Yohanes 12:26 - Allah Wene Hurumbik Keron

²⁶ Eke at ap misig An nanggimbu welariog ulug ahla buruk halug, mug naplug waharuk amag-o. Ariroho waharuk halug, An wereg ambeg epma ninim lahuk-o. Eke it yi aphe di aphe obog An nanggimbu wereg isalug, An Niknien suontep isahu-o,” ulug yig isebag.

Yohanes 12:26 ပူးပေါင်းရင်းမြစ်များ

Matius 16:24

Yig ituk apareg, eke fobik omini epmano yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno hinomalo fam holalug, An ninim-at sil nuruk amuhuk-o.

Matius 25:21

Yig ituk apagma, at ikni etnowen yig ituk wilil, ‘Hat nanggimbu hobabut fanoroho wilil yabuk suk harug fanowon etno ilitoho-at sirikin-o. Eke uang anggen dorat oke, fanoroho aso welatikin ari famen, fobik uang anggen anggolo aso welamag ulug minduhup hahakuk-o. Ariroho minduhup hahakuk ari, an hikni ninim ninahien hahuken ninim kuhuk-o,’ ulug yig epag-o.

Markus 8:34

Winimug yig ituk apareg, it aphe wonggalik wapahon epmano inim, eke At omini epmano inim wol isaruk apareg, yig isaruk wilil “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno hinomalo fam holalug, An ninim-at sil nuruk amuhuk-o,” ulug yig isaruk apareg, eke fobik yig isaruk wilil,

Lukas 12:37

Eke at inowe etno waharuk atlug, it anggimbu epmano iniluk wilil aso weregma ilanggen isaruk atlug, nanggimbu fanowon ulug yig isaruk-o. Eke aserlog keteroho wansalug, ninim horie ulen ulug inaso welaruhu-o.

Lukas 6:46

Eke fobik At Yesusen yig isaruk wilil, “Hiren Ninowe, Ninowe yig nituk ahebon oke, eke Anden yig hisaruk ahion etno ilitoho suruk ahep fug du, keroho ulug suruk ahep-o?

Lukas 9:23

Yig isaruk apareg, eke fobik it obog yig isaruk wilil, “Hit An ninim sil nuruk amuhuken ulug hinahla buruk ahep halug, yi angge di angge hinindi hunduhuk welahebon epmano sohorep isalug, hinahe salib etno nintul nantul hinomalo fam holalug, An ninim-at sil nuruk amuhuk-o.

Yohanes 10:27

Eke it An nandomba epmano hag An nune inesanggo holtuk-o. Eke Anden inebe niluk welahi fam, iren An mug naplug laruk-o.

Yohanes 13:16

Ari halug, Anden hit wene demat uruk amon etno yig hisamin-o. Ap misig anggimbu etno suon neken, eke ikni etno doron neken wereg eleg-o. Eke ap misihen at misig lawag ulug mondepfurukon etno suon neken, eke at lag ulug yig itukon etno doron neken wereg eleg-o,

Yohanes 14:15

Eke fobik At Yesusen yig isaruk wilil, “Hiren An nebe hinindi hunduhuk welahep halug, An nawene etno hiniluk wilil, ilitoho suruk amuhup-o.

Yohanes 14:3

Ari halug, An fobik o baharik hit welamon epmano fikfag haloko hinombisahik lahukseg, fobik niog suhuluk waruhuk-o. Niog suhuluk waharuk aruhukseg, hit og hinaplug An welahi ambeg epma lahuk-o. Laruk amuhukseg hit hinebe An nibam epmano ninim welamuhuk-o.

Yohanes 15:20

Eke Anden hit bilin yig hisaruk wilil, ‘Ap misig anggimbu etno suon neken, eke ikni etno doron neken wereg eleg-o,’ ulug yig hisarikikon etno hinindi eberiek-o. Iren An nebe muko wilip nabuog ulug surusa etno hag, hit ariroho at muko wilip hinabuog ulug suhup-o. Eke iren An nawene etno inesanggo holtusa fug etno hag, hit hinawene epmano ariroho-at inesanggo holtuk amuhup fug-o.

Yohanes 17:24

Eke Haren it inebe etno og nitikinteg fam, it inebe An wereg ambeg epma ninim welam nindi-o. It inebe epma wilil, Haren suontep naharuk ahenon etno inilanggen hahup-o. Eke Haren o kweanma duma awan wal haruk eleg wilil, An nobam hindi hunduhuk welahenag-o Nikni.

Yohanes 21:22

Yig ituk apagma, At Yesusen yig ituk wilil, “Anden ap du An awan waharuk eleg neyeheg iluk-at welamag-o ulug nahla belemen, haren elen fug-o. An nakelehen-at nahla bele-o. Ari halug, kidia hat hebe etno An mug naplug ma-o,” ulug yig epag.

Roma 1:1

An Paulus At Yesus Kristus anggimbu wilil, wene fano wene yig isil nuruk aruhunen ulug At Allahen wol naptisireg, minduhup naharisimu an wene du yig hisaruk ahi-o.

Roma 14:18

Eke it yi aphe di aphe obog ariroho At Kristus anggimbu neken werehon halug, At Allah ahien inobam embeheg, eke it apheyen inahien iseheg suruk-o.

2 Korintus 4:5

Eke nit hag nit ninobam-at ebetuk amuk ulug yig isaruk eleg wilil, At Ninowe Yesus Kristus-at obam ebetuk amuk ulug yig isaruk ahe-o. Eke nit ninebe ari At Yesus inuk fam hit hinanggimbu neken-at welahe-o, ulug yig isaruk ahe-o.

2 Korintus 5:8

Eke ari halug, ninindi oag weregsoho-at wilil, nit ninebe ninibam duma neken welaheon epmano sohorep isalug, At Ninowe ibam epmano ninim welam ninindien suruk aheon oke,

Galatia 1:10

Eke At Allah mutlug lawag ulug yig hisaruk ahi ano, eke ap misig mutlug lawag ulug yig hisiog ulug suruk ahi ano? Eke it aphe inahien neawag ulug suruk ahi ano? Ari eleg-o. Eke an hag it aphe inahien neawag ulug sil nuruk atlemen, At Kristus anggimbu welatle fug-o.

Filipi 1:23

Eke alem biren etno an nindimuen yig nituk-o. An nebe niluk welamon etno sohorep isalug, At Kristus ninim welam ari fano,

Kolose 3:24

Eke hit hinahientoho suruk amuhupmu, At Allahen onggo dugsoho hinombisahebahon etno og hisahu-o. Eke hit aphe inanggimbu oke, At Kristus anggimbu-at welahep-o. Ari halug, at eyabuk fanoroho suruk amuk-o.

Kolose 4:12

Eke At Yesus Kristus anggimbu hinomin Epafras etnowen wahinaniog ulug heahi war hinaptuk-o.

2 Petrus 1:1

Nomini-o, At Ninikni Allah Ninowe Yesus inimen fuloko hinombisaharisimu, hit nit ilitoho Allah wene fanowon etno warukmu, an Simon Petrus, Yesus omin wilil, Allah wene yig isil nuruk amag ulug mondep naharision etnowen holal du bal hisihi-o.

1 Yohanes 5:3

Eke At Allah ninindi hunduhuk welahe ari, aren komo yig nisarukon etno suruk nisalug, we ari fam niniluk atuk-o. At Allahen komo yig nisarukon etno abutseon-at yig nisaruk-o.

Yudas 1:1

An Yudas at Yakobus ot etno, Yesus Kristus anggimbu wilil, holal du umburuk ahi-o. Hit obog At Allahen wol hisebahon etno wene holal du hinombisahaki-o. At Ninikni Allah hit indi hunduhuk wereg halug, At Yesus Kristus etnowen hit bule amburukim ulug sen hinasug wereg-o.

Wahyu 14:4

Inebe seratus empat puluh empat epmano inuhwesi holeheg eleg-at ap elege neken welatusa-o. Ariroho wilil, At Wam Domba Udag etno laruk ambeg epmano-at inim mutlug larusa-o. Ariroho laruk atusareg fam it aphe kweanmon inanggelegmen inili oko, inowesi bilinon neken At Allah inim, eke At Wam Domba Udag etno inim og isarusa-o.