Yohanes 12:19 - Allah Wene Hurumbik Keron

¹⁹ Heahi war war uog ulug laruk apagma, it Farisi ap epmanowen irit uruk wilil, “Niren ariroho suhuk ulug ninahla buruk aheon etno hai aruhu hehe-o. It yi aphe di aphe kweanmon obohen At-at mutlug laruk isehe-o,” ulug uruk apag.

Yohanes 12:19 ပူးပေါင်းရင်းမြစ်များ

Matius 21:15

Fano inaptuk apagma, it Allah unde suon epmano inim, eke it wene unde epmano inim inilanggen hebag eke At Yesusen sukfuganggeroho suruk apahon etno inim, eke it udag ninen o Allah ibam etnowen, At Daud etamu inuk suontepfuk-o, ulug ebahon etno inim, obog-at inilanggen haruk apareg, inambit hebag.

Yohanes 12:18

Ariroho yig isil nuruk apagma, it yi aphe di aphe obog epmanowen inesanggo holtuk apareg, At Yesus inim heahi war war uog ulug lebag.

Yohanes 12:20

Eke it yi aphe di aphe obog o Yerusalem esoho esebuog ulug waharukmu, inanggelegma it Yunani aphe nin inim wapag.

Yohanes 17:21

Ariroho ihi ari, it obog inindi misig-at welamag ulug yig hituk ahi-o, Nikni. Eke nit Hat ninim ninebe misig-at welahe etno hag, it inebe nit ninim misig-at welamuhuken ulug yig hirihi-o. Eke it aphe kweanmon epmanowen, At Yesus Allahen demat lahapfik waharisi ulug inahla bukagsoho it An nudaki epmano inebe misig-at welamag ulug yig hirihi-o.

Yohanes 3:26

Winimug aptuk apareg, fobik at Yohanes ambeg wapag. Waharuk apareg, yig ituk wilil, “Ninowe yanggul nisarukon wai, hat bilin ap misig hinim ik Yordan le femag wilil, At awene yig isaruk atikinon epmano hindi ebetuk ahen ano? At ap etno kidia aphe ikma belap inaptuk halug, it yi aphe di aphe obog At ambeg-at laruk-o,” ulug yig epag.

Kisah Para Rasul 17:6

Kik haruk atusareg, inebe elehen, at Yason omini nin inim lit inaplug wilik waharusareg, it ap o etno werehon inowesi inambeg imbisa laruk wilil, “It at Paulus Silas etano o ahik ya da epmano aphe inindi kahaltil larusareg, nit ninibam waharusama,

1 Yohanes 2:2

At Kristus etno motoho-at sebag etno fam, dag suruk aheon epmano ninapelegsoho ninombisaharuk-o, eke it aphe obohen dag surukon epmano inim-at inapelegsoho imbisaruk-o.