Yohanes 12:27 - Allah Wene Hurumbik Keron

²⁷ Eke fobik At Yesus etnowen uruk wilil, “Kidia nindi dag aha ari, keroho ik-o? Ari halug, Anden Nikni-o, An nowabukon etno Haren elehapsin-o, ulug ariroho yig irik ano? Ari eleg-o. An nebe etno nowabukag ulug-at o kweanma duma ambik waharikik-o.

Yohanes 12:27 ပူးပေါင်းရင်းမြစ်များ

Matius 11:25

Eke fobik o ari sambit At Yesusen uruk wilil, “Nikni-o, Hat hebe boholma kweanma Inikni suon at welahen-o. Ariroho wilil, Haren it ap An niluk ulug inahla burukon epma­no yig isao sohorep isalug, it inapelehon epmano yanggul isa­ri­kin ari famen wa ulug yig hituk ahi-o, Nikni.

Matius 11:26

Haren hahien isaruk wilil, fuloko imbisaruk atikinteg yig isa­rikin-o.

Matius 26:42

eke At Yesus bilin lebag etno hag fobik laruk apareg, sembahyang uruk wilil, “Nikni-o, An ambusu sohorluk fam honanggo du naruk eleg nealug, Haren wamihin fug hiyihi-o. Ari halug, Hat hahla buruk ahenon etno-at siuk-o,” ulug sembahyang uruk apareg,

Matius 26:45

Uruk apareg, omini inambeg suhuluk wapag. Waharuk apareg, yig isaruk wilil, “Hit kidia hinambol sat kelsaruk wilil nohoruk amiek, ulug arat yig hisihi-o. Eke An Allahen minduhup naharision etno it dag surukon etnowen nebe sen nabukon etno kidia horog fanggog ehek-o.

Lukas 22:44

Indi oag werehepfuruk apagma, indi dag atuk wilil, sembahyang mondog uruk apag. Urukmu, At etno obamen ilisag mep degsoho kweanma amburuk etno hag amburuk apag.

Lukas 22:53

Eke An bilin o Allah ibam nintul nantul hit ninim welatukukon epmanowen sen naptikip fuhon oke, kidia hiren senabuog ulug eberehepseg fam, o at setan wereg ambeg hikmu epmanowen sukon etno arat suruk-o,” ulug yig isebag.

Yohanes 11:41

Yig ituk apagma, it epmanowen helep sok larehon etno husoko wilipfebag. Wilipfuruk apagma, At Yesus etno ilanggen kolap haruk apareg, uruk wilil, “Nikni wa, An nune yig hituk nealug, Hat hesanggo holtuk ahen-o.

Yohanes 12:23

Yig irik laruk apagma, At Yesus etnowen yig isaruk wilil, “An Allahen minduhup naharision etno nebe suon welamag ulug minduhup nahukon etno kidia arat fanggog uruk-o.

Yohanes 13:21

Yig isaruk apareg, At Yesus etno indi mondog dag apag. Indi dag atuk apareg, bukaloko yig isaruk wilil, “Ap hiron misihen An nebe sen nabukag ulug yonggo likon-o, ulug yig hisihi ari demat yig hisihi-o,” ulug yig isebag.

Yohanes 18:37

Yig ituk apagma, at Pilatus etnowen yig ituk wilil, “Ariroho ehen ari, Hat hebe etno it aphe nin inowe suon neken welahen hiyihi-o,” ulug yig ituk apagma, At Yesus etnowen yig ituk wilil, “Hat hebe it aphe nin Inowe suon welahen yig nerehen ari, haren-at ehen-o. Eke An nebe o kweanma duma ambik waharikikseg, endag atikik ari, wene demat uruk amon etno-at yig isiog ulug ambik waharikik-o. Eke it yi aphe di aphe wene demat uruk amon etno eberoko warukon halug, An nawene etno inesanggo holtuk-o,” ulug yig epag.

1 Timotius 1:15

Eke it aphe obohen eberoko wawag ulug, wene du demat yig hituk ahi-o, At Kristus Yesus etno it aphe dag surukon epmano fano inabiog ulug o kweanma duma wapag-o.

Ibrani 2:14

Eke At etnowen it du An nudaki at-o, ulug ebag ari, nit aphe kweanmon duma farim-at ebag halug, At Yesus etno nit ilitoho-at endag atuk apareg, it kweanmon ilitoho-at welapag. Ariroho wilil, At ebe warapag etno fam, at iblis bilin it aphe waratukon unde wereg welapahon etno oag elegsoho umburuk apareg,

Ibrani 5:7

Eke At Yesus etno ebe o kweanma iluk wilil, At Allah obam sembahyang kino eheg eke une suon eheg, ioba yareheg suruk wilil, At ili wawon etno obam kino yig epag-o. Yig epag ari, At indi seberoho wilil, obam ebetuk apagma, At une urukon etno Allah esanggo holfag-o.