag.

Yohanes 19:39

Walug laruk wilil, at Nikodemus, bilin o hubanggo At Yesus ha lebahon etno inimen e anggen amben fanowon, lilahe hahon etno inim, anggin tiga puluh kilogram neken anggolo-at walug lebag.