Yohanes 12:13 - Allah Wene Hurumbik Keron

¹³ werale engga baloko walug At Yesus inim heahi wabuog ulug olohotma laruk apareg, inune suon uruk wilil, “Niren At Allah inuk-at suontepfuk-o. Ariroho suontepfuruk wilil, At ap Ninikni etno inuk fam waharukon du At Allah ahien obam umbukag ulug ehe-o. Ariroho ehe ari, nit Israel ap Ninowe inuk suon etno At Allah ahien obam umbukag ulug ehe-o,” ulug uruk apag.

Yohanes 12:13 ပူးပေါင်းရင်းမြစ်များ

Matius 23:39

Eke hiren uruk wilil, ‘At Ninikni inuk fam waharukon du At Allah ahien obam umbukag-o,’ ulug awan uruk eleg hiseheg, nolohore neahup fug-o, ulug An demat yig hisihi-o,” ulug At Yesusen yig isebag.

Matius 27:42

“Ap du aphe inili waruk atision oke, eke enggareg hag ili holao hai atuk-o. At ebe etno it Israel ap Inowe suon eleg ulug uruk ahep ano? Eke At ebe kidia onggarehen e famen loloko ambik waharuk halug, niren demat ulug obam ebebul-o.

Yohanes 1:49

Yig ituk apagma, eke at Natanael etnowen yig ituk wilil, “Ninowe yanggul nisarukon wai, Hat At Allah Amloho-at welahen hiyihi-o. Ari fam nit Israel ap Ninowe suon-at welahen hiyihi-o,” ulug yig epag.

Yohanes 12:14

Ariroho uruk apagma, At Yesus etno wam keledai misig heaharuk apareg, amboloag fam horie uruk apagma, walug lebag. Ariroho walug lebahon etno amuk Alkitab wene baleg fam hurumbik yig isaruk wilil,

Yohanes 12:15

“Hit aphe o Sion welahebon du hinakol ha fug-o. At Hinowe inuk suon etno wam keledai amboloag fam horieg weregma, hinambeg walug waharuk-o,”

Yohanes 19:15

Yig isaruk apagma, it epmanowen inune suon uruk wilil, “Eleg-o, At ebe e fam lenggaloko umbulug mondog-at warepfin-o,” ulug yig epag. Yig ituk apagma, at Pilatus etnowen yig isaruk wilil, “Hit ariroho ehep ari, hinowe suon etno e fam lenggaloko umbukag ulug yig nerehep ano?” ulug yig isebag. Yig isaruk apagma, it Allah unde inowesi suon epmanowen yig ituk wilil, “Nit ninowe suon ari, at Kaisar misig akeleg-at wereg-o,” ulug yig ituk apagma,

Wahyu 15:3

Og isaruk atisimu, eke it epmanowen at Musa Allah anggimbu etno inim, eke At Wam Domba Udag etno inimen di uruson etno iren uruk wilil, “Ninikni suon Allah wai. Haren sukfuganggeroho suruk ahen etno fanowon demat suruk ahen-o. Ari halug, it yi aphe di aphe Inowe suon Hat-at welahen-o, Ninowe.

Wahyu 19:16

Ariro­ho ahla birisireg, Ap du yi aphe di aphe inowesi epmano Inowe suon-at wereg-o ulug asum fam eke iog fam inim holal baleg welatisi-o.

Wahyu 7:9

Eke fobik an nilanggen haruk heheg, it aphe obog wanereg eleg wonggaleg welatusa-o. Wonggaleg welatusa ari, o ahik ya da inune urukon inim, o kweanma inungguluag obog inim wonggaleg welatusa-o. Ariroho wilil, At horie uruk ambeg etno inim, At Wam Domba Udag etno inim inolohotma minatuk atusareg, inasum huluon wanteg wilil, ininggikmu werale engga hahon etno dikiksoho seneg welatusa-o.