Yohanes 12:20 - Allah Wene Hurumbik Keron

²⁰ Eke it yi aphe di aphe obog o Yerusalem esoho esebuog ulug waharukmu, inanggelegma it Yunani aphe nin inim wapag.

Yohanes 12:20 ပူးပေါင်းရင်းမြစ်များ

Markus 7:26

At hwe o Siro Fenisiaon endag apareg Allah wene apeleg-at welapahon oke, At Yesus yig ituk wilil, “An nahaloho setan indimu kirision dina Haren lisoko wilipfimihinen-o,” ulug yig epag.

Yohanes 12:1

Eke fobik it epmanowen ininggik enggalimen angge fam esoho inuk Paskah etno esebuog ulug suruk iseheg, At Yesus etno o Betania Lazarus Aren iluksoho minduhupfebahon ibam etno lebag.

Yohanes 12:19

Heahi war war uog ulug laruk apagma, it Farisi ap epmanowen irit uruk wilil, “Niren ariroho suhuk ulug ninahla buruk aheon etno hai aruhu hehe-o. It yi aphe di aphe kweanmon obohen At-at mutlug laruk isehe-o,” ulug uruk apag.

Yohanes 7:35

Ariroho yig isaruk apagma, it Yahudi ap etnowen irit uruk wilil, “At ap duen hiren An heag nabuhup fug ulug yig nisaruk du, At ebe kema liog ulug uruk-o?

Kisah Para Rasul 14:1

It Paulus Barnabas etano o Ikonium wilil, it Yahudi Allah wene uruk ambeg epmano kuruk apareg, wene yig isaruk apagma, it Yahudi ap inim eke it Allah wene inapelehon inim anggolo-at eberoko waruk apag.

Kisah Para Rasul 16:1

Nin eke at Paulus etno o Derbe inim, o Listra inim lebag. Laruk apareg weregma, ap Allah wene warukon misig inuk Titus etno isina Allah wene warukon ungguluag Yahudi hwe weregma, eke ikni ungguluag Yunani ap welapag.

Kisah Para Rasul 17:4

Yig isaruk atisimu, it nin wene etno waruk atusareg, it Paulus Silas inim welatusa. Eke it Yunani ap Allah wene warukon inim, eke it inowesi anggolo inim wene etno ariroho waruk atusareg inim welatusa.

Kisah Para Rasul 20:21

Eke it Yahudi ap inim, it bilin Allah wene inapeleg welatuson inim obog-at iren dag surukon epmano inobam inapelegsoho imbisalug At Allahen apma imbisahureg fam, At Ninowe Yesus inuk eberoko wawag, ulug obog-at yig hisarikik-o.

Kisah Para Rasul 21:28

“Hit Israel ap du maniek-o. Ap du o ahik ya da wene yig isil nuruk wilil, nit Israel ap inim, at Musaen wene duroho suruk amuk eke duroho suruk am fug ulug ebahon etno inim, eke o Allah ibam duma inim obog seberoho ninombisaharuk etno hag, eke kidia it ap Allah wene inapelehon epmano o Allah ibam og inabik wahareg, o du niren usa uruk aheon etno oke, hairepfehek-o,” ulug urusa.

Kisah Para Rasul 8:27

Yig ituk apagma, at Filipus etno minatuk apareg lebag. Laruk apagma, eke at o Etiopia ap suon etno ibam liog ulug kwalem etno fam wapag.

Roma 1:16

Eke At Allahen oag weregsoho inili wawon wene etno it Yahudi aben bilin eberoko weheg, eke it aphe Allah wene inapeleg welatuson epmanowen fobik eberoko waruk isalug, inili wahu etno fam, At Kristus awene fanowon etno nenggali elegsoho wilil yig isaruk ahi-o.

Roma 10:12

ulug nit obog-at yig nisaruk ari, dahan fahan ninombisahalug yig nisaruk eleg-o. It Yahudi ap inim, it Allah wene bilin inapeleg welatuson epmano inim ilitoho-at yig nisaruk wilil, At Allah ebe it obog-at Ninikni wereg-o. Eke nit obohen At obam kino yig ituk nisalug, ahien anggolo-at ninobam umbuhu-o,

Galatia 2:3

Eke at Titus ninim larukukon etno ebe Yunani ap-at oke, iyunggul ambilik balukag ulug yig itusa fug-o.

Galatia 3:28

Eke ari halug, it Yahudi ap inim, eke it bilin Allah wene inapeleg welatuson epmano inim, eke it ap inanggimbu, iniknisi epmano inim, eke ap inim, hweap inim, it dahan fahan wereg eleg-o. Eke hit At Kristus Yesus hinim misig-at welahep etno fam obog ilitoho-at welahep-o.

Kolose 3:11

Inobabut ketoho imbisarukon etno, it ap bilin Allah wene inapeleg welatuson inim, eke it Yahudi ap inim, it iniyunggul ambilik balehon etno inim, eke baleg elehon inim, it Barbar ap epmano inim, eke it Skit ap epmano inim, ari it aphe inune ninilukon epmano inim, eke inune ninapelehon epmano inim, eke ap suon inim, eke ap kimbu inim, it obog-at Kristus inim wilil, inebe misig-at inindi hunduhuk wereg-o.